Page 274 - Сэрии кэмин оҕолоро 1 кинигэ

ЛӨГӨЙ нэһилиэгэ
Гуляев Дмитрий Иванович

Мин 1935 сыллаахха сэтинньи 2 күнүгэр Өспөх нэһилиэгэр
элбэх оҕолоох ыалга төрөөбүтүм. Аҕам Гуляев Иван Иванович
холкуоска сылгыһыт этэ. Ийэм Гуляева (Сивцева) Анна Петров-
на, миигин төрөтөөт, суох буолбута, инньэ гынан ийэ сылаас
сыһыана диэни билбэккэ тулаайах улааппытым.
Биир сайын сэрии буолбут диэн ытаһыы буолбутун өйдүүбүн.
Онно 6 сааспын туола илик оҕобун. Онтон дьону сэриигэ ыҥы-
ран барбыттара. Сыарҕалаах акка олордоннор бэрт элбэх киһи-
Ш
* ! Г Ъ ни атаарбыттара. Аҕам Иван Иванович, кырдьаҕас буолан, сэ-
риигэ барбатаҕа. Улахан убайым Николай кэлиҥҥи ыҥырыыга
түбэһэн сэриигэ барбыта.
\ 0' ■ ш 0 Биһиги сэрии кэмигэр Хайыыка диэн төрөөбүт алааспытыгар
.. олорбуппут. Хаалбыт оҕонньор, эмээхсин, оҕолор бары тыыл-
га үлэлээбиппит. Түһээн түспүтүн толороору күүстээх үлэ үөһүгэр түһүү буолбута.
Мин бастаан оҕо көрөр этим. Астарын бэлэмнээн бараллар, ону аһатабын, аралдьы-
табын. Сэрии ортолообутун кэннэ саас ыһыыга, сайын окко оҕус сиэтэр буолбутум.
Күлүмэнэ, бырдаҕа сүрдээх буолар этэ. Урукку оҕонньоттор оҕо эҥин диэн сынньата
барбакка кэмиэннээх үлэни ыыталлара. Үлэлии сырыттахпытына, тимир куруускаҕа
хамыйаҕынан кыратык бурдук таммалаталлара, онно уу кутан буккуйаммыт хааһы кур-
дук оҥостон сиирбит.
Улахан кураан турбутугар, сир хайыта барбытын өйдүүбүн. Аһыҥа күнү бүөлүү
көтөр этэ. Аһыҥаттан былдьаһан оттуур этибит. Бааһынаҕа сиэмэ үүннэрэрбит. Оҕус-
тар ырыганнаан, сүгүн хааман испэккэ, сирбитин уһуннук хорутан сиэмэ ыспыппыт.
Ол сиэмэни ким да үргээн бэйэтигэр туһаммат этэ, кытаанах бобуу буолара. Оҕолору-
нан кутуйах хасааһын көрдөтөн булларан куулга хаалаталлара. Ол булбут сиэмэбитин
көҥүлэ суох ылбат этибит. Уполномоченнайдар диэн бааллара. Ол дьон ыалы кэрийэн
күөстэрин кытары бэрэбиэркэлиир буолаллара. Хааһыҥ төһө хойуута, тугу күөстэнэ-
рин барыта хонтуруол буолара. Сэрии сылларыгар ас олус кырыымчык этэ. Аччык-
тааннар иһэн хаалан киһи бөҕөтө өлбүтэ. Мин аҕам түүннэри туһах, тирбэҕэ оҥороро.
Ол онон убайдарым, ботохоно оҕолор, куобахтаан, кус өлөрөн сиэммит тыыннаах хаал-
быппыт буолуо. Хайыыка эбэбит балыга эмиэ элбэх киһини өрөһүйбүт буолуохтаах.
Аҕам Иван Иванович хаста да Ааллаах Үүҥҥэ таһаҕас таһыытыгар айаннаабыта, онтон
бурдук сыыһа, балык, куобах аҕалар буолара. Ити курдук сэрии кэмин оҕолоро ас-
таҥас кырыымчыгар, улахан дьону кытары тэҥҥэ кэриэтэ үлэлээн, оонньуур диэни
умнан улааппыппыт, билиҥҥи эйэлээх олох кэлэрин туһугар олорбуппут.
28.01.2020

Данилова Анна Семеновна

Аан дойдуну барытын аймаабыт Аҕа дойду сэриитин толоонугар төһөлөөх элбэх
киһи сырдык тыынын толук уурбутай, тыылга хаалбыт дьон-аймах аас-туор олоҕо, сут
дьыллар... бу барыта бүгүҥҥү олохпутугар ыарахан өйдөбүл, сүрэх ааспат бааһа буолан
сылдьаллар...
Мин 1944 сыллаахха ыам ыйын 23 күнүгэр Дүпсүн нэһилиэгэр төрөөбүтүм. Ийэм
Бараскыай бастакы кэргэнэ Дүпсүн нэһилиэгиттэн төрүтгээх Федоров Семен Васи-
льевич, мин төрөппүт аҕам буолар. Кинилэр быһа холоон 1938 сыллаахха холбоспут
буолуохтарын сөп. Мин иннинэ 2 уол оҕоломмуттар. Мин төрүүрбэр 4-5 саастаах уо-
латтар эбит. Оччолорго төрөппүт аҕам Баҕана диэн Дабаадыма сиригэр олохтоох эбит.
Онно урут ыатлар, ферма эҥин баар буолан, ийэм фермаҕа ыанньыксытгаабыт. Аҕам 2

270