Page 116 - Сэрии кэмин оҕолоро 1 кинигэ

БЭРТҮҮҺҮН нэһилиэгэ

1964 с. Сэмэн төрүүр, Эдьигээҥҥэ олорор, оскуолаҕа үлэлиир. Кэргэнэ Изабелла —
начальнай кылаас учуутала. Улаханнара Сайыына — эбээн тылын учуүгала. Кэргэнэ —
«Алмазы Анабара» тэрилтэ үлэһитэ. Үс саастаах Аяврина диэн кыыстаахтар. Сэмэн-
нээх кыралара Айыына — медколледж II курсун устудьуоҥката.
1967 с. төрөөбүт уолбут Николай — уус бэрдэ.
1969 с. Ольгабыт күн сирин көрбүтэ. Мэҥэ Хаҥаласка Суола бөһүөлэгэр олорор.
Саахымат, дуобат тренеринэн үлэлиир. Кэргэнэ Иван — дуобат тренерэ. Уоллара Ан-
дрей — Дьокуускайга ФАПК үлэһитэ. Кэргэнэ Сардаана Уус Маайаҕа следователинэн
үлэлиир. Оҕолоро Сайнаара 2 саастаах.
1971 с. төрөөбүт Дмитрийбит агроном идэлээх, билигин Сыырдаах орто оскуолаты-
гар үлэлиир.
Онон 7 оҕолоохпун, 6 сиэн, 5 хос сиэн эйэҕэс эбэтэбин.
1954 сылтан пенсияҕа тахсыахпар диэри ыччат сүөһүнү көрүүгэ таһаарыылаахтык
үлэлээбитим. Нэһилиэккэ түөлбэ үлэтигэр активнай кыттааччы буолабын, эдэрдэргэ
сүбэ-ама, көх-нэм буолан, кыайарбынан көмөлөһө олоробун. Сүөһүлээхпин, сайын
аайы сиэннэрим, оҕолорум кэлэн, хастыы эмэ хонукка күүлэйдээн, сынньанан, үрүҥ
ас аһаан бараллар.
Эдэр сылдьан, нэһилиэк сэбиэтигэр хас да төгүл депутатынан талыллан үлэлээби-
тим. 2016 с. «Бэрт Ууһун нэһилиэгин бочуоттаах олохтооҕо» ааты иҥэрбиттэрэ. Үлэ-
лиир сылларбар «Коммунистическай үлэ ударнига», кэнники «Сэрии сылын оҕото»,
«Уус Алдан улууһун тыатын хаһаайыстыбата сайдыытыгар киллэрсибит кылаатын
иһин», 2018 с. «СӨ Бочуоттаах кырдьаҕаһа» бэлиэлэринэн наҕараадаламмытым. Үлэ,
сыана бэтэрээнэ буолабын.

2.01. 2020 с.

Попова Варвара Николаевна

Мин 1933 сыллаахха сэтинньи 16 күнүгэр Чурапчы оройуо-
нун Бахсы нэһилиэгэр төрөөбүтүм. Үс оҕоттон соҕотох хаалбы-
тым, дьоммор икки оҕо төрөөт өлбүттэр эбит. Ийэм Ноговицы-
на Мария Семеновна мин 6 саастаахпар 1939 сыллаахха өлбүт.
Аҕам Попов Николай Петрович 1941 сыллаахха сэрии саҕала-
ныытыгар армияҕа ыҥырыллан барбыт. Уонна 1942 сыллаахха
кыргыһыыга өлөн, Перьмскэй уобаласка көмүллүбүт.
Мин, төгүрүк тулаайах хаалан, аҕам бииргэ төрөөбүт бал-
тыгар, эдьиийбэр иитиллибитим. Сайынын оччотооҕу оҕолор
тэҥинэн окко сылдьыһарым, оҕус сиэтэрим. Онтон 1947 сыл-
лаахха эдьиийим Уус Алдаҥҥа Быччыылык бөһүөлэгэр кэргэн
тахсан, сүктэн кэлбитигэр батыһан кэлсибитим. Манна да са-
йынын окко наар оҕус сиэтээччинэн сылдьыбытым. Онтон күтүөтүм Местников Роман
Николаевич, 1950 сыллаахха Бэрт Ууһугар продавецтыы киирбитигэр, кинилэри кытта
көсүһэн кэлбитим уонна маҕаһыыҥҥа муоста сууйааччынан, детсадка ньээҥкэнэн,
фермаҕа сибиинньэ көрөөччүнэн үлэлээбитим. Араас үлэлэргэ сылдьан, «Лена» соп-
хуос тэриллэригэр уопсайа 13 сыл ыстаастаах үлэһит этим. 1953 сыллаахха Бэрт Ууһун
ыччата Олесов Петр Гаврильевичка кэргэн тахсан, 6 оҕоломмутум. «Лена», «Сардаҥа»
сопхуостарга ньирэй көрөөччүнэн, ыанньыксытынан 17 сыл, онтон «Хаҥа» бааһынай
хаһаайыстыбатыгар 4 сыл 9 ый пенсияҕа тахсыахпар диэри үлэлээбитим.
Улахан уолбут Афанасий Петрович кэргэнэ Галина Егоровналыын икки уол, биир
кыыс оҕолоохтор. Улаханнара Альберт куоракка, 3 кыыстаах, Георгий Аммаҕа, 2 уол-
лаах, 2 кыыстаах, кыыстара Василина Чурапчыга уоллаах кыыс оҕолоох ыал буолан,
ньир-бааччы олороллор.

112