Page 113 - Сэрии кэмин оҕолоро 1 кинигэ

БЭРТ ҮУҺҮН нэһилиэгэ

8 сааспар нулевой кылааска үөрэнэ киирбитим. Аҕам Уш-
ницкая Татьяна Николаевнаны кэргэн ылан, Дүпсээҕэ көһөн
кэлбиппит. Ампаардаах алаас сайылыгар улахан ферма баара.
Ийэбит онно сайын аайы үүт астыыра. Наһаа улахан сэппэрээ-
тэри күҥҥэ үстэ сууйарбыт. Сарсыарда эрдэттэн ынах ыаһарым,
күнү быһа ас астыырга көмөлөһөрүм. Наһаа элбэх ыалдьыттаах
буоларбыт. 6, 12, 14 сыл балыс бырааттарбын көрөрүм. Күҥҥэ
олорон ылбыппын олох өйдөөбөппүн, оонньуурга бириэмэ ор-
дубат этэ. Билигин ииппит ийэбэр үлэҕэ сыһыаран үөрэппити-
гэр махтана саныыбын. Ийэбит сайынын эрэ үлэлиирэ, кыһы-
нын хотонун, дьиэтин, оҕолорун көрөрө, таҥаспытын-саппытын
бэрийэрэ, аспытын астыыра. Аҕабыт булчут этэ, дьиэҕэ дэҥҥэ
биирдэ эмэ көстөн ааһара. Ол иһин, сүрдээх кырыымчыктык улааппыппыт. Онон,
түргэнник оскуоланы бүтэрэ охсон, үлэһит буола охсор баҕалааҕым. 1963 с. оскуоланы
Дүпсээҕэ үөрэнэн бүтэрбитим. Оскуола кэннҥггэн кылгас кэмнээх кууруска үөрэнэн,
Баатаҕай, Суотту оскуолаларыгар, онтон Иванов Давид Романовичка кэргэн тахсан,
Сыырдаах орто оскуолатыгар нуучча тылын учуутатынан, детсадка воспитателинэн,
ньээҥкэнэн, кулуупка, библиотекаҕа үлэлээбитим.
1972 сылтан Бэрт Ууһун нэһилиэгин сэбиэтигэр сэкирэтээринэн үлэлээбитим. Мат-
рена Семеновна Борисова бэрэссэдээтэл этэ. Олус үчүгэйдик, таһаарыылаахтык үлэ-
лээбиппит. Ити кэмнэргэ бастакы агитзоналар, дьахтар сэбиэтэ, табаарыстыы суут,
нэһилиэк депутаттара, тэрилтэ салайааччылара бары биир өйгө-санааҕа кэлэн, нэһи-
лиэкпит туһугар үлэлээн-хамсаан, күрэхтэһиигэ II миэстэҕэ тахсыбыппыт. 1980 сыл-
лаахха Сэбиэт сэкирэтээрдэригэр өрөспүүбүлүкэтээҕи 2 күннээх семинар ыытыллыбы-
та. Уус Алдан оройуонуттан мин «Саҥа сиэри-туому олоххо киллэрии» диэн тиэмэнэн
кыттыбыппын өйдүүбүн. Ол саҕана биһиги нэһилиэккэ сыбаайбалары, үбүлүөйдэри,
оҕо төрөөһүнүн үөрүүлээх быһыыга-майгыга ыытарбыт, эҕэрдэлиирбит. Ону билиҥҥэ
диэри дьон ахтар, саныыр, махтанар.
1980 сыллаахха бастакы улахан эпэрээссийэни барбытым. Икки сыл I группалаах ин-
бэлиит буолан олорбутум. Онтон Госстрахха үлэҕэ киирбитим. Биригээдэбит үгүстүк
бастаан, элбэх наҕараада суруктары, матасыыкыл фондатын ылары ситиспиппит. Үлэм
түмүгүнэн нэһилиэк бочуоттаах олохтооҕо оҥорбуттара. Онтон пенсияҕа тахсыбытым.
Пенсияҕа тахсан баран, доруобуйам туругунан үлэттэн тохтообутум. 6 оҕону төрөтөн,
4 оҕобут ыал буолан, араас эйгэҕэ үлэлии сылдьаллар. 6 уол, 6 кыыс сиэннээхпит.
3 кыыс, 4 уол хос сиэннээхпит. Улахан дьиэ кэргэн ийэтэ, эбэтэ, хос эбэтэ буолан,
дьоллонон, иккис дойду оҥостубут Сыырдаахпар олоробун.
Олуннъу 7 кунэ, 2020 с.

Копырина Анна Романовна

Мин 1941 сыллаахха төрөөбүтүм. Аҕам Копырин Роман За-
харович мин 3 ыйдаахпар сэриигэ ыҥырыллан барбыта. Оч-
чолорго мин ийэбинээн Портнягина Анастасия Львовналыын
хаалбыппыт. Онтон ийэм ыалдьан мин 1 саастаахпар өлбүт.
Ол кэннэ мин эһэбэр Портнягин Лев Яковлевичка иитиллэ
хаалабын. Ол кэнниттэн кини уолтаах кыыһыгар: Портнягин
Афанасий Львовичка (Охонооһойго), Портнягина Атександра
Львовнаҕа (Өлөхсөөһөҕө) иитиллэбин. Атахпынан ыатдьан, олох
хойутуу, 8-с саастаахпар хаампытым. Оскуолаҕа 9-с саастаахпар
киирбитим. Өр кэмҥэ Портнягин Афанасий Львовичтаахха, Го-
ворова Вера Аркадьевналааҕы кытта олорбутум. Кинилэр биэс

109