Page 133 - Сэрии кэмин оҕолоро 1 кинигэ

БЭРТУУҺҮН нэһилиэгэ

бүтэрэн, «Полярные авиалинии» компанияҕа экономистыыр. Кэргэннэнэн, биир уол
оҕолоох. Уола Васек Таата кыыһа, экономист үөрэхтээх Нарыйа диэн кэргэннээх,
уоллаах кыыс оҕолоохтор.
Кыра кыыспыт Нюрбина сиэстэрэ үөрэхтээх, пенсияҕа тахсыбыта да, үлэлии сыл-
дьар. Саха Өрөспүүбүлүкэтин доруобуйатын харыстабьшын туйгуна. Кэргэнэ Илларион
Егорович — тимир ууһа, быһах оҥорор. Икки уол оҕолоохтор. Улахана Костя куоракка
олорор, тиис протеһын оҥорор, кэргэннээх. Кыра уол — университет устудьуона.
Улахан уолбут Алексей худуоһунньук үөрэхтээх. Саха театрыгар үлэлии сылдьан,
кэргэн ылан, манна олохсуйан олорор, оробуочайдыыр. Театрга хайҕалга сылдьар ху-
дуоһунньук этэ. Кэргэннээх, икки үөрэххэ сылдьар уолаттардаах: Вова электриккэ,
Валентин ДьГСХ-ҕа үөрэнэллэр. Кыыстара Дарина — үһүс кылаас үөрэнээччитэ.
Кыра уолбут Костя культура колледжын бүтэрэн, ырыаһыт, гитарист, клавишнайга
оонньуур. «Дапсы» бөлөх солиһа, культура туйгуна. Билигин улууска культура сатаа-
тыгар үлэлии сылдьар. Оҕолоро: Анжела Окоемовкаҕа кулууп сэбиэдиссэйэ, ыллыыр.
Роза — иистэнньэҥ, куоракка олорор, үлэлиир. Уйгулаана — медсестра, кэргэннээх,
уол оҕолоох, куоракка оҕотугар олорор. Уйусхан армияттан кэлэн, куоракка суоппар-
дыы сылдьар.
Онон бу орто дойдуга төрөөн, киһи буолан, биир орто киһи олоҕун олорон кэллим.
Кэргэним ыалдьыбатаҕа буоллар, сири-дойдуну кэрийэн көрөр баҕалааҕым хаалла. Бу
тимир суол кэлбит кэмигэр саатар Саха сирин соҕуруу өттүн поеһынан айаннаан көрүө
эбиппит буолуо. Ол да буоллар, оҕолорбут, сиэннэрбит бары этэҥҥэ үлэлии, үөрэнэ
сылдьаллара биһиэхэ ордук үөрүүлээх.
Наҕараадаларым: Комсомол Обкомун Бочуотунай Грамотата, улуус, сопхуос биэрбит
Бочуотунай Грамоталара, Бэрт Ууһун нэһилиэгин Бочуоггаах олохтооҕобун.
Олуннъу, 2020 с.

Слепцов Константин Константинович

Мин 1939 с. от ыйын 16 күнүгэр Уус Алдан улууһун Түүлээх
нэһилиэгэр, Танда төрдүгэр Кыһыл Союзка Слепцов Константин
Прокопьевич уонна Бочкарева-Слепцова Мария Васильевна дьиэ
кэргэннэригэр иккис оҕонон төрөөбүтүм. Эдьиийим Степанида,
балтым Мария, быраатым Петр — дьоммут элбэхтэ оҕоломмут-
тарыттан тыыннаах хаалбыттар итиччэбит. Мин кыра эрдэхпинэ
ыарыһах баҕайы үһүбүн, ийэм өллө диэн үстэ сыгынньахтаабыт.
Аҕам 1941 с. атырдьах ыйын 15 күнүгэр Аҕа дойду сэриитигэр
ыҥырыллан, Москва аттынааҕы сэриигэ кыргыспыта. Үс сыл
сэриигэ сылдьан, үстэ бааһыран, 1944 с. от ыйыгар «по ране-
нию» диэн, сыыйыллан кэлбитэ. Улахан бааһа көхсүгэр баара.
1948 сылтан Бороҕоҥҥо промкомбинакка столярдаабыта. Онон
биһиги Бороҕоҥҥо көһөн киирбиппит. Баран иһэн, Бээрийэҕэ хонон, бааһынаттан
бурдук итигэстээн, суорунаҕа тардан, лэппиэскэ оҥостон, ону өйүөлэнэн, сатыы айан-
наан, Бороҕону булбуппут. Ийэм промкомбинакка остуорастаабыта. Миигин, үһүс кы-
лааска үөрэнэ сырыттахпына, Мэҥэ Хаҥалас Маттатыгар доруобуйалара мөлтөх оҕолор
эмтэнэр санаторийдарыгар ыытаннар, бэлэм аска-таҥаска олорон үөрэммитим. Онтон
доруобуйам арыый тупсан, орто оскуоланы Бороҕоҥҥо 1959 с. бүтэрбитим. Орто оскуо-
ла Бороҕоҥҥо эрэ баар буолан, улуус бары нэһилиэктэриттэн кэлэн үөрэнэллэрэ. Онон
бу дьыл онуһу 3 кылаас бүтэрбитэ. Үөрэммит сылларбар каникулга сайын аайы Тулу-
наҕа тахсан үлэлиирим: от мустарыыта, өйүө, килиэп таһыыта. Бороҕонтон Тулунаҕа
оҕуһунан сылдьарым. Онуһу бүтэрэн баран, Партизан Заболоцкай аатынан холкуоска
сүөһү, сибиинньэ көрбүтүм, ыанньыксыттаабытым. Онтон босхоломмут комсомол

129