Page 114 - Сэрии кэмин оҕолоро 1 кинигэ

БЭРТУҮҺУН нэһилиэгэ

оҕолорун көрсүбүтүм. Курбуһахха интэринээт-оскуолаҕа, дьааһылаҕа уонтан тахса сыл
үлэлээбитим. Онтон Афанасий Львович 2 улахан кыыһа Курбуһах оскуолатын бүтэр-
биттэрин кэннэ, 3 уол оскуолаҕа киириитигэр Сыырдаахха көһөн кэлбиппит. Сыыр-
даахха мин интэринээт-оскуолаҕа нээҥкэнэн өр кэмҥэ үлэлээбитим. Аҕам сэриигэ
сураҕа суох сүппүтүн олох хойутуу истибитим.

17.03.2020 с.

Колодезникова (Гоголева) Ракета Семеновна

Мин I Бэрт Ууһун нэһилиэгэр Чирэпчигэ 1938 сыллаахха
төрөөбүтүм. Аҕабыт Гоголев Семен Самсонович ийэбит Гого-
лева Мария Филипповна диэн ааттаахтар этэ. Аҕабыт 4 кы-
лаас үөрэхтээх, ийэбит үөрэҕэ суох, доруобуйата наһаа мөлтөх
буолан, тыҥата ыалдьан өлбүтэ. Биһиги бииргэ төрөөбүттэр
алта кыыс этибит. Мин 1947 с. I кылааска Мүрү оскуолаты-
гар үөрэнэ киирбитим уонна бу оскуоланы 1957 с. бүтэрбитим.
Оскуолабыт оччотооҕу кэмҥэ оһох оттуллан ититиллэр этэ.
Электрическэй лаампа суох буолан, чүмэчинэн сырдатынан
үөрэнэр этибит. Биһиги бары бартыһаан Дьөгүөрэп туттарбыт
икки этээстээх оскуолатыгар үөрэммиппит. Начальнай кы-
лааска миигин Винокурова Евдокия Михайловна үөрэппитэ.
Оҕолор сорохторо Томтортон сылдьан үөрэнэллэрэ. Онтон тыаттан киирбит оҕолору
үгүстэрин интэринээккэ олордон үөрэтэллэрэ. Мин эдьиийбэр олорон үөрэммитим.
Оскуоланы бүтэрэн баран, комсомол путевкатынан Сыырдаахха аһыллыбыт детсад-
ка биир сыл воспитателинэн үлэлээбитим. Онтон 1958-59 сылларга педучилищеҕа
киирэн, воспитатель идэтин ылбытым. Үөрэхпин бүтэрэн баран, Найахы, Майаҕас
детсадтарыгар үлэлээбитим. 1962 сыллаахха Колодезников Афанасий Гаврильевичка
кэргэн тахсан олоробун. Түөрт оҕолоохпут: икки кыыс, икки уол. Кыргыттар Людми-
ла — нуучча тылын, Валентина — математика учууталлара. Уолаттар Гаврил, Семен —
техника үлэһиттэрэ. Людмила куоракка, Валентина Өнөргө, Гаврил Сыырдаахха, Се-
мен Бороҕоҥҥо олороллор, бары дьиэлээх-уоттаах ыаллар. Сиэннэрбит ахсааннара
сүүрбэччэ буолла. Мин үлэни билиэхпиттэн наар оҕо тэрилтэтигэр воспитателинэн,
сэбиэдиссэйинэн үлэлээн кэлбитим.
Сэрии кэмин оҕотун быһыытынан, ахтыыбын аҕабын Гоголев Семен Самсоновиһы
кытта сибээстиэхпин баҕарабын. Кини 1895 сыллаахха 1 Бэрт Ууһун нэһилиэгэр Бо-
роҕон улууһугар төрөөбүт. Томторго Вознесенскай таҥаратын дьиэтин иһинэн үлэ-
лээбит. Оскуолаҕа үөрэнэн, 4 кылааһы бүтэрбит. Оччотооҕу кэмҥэ балачча үөрэхтээх
киһинэн ааҕьшлар, нууччалыы көҥүл кэпсэтэр киһи эбит. Оччолорго нэһилиэккэ
үөрэхтээх киһи олох суоҕун кэриэтэ буолан, нэһилиэгэр суруксутунан үлэлээбит. Биир
дойдулаахтара аҕабын «Суруксут Сэмэн» диэн өргө диэри ааттаабытгар.
Холкуостар тэриллиилэригэр биһиги дьоммут биир бастакынан киирбиттэр. 1929
-30 сьшларга тыа хаһаайыстыбатын бастакы массыыналара кэлбиттэр: от мунньар,
сиэмэ ыһар, тимир булуук, улахан үүт астыыр сэппэрээтэр. Олору барытын биһиги
аҕабыт хайдах таҥан үлэлиир гына инструкцияларын ааҕан, үөрэтэн, иитэн биэрэр
эбит. Кэлин нэһилиэктэргэ потребобществолар тэршшибиттэр, онно «Чирэпчи» диэн
сайылыкка 6 нэһилиэги түмэн, наспо диэн тэриллибит. Онно II Бэрт Ууһа, II Өлтөх,
II Курбуһах нэһилиэктэрэ киирэллэр. Биһиги аҕабыт ол наспону тэрийсибит, кэлин
онно счетовод-бухгалтер буолбут. 1938 сылтан оройуоннааҕы заготконтора диэн тэ-
рилтэҕэ старшай бухгалтерынан үлэлээбит. Ол үлэлии олордоҕуна, 1942 сыллаахха бэс
ыйын 22 күнүгэр армияҕа повестка кэлэн, дьиэтигэр 6 кыыһын, ыарыһах, үөрэҕэ суох
кэргэнин хаалларан фроҥҥа барбыт.

110