Page 117 - Сэрии кэмин оҕолоро 1 кинигэ

БЭРТҮУҺҮН нэһилиэгэ

Гаврил Петрович Людмила Михайловналыын 5 оҕолоохтор: 3 кыыс, 2 уол. Вален-
тиналара кэргэнэ Михаиллыын биир уол, үс кыыс оҕолоохтор, Курбуһахха олороллор.
Варваралара Бороҕоҥҥо үлэлиир, уолаттара куоракка бааллар.
Розалия Петровна кэргэнэ Владимир Владимировичтыын икки кыыстаахтар, Кур-
буһахха дьиэ туттан, олохсуйан, үлэлии-хамныы сылдьаллар. Кыргыттара куоракка
олохсуйдулар. Кыралара Алена уоллаах кыыс оҕолоох.
Петр Петрович кэргэнэ Ольга Гаврильевналыын биир кыыс, икки уол оҕолоохтор.
Кыыстара — устудьуоҥка, уолаттара — Сыырдаах орто оскуолатын үөрэнээччилэрэ.
Кырабыт Валерий Петрович 8 оҕолоох, кыыстара — устудьуоҥка, 7 уол — оскуола
үөрэнээччилэрэ, детсад иитиллээччилэрэ.
Үлэм ситиһиилэрэ: 1975 с. Бэрт Ууһун нэһилиэгин сэбиэтин депутатынан талыллы-
бытым; 1980 с. коммунистическай үлэ ударнига буолбутум; 1984 с. «Үлэ бэтэрээнэ»
ааты ылбытым; 2018 с. Уус Алдан улууһун «Ытык кырдьаҕаһа», 2019 с. «Сэрии тулаа-
йаҕа» бэлиэлэрдээхпин.
Олунньу 10 к., 2020 с.

Портнягин Павел Павлович

1943 сыллаахха алтынньы 5 күнүгэр Уус Алдан улууһун Бэрт
Ууһун нэһилиэгэр Иванова Александра, Портнягин Павел
Яковлевич дьиэ кэргэннэригэр күн сирин көрбүтэ. 8 бииргэ
төрөөбүттэртэн 4 уол: Ньукулай, Бүөтүр, Өлөксөй (Бөкөс) уон-
на саамай кыралара Байбал хаалбыттар. Бөкөс диэн убайа IV
кылааска сылдьан өлөн хаалаахтаабыт. Балыкгаах алааска, ийэтэ
өлбүтүн кэннэ, 1953 сыллаахха аймахтарыгар Николай Нико-
лаевич Портнягиҥҥа киирэн олорбут. Сыырдаах оскуолатыгар
иккис кылааска диэри үөрэнэн баран, менингиттээн, улаханнык
ыалдьыбыт. Онон үөрэнэн бүппүт.
1959 с. бииргэ төрөөбүт убайа Портнягин Петр Павловичтыын
Үөһээ Халымаҕа, Зырянкаҕа үлэлии барбыттар, онно Арыылаах
бөһүөлэгэр оскуола туппуттар. Хоту тиийэн, кус-хаас, булт-ас
элбэҕин көрөн, Байбал сөҕүү бөҕөнү сөхпүт. Улахан күөллэр кытыыларыгар дурда
туттан олордохторуна, халыҥ үөрдээх анды киирдэҕинэ, халлаан хараҥарарга дылы
буолар эбит. Тыастара-уустара, саҥалара-иҥэлэрэ туох да сүрдээх, түстэхтэринэ, күөл
уута оргуйан олорор курдук буолар эбит. Олохтоох булчуттары кытта булка сылдьан,
күлүүгэ киирбитин билигин да саныы сылдьар. Маннааҕы курдук дурдаҕа олорбокко,
наар күөрэтэн бултуулларын ордороллор эбит. Ону биһиги киһибит кинилэр курдук
хантан кыайан элбэҕи охторуой? Күлүүгэ бардаҕа ол. Билигин хоту улуустарга кус-хаас
аҕыйаан эрэрин истэ-истэ, Байбал, оччолорго, кырдьык, кус-хаас дэлэй да буолар этэ,
биһиги, хата, ону көрбүт, бултаспыт эбиппит диэн үөрэр.
Үөһээ Халымаҕа 1960 с. диэри үлэлээбиттэр. 1961 с. төннөн кэлэн, Дьокуускайга
тэрилтэҕэ хачыгаардыыр, 1962 с. дойдутугар, Уус Алдаҥҥа «Сельхозтехникаҕа» оробуо-
чайынан киирэр. 1963 с. Бороҕоҥҥо тырахтарыыстар куурустара аһыллан, онно ый
үөрэммит. Тырахтарыыс идэтин ылан, «Сельхозтехникаҕа» тырахтарыыс быһыытынан
өр сыллаах үлэтэ саҕаламмыта. Уопутгаах наставниктар көмөлөрүнэн, түргэн кэм иһи-
гэр идэтин толору баһылаан, тэрилтэ биир тутаах үлэһитэ буола түһэр. Нэһилиэктэри
кэрийэн, бааһына таҥастааһыныгар, от-мас тиэйиитигэр, тутууга үлэлээбиттэр.
Уус Алданнааҕы «Межсовхозстрой» тэрилтэҕэ 1976 с. үлэлии кэлбит. Уопуттаах ты-
рахтарыыһы тэрилтэ салалтата тута саҥа ДТ-75 тыраахтарга олордубут. Ол саҕана тутуу
маһын дэлээнэттэн тиэйэллэрэ. Байбал тутуу объектарыгар мас таһыытыгар күүскэ
үлэлээбит. Ол курдук, Тумулга — хотон, Хомустаахха, Өнөргө — детсад, Дүпсээҕэ —

113