Page 136 - Сэрии кэмин оҕолоро 1 кинигэ

БЭРТ УУҺҮН нэһилиэгэ

биэн», «Октябрьскай ревояюция 90 сьша, «100 сыла», «Партийная доблесть», «Ленин-
скэй Комсомол 100 сыла» уордьаннар, «Үлэ бэтэрээнэ» бочуоттаах аат. Ону тэҥэ 2
төгүл социалистическай куоталаһыы кыайыылааҕа буолбутум.
Тохсуннъу 28 күнэ, 2020 с.

Ховрова Полина Романовна

Мин 1944 сыллаахха от ыйын 20 күнүгэр Курбуһах нэһи-
лиэгэр Быччыылыкка күн сирин көрбүтүм. Аҕабыт Местников
Роман Николаевич 1941-1945 сс. «Коммунизм» холкуоска бэрэс-
сэдээтэлинэн үлэлээбитэ. Ийэбит Попова Анна Петровна диэн
этэ. Мин бастакы оҕобун. Аҕам сайын Булгунньахтаахха наар
илимниирэ. Онтун наар бэлисипиэт кэннигэр ындыылаан аҕай
аҕалара. Сүрдээх элбэх балыгы ылар эбит этэ. Аҕабыт дьоҥҥо
сыһыана эйэҕэһэ, биирдэ эмит кими эмэ мөҕөн ыһыытаабы-
тын дуу, улаханнык күргүйдээбитин дуу букатын өйдөөбөппүн.
Быччыылыкка кыладыапсыктыы сылдьар кэмигэр, күһүн бур-
дук сиэмэтэ бөҕө кэлэрин эргитии-урбатыы, буккуйуу-тэккийии
бөҕө буоларбыт. Ол сиэмэни ханна гыналларын оччолорго оҕо
киһи билбэт этим. Нэлэгэргэ сыыр үрдүгэр икки улахан баҕайы бааһына баара. Онно
биһиэхэ ыаҕайа туттаран баран, тохтубут сиэмэ туораахтарын хомуйтара ыыталлара.
Икки хараҕа суох Барыскыап диэн саҥаспын кытта бурдук тардарбытын өйдүүбүн.
Куруппалаата диэн, хара сиэмэлэри хомуйаары, суорунаны сыҕарытар ыарахан да буо-
лара. Ол хара сиэмэлэри хомуйдахха, эмиэ үчүгэй баҕайытык түспүтүнэн барара. Аны
ол таттарбыт бурдукпутун тааһынан таһарбыт. Оҕолор, бурдук быһыллыыта саҕала-
ныаҕыттан бүтүөр диэри араас үлэбит саллыахпытыгар диэри сүрдээх элбэх буолара.
Орто Эбэ оскуолатыгар ньолобуой кылаастан үөрэнэн, 7 кылааһы бүтэрбитим.
Бииргэ төрөөбүттэр 11 этибит. Үөрэнэ сырыттахпытына, аҕабыт өрөбүллэргэ дьиэ-
битигэр аҕалтыыр буолара. Балаайа диэн эдьийим тиэстэ мэһийэн, хайдах лэппиэскэ
уонна лапса оҥорорго үөрэтэрин өйдүүбүн. Мин быһыыта, II, III кылааска үөрэнэрим.
Ыскамыайкаҕа салҕанан туран, лапсам чараас тиэстэтин оҥорорум. Аны онтубун оһох
айаҕар хатарар үлэлээҕим.
Аны лаампаҕа кыраһыын кутуута туһунан ымпык-чымпык үлэлээх буолара. Тутар
үтүлүкпүт чараас буолан буолуо, тарбахтарым төбөтө маҥхайыар диэри илиибин итии
лаампаҕа хаарыйарым. Аны лаампаны сууйар эмиэ ыарахаттардаах буолааччы. Ама да
ааспытын иһин, оҕо сааспыт эрэйдээх кэмҥэ ааспыта. Сарсыардаттан киэһээҥҥэ диэ-
ри араас сорудах толоруутугар түптээн олорон ылар бириэмэ суоҕа, оонньуур да иллэҥ-
сийбэт этибит. Ийэбит эрдэ өлөн хаалан, бырааттарбын, балыстарбын көрөөрү, салгыы
үөрэммэтэҕим.
1958 сыллаахха Бэйдиҥэ Арыылааҕыттан Быччыылыкка көһөн кэлбиппит. 1963 сыл-
лаахха дьааһыла сад аһыллан, онно үлэлээбитим. Курбуһах детсадыгар ньээҥкэлээ-
битим. Оччолорго ийэлэр оҕолоноот, холкуос үлэтигэр хойукка диэри үлэлииллэрэ,
онон оҕо тэрилтэтигэр оҕо буолунай буолара. Оҕону 3 ыйыттан 5, 6 саастарыгар диэри
көрөр этибит. Икки оһоҕу күҥҥэ иккитэ отторбут. Киэһэ 10 чааска электростанпия
уоту араарар этэ. Ол кэнниттэн чүмэчи уотугар хойукка диэри илиибитинэн таҥас бөҕө
сууйарбыт. Оччолорго оҕолор дьааһыла, детсад таҥаһын таҥналлара. Оҕолор түүннэ-
ри-күнүстэри суосканан аһыыллара.
Кэнники холкуоска ыанньыксыттаан пенсияҕа тахсыбытым. Николай Николае-
вич Ховровтуун ыал буолан, 8 оҕону төрөтөн, Сыырдаахха олохсуйбуппут. Эдэрбитгэн
уус-уран самодеятельноска кыттыыны ылан, кэнсиэрдэргэ ыллыыр этим, сыана бэ-
тэрээнэбин.

132