Page 276 - Сэрии кэмин оҕолоро 1 кинигэ

ЛӨГӨЙ нэһилиэгэ

оҕо сааһым ааспыта. Инньэ гынан ийэ-аҕа тапталын билбэккэ
улааппытым. Төрөппүттэрим тустарынан дьон кэпсээнинэн эрэ
билэбин. Аҕам Константин Николаевич, ийэм Евдокия Михай-
ловна Дьячковскайдар диэн эбиттэр. Иккиэн Чурапчы Кытаа-
наҕыттан төрүттээхтэрэ үһү.
Биһиги бииргэ төрөөбүт үс бырааттыыларбыт: Николай, Дми-
трий уонна мин. Мин кыра убайбынаан Миитэрэйдиин бастаан
куоракка тулаайахтар дьиэлэригэр, онтон Чурапчы Мындаҕаа-
йытын детдомугар бииргэ олорбуппут. Мин онно төрдүс кы-
лааска диэри үөрэммитим. Ол кэннэ доруобуйам мөлтөҕүнэн, 4-5
кылаастарга Мэҥэ Хаҥалас I Хаптаҕай детдомугар көһөрбүттэрэ.
6-7 кылаастары Чурапчы Кытаанаҕын сэггэ кылаастаах оскуола-
тыгар интэринээккэ олорон бүтэрбитим. Саамай улахан убайым Ньукулай биһигиттэн
лаппа аҕа этэ. Онон эрдэ бэйэтин бэйэтэ көрүнэ сылдьыбыт. Кинини сэтгис кылаа-
һы бүтэриэхпэр диэри ханна сылдьыбытын, тугу үлэлээбитин олох билбэппин. Оннук
уһуннук сүтэрсибиппит. Армияҕа Уус Аддан уолатгарын кытта бииргэ сылдьыбыт уон-
на кинилэри кытта Бороҕоҥҥо кэлэн олохсуйбут, үлэһит буолбут этэ. Онтон миигин
Кытаанахха баарбын ирдэһэн-ыйыталаһан булан, бэйэтигэр Уус Алдаҥҥа ылбыта. Бо-
роҕоҥҥо интэринээккэ олорон 8-9-10 кылаастары Мүрү орто оскуолатыгар бүтэрбитим.
Оччолорго Мүрү оскуолатыгар тыһыынчаттан тахса оҕо үөрэнэр быһыылааҕа. Биһиги 8
кылаастар «А», «Б», «В», «Г» диэннэргэ арахсарбыт. Биһиэхэ 8 «Г» кылааска араас нэһи-
лиэктэртэн кэлбит оҕолор үөрэнэллэрэ. Ол курдук Кэптэниттэн, Бэйдиҥэттэн, Кур-
буһахтан, Өспөхтөн, Бороҕонтон, Найахыттан уо.д.а. нэһилиэкгэн кэлэллэрэ. 1959 сыл-
лаахха оскуолабын бүтэрбитим.
Оскуола кэнниттэн икки сыл бастаан Өспөххө Дыгдал диэн учаастакка библиотека-
рынан, иккис сылбар Найахы сельскэй кулуубугар баяниһынан үлэлээбитим. Эһиили-
гэр Чурапчы Кытаанаҕар киинэ моториһынан уонна нэһилиэккэ ыытыллар тэрээһин-
нэргэ баянистаатым. Онно үс сыл үлэлээн бараммын, 1962 сыллаахха С.Ф. Гоголев
аатынан ДьПУ-1 физкультурнай отделениетыгар үөрэнэ киирбитим.
Педучилигцены бүтэрэн баран, Үөрэх министерствота анааһынынан Чурапчы
оройуонун Мындаҕаайы орто оскуолатыгар физкультура учууталынан педагогическай
үлэбин саҕалаабытым. 1968-1972 үөрэх сылларыгар Лөгөй орто оскуолатыгар физрук-
таабытым. Оройуон комлекснай күрэхтэһиитигэр үс сыл субуруччу бастаан турар-
даахпыт. Оскуола иһигэр спортивнай секциялары күүскэ үлэлэтэрбит: көҥүл тустууга,
дуобакка, саахымакка, остуол тенниһигэр, чэпчэки атлетикаҕа, баскетболга, волейбол-
га, атах оонньуутугар, гимнастикаҕа уонна хайыһарга. 1973 сыллаахха оҕо спортивнай
оскуолатыгар чэпчэки атлетика тренеринэн анаммытым.
1974-2000 сылларга Бороҕоннооҕу оҕо спортивнай оскуолатын Лөгөй филиатыгар
хайыһар тренеринэн 25 сыл үлэлээн пенсияҕа тахсыбытым. Ол сыллар усталарыгар
элбэх ахсааннаах 1 спортивнай разрядтаах, ССРС спордун маастарыгар 9 кандидаты,
Саха сирин спордун 6 маастарын иитэн таһаардым. Сыралаах үлэм түмүгүнэн: «РСФСР
норуотун үөрэҕириитин туйгуна», «РСФСР спордун бэтэрээнэ», «Саха Өрөспүүбүлүкэ-
тин физическэй культураҕа уонна спорка кылаатын иһин», «XX үйэ спордун лауреа-
та», «Саха Өрөспүүбүлүкэтин физическэй культураҕа уонна спорка туйгуна», «Саха
Өрөспүүбүлүкэтин чулуу тренерэ», «Урожай» общество бочуоттаах үлэһитэ», «Граж-
данскай килбиэн», «Лөгөй нэһилиэгин бочуоттаах олохтооҕо», «Уус Атдан улууһун бо-
чуоттаах олохтооҕо», «Ытык саас», «ДьПК бочуоттаах выпускнига», «Уус Алдан мело-
дистарын ассоциациятын чилиэнэ» бэлиэлэринэн, Улуу Кшайыы үбүлүөйүнэй, «Сэрии
сылын оҕото» диэн анал мэтээллэринэн, ааттарынан наҕараадаламмытым.
Кэргэмминээн Мүрү орто оскуолатыгар бииргэ үөрэммит, интэринээккэ олорбут
сылларбытыттан доҕордоһон, 1965 сыллаахха холбоһон ыал буолан от ыйын 10 күнүгэр
Тулуна оскуолатын таһыгар уруу тэрийбиппит. Лөгөй сиригэр-уотугар дьиэ туттан, хо-

272