Page 273 - Сэрии кэмин оҕолоро 1 кинигэ

ЛӨГӨЙ нэһилиэгэ

ньуур-көрүлүүр диэни билбэтэҕим, дьоммор көмө киһитэ буоламмын, кыһын холкуос-
ка хотон үлэтэ, сайын оҕуруот уонна от үлэтэ, оннук курдук оҕо сааһым ааспыта.
Сокуоннай сааспын туолан, маҥнайгы тапталбын көрсөн, Альберт диэн бэйэм
саастыы уолга кэргэн тахсан, Толя диэн уол оҕоломмуппут. Кэргэним ийэтэ Хрис-
тина уонна ийэм эдьиийэ Ксения тыл тылга киирсэн тапсыбатахтара. Биһиги эдэр
буоламмыт эбитэ дуу, эмээхситтэр этиилэринэн өр буолбакка арахсыбыппыт. Хари-
тина кыыһа Зоя мин кыһыл оҕобун көрөөт даҕаны сүрэҕинэн сөбүлээбитэ, куруу-
тун көтөҕө-сыллыы сылдьара. Толик 5 ыйдаах эһээкий эрдэҕинэ, II Нөөрүктээйи
оскуолатыгар үлэ миэстэтэ тахсыбытыгар, уолбун Зояҕа хаалларан үлэлии барбытым.
Саҥа сиргэ тиийэн, үлэлээн-хамсаан, бөһүөлэк дьонун-сэргэтин сөбүлээн олорбу-
тум. Эдэр кыыс сулумах сылдьыаҥ дуо диэн, саастаах дьон сыбааттааннар, Бүлүүттэн
төрүттээх, мас кэрдээччи идэлээх Григорьев Иван Семеновичка кэргэн тахсыбытым.
Оттон эдьиийим Зоя Алексеевна олоҕун аналын Попов Алексей Петровиһы көрсөн,
Толикпын төрөппүт оҕолуу сылаастык ииппиттэрэ, эбии бэйэлэрэ 4 оҕоломмутта-
ра. Билигин улахан уолум Попов Анатолий Алексеевич үөрэхтэнэн-үлэлэнэн, Үөһээ
Бүлүү кыыһын Любовь Иннокентьевнаны кэргэн ылан, Чурапчыга алаһа дьиэ тэ-
ринэн олороллор. Зоя уонна Нарыйа диэн икки кыталык кыргыттардаахтар. Мин
кэргэмминээн Григорьев Иван Семеновичтыын быһа холоон 15 сыл бииргэ олор-
буппут. Кини сопхуоска субай сүөһү көрүүтүгэр үлэлээбитэ, мин оскуолаҕа муос-
та сууйааччынан сылдьыбытым. Олох үөрүүтүн-кыһалҕатын билэн, кыыстаах уол
оҕоломмуппут. Билигин кыыһым Козлова Лена Ивановна Хомустаах сүрүн оскуо-
латын бэтэрээнэ, Уус Алдан улууһун үөрэҕин салалтатыттан уонна профсоюһуттан
бочуотунай грамоталардаах, махтал суруктардаах. Күтүөтүм, Хаҥалас улууһун Төхтүр
бөһүөлэгиттэн төрүттээх Козлов Борис Ефимович, дьиэ-уот коммунальнай хаһаа-
йыстыба тэрилтэтин бэтэрээнэ, Саха Өрөспүүбүлүкэтин Ил Түмэниттэн Бочуотунай
грамоталаах, Лөгөй нэһилиэгиттэн араас элбэх наҕараадачардаах, күн бүгүнүгэр диэ-
ри сүүрэ-көтө, үлэлии сылдьар. Маанылаах соҕотох кыыстара Изабелла — Хомустаах
сүрүн оскуолатын 9 кылааһын үөрэнээччитэ. Уолум Григорьев Андрей Иванович
Мэҥэ Хаҥалас кыыһын Ольга Михайловнаны кэргэн ылан Дьокуускай куоракка
олохсуйан олороллор. Лиза, Ваня, Борис диэн оҕолордоохтор, кыыстара Жатайга по-
вар-кондитер үөрэҕин бүтэрдэ.
1977 с. олохпор табыллыбакка, Өлүөхүмэттэн Уус Алдаҥҥа көһөн кэлбитим. Оро-
йуон балыыһатыгар санитарканан үлэлээбитим. Эдьиийим суорумньутунан Охлопков
Егор Семеновичтыын олохпун холбоон, уоллаах кыыһы төрөтөн, Хомустаахха кийиит
буолан кэлэммин кырдьар сааспын көрүстүм. Хомустаах оҕо туб. санаторийыгар пен-
сияҕа тахсыахпар диэри үлэлээбитим. Кэргэним 87 сааһыгар 2014 с. от ыйын 10 күнү-
гэр орто дойдуттан бараахтаабыта. Уолбут Охлопков Кирилл Егорович, аҕата анаан
хаалларбыт сүөһүтүн-сылгытын ииттэн, бааһынай хаһаайыстыба тэринэн үлэлии-хам-
сыы сылдьар. Кэптэни балыыһатыгар сиэстэрэнэн үлэлии сылдьар Прасковья Ин-
нокентьевнаны кэргэн ылан, Кэптэни орто оскуолатын 9 кылааһын бүтэрбит Мичил
уонна 2 кылааһын бүтэрбит Уолан диэн уол оҕолордоох дьоһуннаах дьиэ кэргэн буолан
олороллор. Мурун бүөтэ кыыспыт Охлопкова Туяра Егоровна Хомустаах сүрүн оскуо-
латыгар дириэктэринэн үлэлиир, Курбуһахтан төрүттээх Аммосов Ферум Павлович
диэн кэргэннээх. Кэптэни орто оскуолатын бүтэрбит Дьокуускайдааҕы медколледж
устудьуоҥката Элла уонна Дьокуускай куорат 20 нүөмэрдээх оскуолатын 5 кылааһын
үөрэнээччитэ Диана диэн кыргыттардаах. Кыргыттарым Хомустаахха олохсуйаннар,
куруугун хараҕым далыгар сылдьаллар, оҕолор, сиэннэр тапталларыгар угуттанан толо-
ру дьоллоох олоҕу олоробун дии саныыбын.

Ашынньы, 2020 с.

269