Page 223 - Сэрии кэмин оҕолоро 1 кинигэ

КУРБҮҺАХ нэһилиэгз
■ . ■ - ---------------------- ■ - ■■
ра. Сайьшыкка көһүү биир туспа бырааһынньык буолара, суол икки өттө араас сибэк-
кинэн ситэрэ. Ачаа үрэҕин ото ситэн араас үрүмэччинэн, лыаҕынан киэргэйэрэ.
1941 сыллаахха сэрии буолар, ону кытта тэҥҥэ кураан сатыылаан, иэдээн бөҕө
үөскүүр. Атааспытыттан Толооҥҥо көһөн тахсыбыппыт. Алта ыал буолан уус дьиэти-
гэр бэрт уһуннук олорбуппут. Дьиэбит муостата суоҕа, соломо тэлгииллэрэ. Маспытын
Аммосов Семен Спиридонович булара. Биһиги аҕабытын, Аммосов Семен Прокопье-
виһы, элбэх оҕолоох диэн, аармыйаҕа ылбатахтара. Булуҥҥа балыкка үлэҕэ ыыппыт-
тара. Сэриигэ Толоонтон эдэр уолаттары ылбыттара: Аммосов М.Ф., Аммосов В.А.,
Аммосов В.В., Аммосов Д.В., Аммосов А.Е., Аммосов И.Е., Бурнашев Д.Н., Бурна-
шев Ф.Н., Бурнашев Е.А., Васильев А.П., Окоемов П.Е., Чудинов С.Н., Бурнашев Г.А.
Оҕонньор, эмээхсин, оҕо өттө үлэ үөһүгэр хаалбыппыт. Ийэбит Аммосова Евдокия
Софроновна холкуоска ыанньыксыттыыра, биһиги оскуолаҕа үөрэнэрбит, сайынын
холкуоска араас үлэҕэ үлэлиирбит. Аны санаатахха, бэйэни харыстаммакка үлэлээбит
эбиппит: хотоҥҥо уу баһан, от киллэрэн, сухаҕа оҕус сиэтэн, бугул түгэҕин харбаан,
от үрдүгэр туран, от охсон. Сыл аайы үлэҥ уларыйан иһэрэ. Сир солооһунугар, саҥа
солооһуҥҥа мутук-силис хомуйуутугар, уматыытыгар кытгарбыт. Атырдьах ыйын ор-
тотуттан бурдук үлэтигэр барыы саҕаланара. Күһүн улахан тымныы түһүөр диэри мо-
лотилканан сиэмэ астыырбыт. Атга оҕус хамсатар тэрилэ этэ.
Улахан дьонтон от охсуутугар: Аммосов И.В., Егоров П.Д., Аммосова А.В., Аммо-
сова У.В., Бурнашева М.И., ыанньыксыттарынан: Аммосова М., Аммосова М.С., Бур-
нашева А.Е., асчыттарынан: Аммосова Е.Н., Крылова А.В., араас үлэ маастардарынан:
Аммосов С.С., Аммосов Т.Г., Окоемов А., Аммосов И.С., Аммосов С.И. үлэлииллэрэ.
От кэбиһиитигэр бүтүн ыалынан үлэлииллэрэ. Холобур, Аммосов Ф.И. от кэбиһэрэ,
кэргэнэ Егорова А.Г. от угара, кыыһа Татьяна от үрдүгэр турара, Мария бугул түгэҕэ
харбыыра. Баһыычай аҕата Атексей кырдьан да баран сухаҕа сылдьара, кымньыы та-
лаҕа быһан биэрэрэ. Бостуугунан Васильев Л.М. үлэлиирэ. Холкуос бэрэссэдээтэлинэн
бэрт уһуннук Аммосов Михаил Иннокентьевич үлэлээбитэ. Суотчутунан Егоров Иван
Денисович, Аммосова Мария Замятиновна, оҕуруотчутунан Агмосова Мария Нико-
лаевна үлэлииллэрэ. Хортуоска, табах, турнепс, оҕурсу, күөх луук олордоллоро. Кы-
ладыапсыгынан Аммосов Иннокентий Иннокентьевич, биригэдьииринэн сэрииттэн
кэлбит Бурнашев Гаврил Акимович үлэлээбиттэрин өйдүүбүн.
Улахан тутуулартан хонтуора дьиэтэ, сытыары хотон, тиэхиньикэни угар сарай, миэ-
лиҥсэ бааллара. Миэлиҥсэни Байаҕантай киһитэ Кэдэгэр Лэгэнтэй маастардаан, ти-
мир ууһа Аммосов Иван Данилович уонна биһиги аҕабыт Аммосов Семен Прокопье-
вич туппуттара. Аммосов Константин Гаврильевич сылгыһыттыыра, Бурнашев Н.Д.
быраата Дмитрийдиин бултууллара. Холкуос бэрэссэдээтэлинэн Костромин Петр үлэ-
лээбитэ. Кыһынын Аммосова А.В., Аммосова Е.Е. от-мас тиэйэллэрэ.
Кэнники холкуос бөдөҥсүйэн, «Микоян» буолан, Балаҕаннааҕынан, Уус Күөлүнэн
көһүү саҕаламмыта. 1953-1957 сс. мин кыладыапсыгынан үлэлээбитим, онтон 1959 с.
балаҕан ыйыгар Мииринэй куорат тутуутугар үлэлии барбытым. Биһиги оройуонтан
хас нэһилиэк аайыттан барбыппыт. Бастаан утаа балааккаларынан олорон үлэлээ-
биппит. Саас кулун тутарга уопсай дьиэҕэ киллэрбитгэрэ. Таас икки этээстээх кыра
оскуола баара. Ленин проспега саҥа тутулла сылдьара. Иирэлээххэ маһынан плотина
тутуһан үлэҕэ киллэрсибитим. Килиэп собуотун бүтэрсибэккэ, аҕам ыалдьан, төннөн
кэлбитим. 1962-1970 сс. Орто Халымаҕа тутууга сылдьыбытым. 1971-1987 сс. Уус Атдан
оройуонун лесхоһугар леснигинэн үлэлээн биэнсийэҕэ тахсыбытым. Кэргэним Мест-
никова Евдокия Степановна, Чурапчы көһөрүүтүн кыттыылааҕа, түөрт оҕолоохпут,
сиэннэрдээхпит, хос сиэннээхпит.
2019 с.

219