Page 15 - Сэрии кэмин оҕолоро 1 кинигэ

БААТАБАЙ нэһилиэгэ

Сэрии саҕана кураан буолан, от, бурдук мөлтөхтүк үүммүтэ.
Биһиги сайынын окко, бурдукка үлэлэһэр этибит. Бурдук суох
буолан, кутуйах хасааһын булан, хатаран, суорунаҕа тартаран
бурдук оҥорон лэппиэскэлээн сиир этибит. Улахан дьону кытта
тэҥҥэ үлэлээн, күһүн оскуолаҕа үөрэнэ барыахпытыгар диэри
сылдьарбыт.
Биһиги холкуоспут кыра этэ. Кэлин өрүс бэтэрээ өттүгэр баар
холкуоһу кытта холбоон, Сталин аатынан холкуос буолбуппут.
Мин оскуоланы II Өспөххө уонна Найахыга тахсан үөрэнэн, он-
тон Дүпсээҕэ баран орто үөрэҕи бүтэрбитим. Тутатына үөрэххэ
барбатаҕым, 2 сыл производствоҕа үлэлээн баран үөрэххэ киир-
битим. Томскайга 3,5 сыллаах зооветтехник үөрэҕин бүтэрэн,
үлэһит буолбутум. Дьонтон итэҕэһэ суох үлэлээн, биэнсийэҕэ тахсан олоробун. Сиэр
быһыытынан кэргэн тахсан, 4 уол оҕолоохпун. Үс уол үрдүк үөрэҕи бүтэрэн, үлэлии
сылдьаллар, биир уол дэриэбинэҕэ араас үлэлэргэ сылдьар. Бары ыаллар, оҕолоохтор.
Бары биир ыал курдук илтээхтик олоробут.
13.03.1936 с.т. 1986 с. социалистическай куоталаһыы кыайыылааҕа, «Уус Алдан
улууһун тыатын хаһаайыстыбатын сайдыытыгар кылаатын иһин» бэлиэлээх, улэ бэ-
тэрээнэ.
2017 сыл кулун тутар 23 күнэ

Кузьмина (Олесова) Анна Иннокентьевна

Мин 1944 сыллаахха атырдьах ыйын 25 күнүгэр Баатаҕай
нэһилиэгэр «Көйбөх» диэн сайылыкка күн сирин көрбүтүм.
Ийэм Олесова Мария Лукинична 1916 сыллаахха төрөөбүтэ,
сааһын тухары тыа хаһаайыстыбатыгар ыанньыксытынан үлэ-
лээн пенсияҕа тахсыбыта. Баатаҕай нэһилиэгин бочуоттаах
олохтооҕо. Аҕам Олесов Иннокентий Егорович, 1917 сыллаах
төрүөх, Аҕа дойду Улуу сэриитин кыггыылааҕа, бэтэрээнэ,
«Молотов» аатынан холкуоска сылгы көрөөччүнэн, сэбиэдиссэ-
йинэн үлэлээбитэ.
Аан бастаан 1959 сыллаахха Чараҥайга ыанньыксытынан
ыыппыттара. 13 ынахтаах, 1 атыыр оҕустаах, 1 ат оҕустаах этим,
ону нуучча хотонугар көрбүтүм. Икки ынах төрөөбүт этэ, ынах-
тарым бөдөҥ-садаҥ этилэр, эмиийдэрэ суон, сүмэлэрэ кыараҕас буолан, илиим иҥиирэ
хоҥнон эрэй бөҕөнөн ыыр этим. Хотонум биир өттүгэр Мария Гаврильевна, Ульяна
Гаврильевна бааллара. Биир муннугар Аманатова Мария кыыһынаан борооску көрөл-
лөрө. Уот-күөс диэн суоҕа, чүмэчи уотунан үлэлиирбит. Оччолорго 16 саастаах этим.
Сарсыарда эрдэ 4 чаастан хотоммор тахсарым. Ынах бөҕө төрөөн, сотору-сотору ынах-
тарбын маныырым.
Саас Халдьаайыга аҕалан оҕуһунан уу бастарбыттара. Онтон муус устар бүтүүтэ
ньирэй көрөөччүнэн анаатылар. Сайын Хаһалаахха ньирэйдэрбин илдьэ көһөрдүлэр.
40 устуука ньирэйи биэрбиттэрэ. Хаһалаахха 6 ыанньыксыт, бостуук, ньирэй көрөөччү
бааллара: Мария Семеновна, Готовцева Мария Гаврильевна, Готовцева Екатери-
на, Сивцева Варвара Ивановна, Готовцева Ульяна Касьяновна, Ылдьаана, ньирэй
көрөөччү Сивцева Татьяна Петровна, бостуук Готовцев Егор. Кыһын ньирэйдэрби-
тин илдьэ Кус Угарга кыстата ыыттылар. Онно дьукаахтарым: от тиэйээччинэн Уш-
ницкай Бүөтүр, кэргэнэ Ааныс, биир хотоҥҥо турбуппут. Нуучча хотонугар ыан-
ньыксыттар Матрена Никитична, Слепцова Варвара, Слепцов Интерн кэргэнинээн
сүөһү көрөн кыстаабыттара.

11