Page 277 - Сэрии кэмин оҕолоро 1 кинигэ

ЛӨГӨЙ нэһилиэгэ

роҕор муостааҕы иитэн, оҕо төрөтөн, 55 сыл эйэ дэмнээхтик бииргэ олорон кэллибит:
2 кыыс, 2 уол оҕолоохпут, уонтан тахса сиэннээхпит, биэс иһинэн хос сиэннээхпит.

Копырина Анна Михайловна

Мин 1936 сыллаахха от ыйын 4 күнүгэр Ирина, Михаил Ко-
пыриннар дьиэ кэргэннэригэр төрөөбүтүм.
Хаҥаал алааска 4 ыал дьукаах олорбуппут. 1941 с. Карамзин-
нар, Ивановтар иккилии уоллара тэҥҥэ ыҥырыллан барбыт-
тарын өйдүүбүн. Аҕам Томторго диэри илдьэн биэрбитэ. Атаа-
рыыларын, ытыылларын бу баар курдук өйдүүбүн.
Карамзиннар эргиллэн кэлбиттэрэ, Ивановтар сураҕа суох
сүппүттэрэ. Дьоммун батыһа сылдьан оҕус сиэтэрбин өйдүүбүн.
Сут, кураан буолан, аһыҥа түһэр дьааматын хаһыыларыгар
көмөлөспүтэ буолаахтыырым.
Кыайыы буолбутун Хаҥаалга олорон истэн кырдьаҕастар
үөрүүлэрин, ытаһыыларын тэҥҥэ үллэстэр дьолломмутум.

Копырина Галина Васильевна
Мин Уус Алдан улууһун Дүпсүнүгэр 1945 сыл атырдьах ыйын
31 күнүгэр төрөөбүтүм.
Аҕам Копырин Василий Тихонович, Дьокуускай куорак-
ка типографияҕа үлэлии сылдьан, онтон Дүпсүн нэһилиэ-
гэр НАСПО бэрэссэдээтэлинэн үлэлии олорон 1950 сыллаахха
34 сааһыгар ыалдьан өлбүтэ.
Ийэм Ушницкая-Копырина Евдокия Дмитриевна, Остуой-
каҕа олорон, Уһун Күөлгэ ыал буолан кэлэн, сааһын тухары
холкуоска ыанньыксыттаан, сайынын үүт сүүрдэн, арыылаан,
таптайан туттарарын өйдүүбүн. 1959 сыллаахха Уһун Күөлгэ
оскуола арыллан, ийэм онно остуорастаан, сэттэ оһоҕу оттон,
бэйэтэ маһын бэлэмнээн, эрбээн, хайытан, кыстаан үлэлиирэ.
Переменаҕа учууталлар чэй иһэ киирэллэрэ, өрөбүллэргэ ыанньыксыттар ыарыйдах-
тарына солбуйтара ыҥыраллара, ол кэмнэргэ оскуола дьиэтигэр биир хоһу биэрэннэр
онно кыстыырбыт. Биһигини, 5 оҕону, соҕотоҕун иитэн-аһатан үөрэттэрбитэ. Ийэ-
бит бүппэт түбүктээх олоҕор бука бары илии-атах буолан көмөлөһөрбүт. Үөрэх саҕа-
лана илигиттэн үлэ саҕаланара, переменаҕа илии эрбиитинэн маһы эрбээн уолаттар
көмөлөһөллөрө, киэһэ үөрэх бүппүтүн да кэннэ утуйуохпутугар диэри түбүгүрэрбит,
кылаастары, паарталары сууйарбыт, өрөбүл аайы улахан түннүктэри сууйан, сотон
убуоркалыырбыт. Ийэбит барыбытын иистэнэн таҥыннартыыра, минньигэстик астаан
аһатара. Кини наһаа эйэҕэс, үөрүнньэҥ, киирбит киһини чэйдэппэккэ таһаарбат этэ.
Кини минньигэстик астаабыт соккуойун, лэппиэскэтин, күөрчэҕин элбэх киһи амсай-
быта. Ханнык да астан иҥнибэккэ астыыра, иис арааһын иистэнэрэ. Эдьиийим Катя
биһигини тэбис-тэҥ былаачыйалары, куопталары тигэн таҥыннарара, таҥаспытын ку-
русубалыыра, оҕуруолуура, быысыпкалыыра, араас өҥнөөх лиэнтэлэринэн киэргэтэрэ,
хайа да оҕоттон мааны буоларбыт. Ийэм үлэ, тыыл бэтэрээнэ, Сталин мэтээлинэн
наҕараадаламмыта, 1997 сыл 82 сааһыгар бу олохтон барбыта.
Убайым Василий Васильевич, учуутал идэлээх, үөрэҕирии эйгэтшэр үлэлээн пенсияҕа
тахсыбыта. Эдьиийим Екатерина Васильевна эдэр сааһыгар өлбүтэ. Бырааттарым Юрий Ва-
сильевич тырахтарыыһынан, Семен Васильевич суоппарынан, тырахтарыыһынан саастарын
тухары холкуоска, сопхуоска үтүө суобастаахтык үлэлээн билигин пенсияҕа олороллор.

273