Page 115 - Сэрии кэмин оҕолоро 1 кинигэ

БЭРТ УҮҺҮН нэһилиэгэ

Сэриигэ баран иһэн биирдэ суруйбут. Кэлин передовой линияҕа тиийэн ■баран,
окуопаҕа сытан эмиэ биирдэ суруйбут суруга кэлбит эбит. Онно кини Орел куорат
туһаайыытынан оборонаҕа сытабыт, күн-түүн иккис фронт аһылларын кэтэһэбит.
Наступлениеҕа киирэн, иккиттэн биирэ быһаарылла охсоро буоллар диэбит. Уонна
хайдах олорорбутун, барарыгар ыалдьан хаалбыт кыра кыргыттарын ыйыталаспыт. Ол
суруга алтынньыга кэлбит, онтон ыла туох да биллибэтэх. Өлбүтүн туһунан биллэрии
запрос оҥорбуттарын эрэ кэннэ кэлбит. Онно: «Погиб в бою 26 января 1943 года в Ни-
кольском районе Орловской области» диэн эбит. Чугуйуу кэмигэр сэриилэспит буолан,
туох да наҕараада суох эбит. Аҕабыт сэриигэ барарыгар 6 кыыс тулаайах хаалбыппыт,
онтон кырабыт ыалдьан өлөөхтөөбүт. 5 кыыс үөрэнэн, кэргэннэнэн, оҕолонон-уруула-
нан дьон буолбуппут.
Наҕараадаларым: «Үлэ бэтэрээнэ»; «Бэрт Ууһун нэһилиэгин Бочуоттаах олохтооҕо»
аат; 1979 сыл «Социалистическай куоталаһыы кыайыылааҕа»; «Сэрии кэмин оҕото» өй-
дөбунньук мэтээл; 2918 с. «СӨ бочуоттаах кырдьаҕаһа» бэлиэ; «Уус Ачдан улууһугар про-
фсоюзнай хамсааһын улэтигэр киллэрсибит кылаатын иһин» бэлиэ; «Уус Аздан улууһугар
үөрэхтээһин сайдыытыгар киллэрсибит кылаатын иһин» бэлиэ; 2017 с. «Улуу Октябрь-
скай революция 100 сыла» убүлуөйүнэй мэтээл; СӨ Ил Түмэн Государственнай мунньаҕын
Бочуотунай Грамотата; 2012 с. «СӨ оскуолаҕа киириэн иннинээҕи уөрэхтээһикнэ кил-
лэрсибит кылаатын иһин» бэлиэ.
Олунньу 8 кунэ, 2020 с.

Охлопкова Анна Николаевна

Мин Хоро нэһилиэгэр Куотука диэн алааска Варвара Нико-
лаевна, Николай Иннокентьевич Охлопковтар дьиэ кэргэннэ-
ригэр 1938 сыллаахха бэс ыйын 25 күнүгэр күн сирин көрбүтүм.
Оҕо оҕо курдук сүүрэн-көтөн, саастаахтарбын кытта оонньоон-
көрүлээн улааппытым. 1948 сыллаахха Томтор оскуолатыгар
I кылааска үөрэнэ киирбитим. Ол үөрэнэ сырыттахпына, ийэм
барахсан күн сириттэн күрэнэн, саҥаспар Майаҕаска олорон,
үөрэхпин салҕаабытым.
1954 с. Сыырдаахха таайбар Петров Илья Васильевичка оло-
рон, начальнай кылааһы бүтэрбитим. 1955 с. 16 саастаахпар
үөрэхпин тохтотон, Хатыҥ Сыһыыга ыанньыксытынан киирэн,
үлэм биографиятын саҕалаабытым. Онно үлэлии сылдьан, ку-
лууп ыытар тэрээһиннэригэр активнайдык кьптар этим.
1956 с. Өктөөп бырааһынньыгар Сыырдаахха кэнсиэр көрө кэлэ сылдьан, саҥа ар-
мияттан кэлбит сырдык кыаһаан хааннаах, саар тэгил уҥуохтаах Иванов Семен Дми-
триевиһи кытта билсибитим. Ол киэһэ чүмэчи имик-самык уотунан сырдатан, Струч-
ков Уйбаан (Күөллэй Баанньыска) хормуоскатын тыаһынан доҕуһуоллатан, үҥкүү
тэриллибитэ. Эһиилгитигэр Сэмэмминээн ыат буолан, Уйбаныаптар киэҥ аймахха
кийиит буолан, сүктэн кэлэн, Сыырдаахха олохсуйбуппут. Онтон ыла бочуоттаах сын-
ньалаҥҥа тахсыахпар диэри ньирэй көрөөччүнэн үлэлээбитим.
1958 с. бастакы оҕобут Галина төрөөбүтэ. Билигин Покровскайга олорор. «Сардаана»
уһуйааҥҥа үлэлиир. Витя диэн уол оҕолоох. Витя Дьокуускайга 3 №-дээх орто оскуо-
лаҕа омук тылын учууталынан үлэлиир.
1960 с. Матрена төрөөбүтэ. Өр сылларга бухгалтерынан үлэлээн, билигин пенсияҕа
олорор. Уола Сеня быйыл Сыырдаах орто оскуолатын ситиһиилээхтик үөрэнэн бүтэрдэ.
1962 с. Дуня күн сирин көрбүтэ. Алдан куоракка олорор. Типографияҕа үлэлиир,
кэргэнэ Александр — суоппар. Кыыстара Ольга Санкт Петербурга гостиничнай сер-
вискэ үлэлиир.

111