Page 272 - Сэрии кэмин оҕолоро 1 кинигэ

ЛӨГӨЙ нэһилиэгэ

кэргэн тахсан, 4 оҕоломмутгара. Кини эдэр сааһыгар ыарахан ыарыытган олохтон туораа-
быта. Оҕолоро Дьокуускайынан, Кэбээйинэн уонна төрөөбүт Хомустаахтарыгар олороллор.
Кыра сыдцьан ийэбэр хотонтго көмөлөһөрбүн өйдүүбүн. Мин 6-7 сааспытган сайынын
окко сылдьыһар этим. Ол саҕана техника диэн суоҕа. Барыта оҕуһунан, атынан, илиинэн
үлэ. Биһиги оҕус сиэтиитигэр уонна бытархай үлэлэргэ көмөлөһөр этибит. Кыра сыл-
дьан аччыктаабыппын, хоргуйбуппун өйдөөбөппүн. Мин оҕо сааһым доҕоро Никифоров
Гаврил Гаврильевич билигин куоракка олорор. Бу оҕо сааһым орто дойдуттан туораабыт
доҕотторун ахтан аастахха, Бечеканов Николай Николаевич, Карамзин Ваня, Ильин Ваня,
Готовцев Степан Петрович, Готовцев Аким Петрович (Готовцевтар Тандалар) буолатлар.
Аҕам сир солуу сылдьан, 1953 сыллаахха эдэр сааһыгар бааһынаҕа өлбүт. Ийэм 1975
сыллаахха өлбүтэ.
Салайар каадырдары бэлэмниир советскай-партийнай оскуоланы бүтэрэн баран,
«Партизан Заболоцкай» сопхуоска Уһун Күөл, Тулуна отделениеларыгар биригэдьиир-
дээбитим. 1975-1977 сс. Хомустаахха кыладыапсыгынан үлэлээбитим. Сайынын 17
сыл окко звеноводтаабытым. Кыһынын КВ-300 оһоххо үлэлээн эбии аһылык оҥор-
бутум. Ол быыһыгар кыһынын тыаҕа тахсан хочуолунайдарга анаан мас бэлэмниирбит.
Сопхуос ыһыллыбытын кэннэ, Хомустаах хочуолунайыгар хачыгаарынан үлэлээби-
тим. Аҕыйах сыл оҕо санаторийыгар оробуочайдаабытым. Дьонум дойдуларыгар Лөгөй
нэһилиэгин Хомустааҕар олоробун. Кэргэним Хоро нэһилиэгиттэн төрүтгээх Фаина
Ивановна, Герой ийэ, 11 оҕолоохпут, элбэх сиэннээхпит, хос сиэннээхпит.
1993 сылтан кэргэмминээн Фаина Ивановналыын «Сабарай» бааһынай хаһаайыс-
тыба тэриммиппит. Хаһаайыстыбабыт сүөһү, сылгы иитиитинэн дьарыктанар. Күн
бүгүн хаһаайыстыбабытыгар тигинэччи үлэлии сылдьабыт. Сүрүннээн оҕолорбут би-
риэмэ булан көмөлөһөллөр. Үүт, эт туттарыытыгар, оттооһуҥҥа улууска биир үчүгэй
көрдөрүүлээх хаһаайыстыба буолабыт.

Алтыннъы, 2020 с.

Григорьева Елизавета Алексеевна

Мин ийэм Торговкина (Каинова) Мотрена Дмитриевна
Өлүөхүмэ оройуонугар Кыыллаах бөһүөлэгэр элбэх оҕолоох
Каиновтар дьиэ кэргэҥҥэ бүтэһик кыыһынан төрөөбүтэ. Эһэм
Каинов Дмитрий үстэ кэргэннэнэн сүүрбэччэ оҕолооҕо үһү диэн
истибитим, ол эрээри ийэм икки эрэ эдьиийин Аксинияны уон-
на Ксенияны өйдүүбүн. Оттон мин ийэм Торговкин Алексей
Петровичтыын алаһа дьиэ тэринэн сэтинньи 19 күнүгэр 1942 с.
күн сирин көрбүтүм. Аҕам 1943 с. Аҕа дойду сэриитигэр барбы-
та, танкиһынан сылдьан кырыктаах кыргыһыыларга кыттыбы-
та. Ийэм 5-6 саастаахпар тымныйан орто дойдуттан туораабыта.
Холкуоска тырахтарыыһынан үлэлээн сэбиргэхтэтэн бараахтаа-
быта. Мин ыалдьан сытарын өйдүүбүн, оччолорго эмтээһин
даҕаны мөлтөх быһыылаах, быраас кэлэн көрөрүн өйдөөбөппүн, түүнү быһа ынчык-
таан наһаа өр ороҥҥо сытан эрэйдэммитэ. Ийэм эдьиийигэр Ксенияҕа иитиллибитим.
Мин кыра сылдьан күнү быһа дьиэҕэ соҕотох хаалар этим. Арааһа, миигин көрөр ким
да суох быһыылаах, остуол атаҕар баайан баран үлэлэригэр бараллара. Дэлби ытаан,
сылайан муостаҕа утуйарбын өйдүүбүн. Аҕам сэрииттэн кэлбитин өйдүүбүн. Саътаат
таҥастаах киһи киирэн көтөхпүтэ. Мин атыҥыраан буолуо, ытабыл бөҕөтө буолбутум,
арааһа, оннук хаалбыт эбиппин. Ол кэннэ аҕабын көрбөтөҕүм, өлбүтүн туһунан дьом-
муттан истибитим эрэ. Өлүөхүмэ оскуолатыгар бастаан утаа үөрэнэн испитим, ол эрээ-
ри тымныйаммын сотору-сотору балыыһаҕа киирэр этим, ол иһин буолуо, үөрэхпитгэн
тохтоппуттара. Сэрии кэмэ мин олохпор улахан содула диэн тулаайах хаалбытым. Оон-

268