Page 279 - Сэрии кэмин оҕолоро 1 кинигэ

ЛӨГӨЙ нэһилиэгэ

лар, аҥаардас биир-икки ыал хаһыата көтөх муҥунан буолара, ону таһынан педсия
түҥэтэрбит, араадьыйа харчытын хомуйарбыт, телеграмманы, переговору, баһыылка-
ны ыалынан тута тиксэрэрбит. Подписканы ыалынан сылдьан суруйарбыт, харчытын
хомуйан туттарарбыт, отчуот оҥорорбут — үлэбит баһаам буолан, киэһэ хараҥарыар
диэри сылдьан, дьиэбин хойут булааччыбын. Почта кэлэрин дьон наһаа күүтэрэ,
көрүстэллэр эрэ ыйытан, почтальоннар дьоҥҥо күүтүүлээх, кэтэһиилээх дьон буо-
ларбытын өйдөөбүтүм.
Таптыыр Кэптэним ыаллара, эйэҕэс-сайаҕас үчүгэйкээн дьоннор, үөрэ-көтө көрсөл-
лөрө, кэтэһиилээх күндү киһилэрэ курдук сананан үлэлээн-хамсаан кэлбиппин мэлдьи
ахтабын, бииргэ эн-мин дэһэн үлэлээбит күндү коллекгивпын, мааны майгылаах, үтүө
үлэһит ыаллардыын алтыһан сылдьарбын дьолбунан ааҕынан олус күндүтүк саныыбын.
Сэтиннъи 4 күнэ, 2020 с.,
Кэптэни бөһ.

Ксенофонтов Николай Алексеевич

Мин 1945 сыллаахха ахсынньы 7 күнүгэр Бороҕоҥҥо 4 оҕо-
лоох ыалга бастакы оҕонон төрөөбүтүм. Сэрии кэнниттэн
төрөөбүт буоламмын сэрии кэминээҕи олоҕу чөлүгэр түһэрии
үлэтин-хамнаһын дьон тэҥинэн үлэлэһэн кэллим.
Аҕам Ксенофонтов Алексей Иннокентьевич 1912 сыллаахха
Чурапчыга Хадаар нэһилиэгэр төрөөбүт. Сэриигэ аҥаар атаҕын
сүтэрэн инбэлиит буолан кэлбитэ. Сэриигэ сырыттаҕына, бас-
таан кэргэнэ өлбүт. Биир кыыс оҕолооҕун кэргэнин дьоно иип-
питтэр. Аҕам 50 сааһыгар өлбүтэ. Аҕам бохоруонатыгар наһаа
элбэх киһи сылдьыбытыттан кинини аһара убаастыыллар эбит
дии санаабытым. Оркестр доҕуһуоллаах кылабыыһаҕа илпит-
тэрэ өйбөр хаалбыт. Кэлин, миигин биир бэтэрээн аҕам туһунан
кэпсээри ыҥырбытыгар, кыайан барбакка хаалбыппыттан хомойо саныыбын. Кини
сэриигэ сылдьан бэйэ-бэйэбитигэр көмөлөсүһэр этибит диэн этэн аһарбыта.
Ийэм Бурнашева Анна Ивановна 1912 сыллаахха Уус Алдан оройуонун II Лөгөй нэһи-
лиэгэр төрөөбүтэ. Сэрии кэмигэр «Катинин» холкуос бэрэссэдээтэлэ этэ. 10-ча сыл уста-
та бэрэссэдээтэллээбит. Кини биир да киһини хоргутан өлөрбөгөҕүн иһин холкуоһун
дьоно өрүү ийэм туһунан кэпсээн махталларын биллэрэллэрэ. Ийэм туһунан сэрии саҕа-
нааҕы оройуон хаһыаттарыгар үгүстүк суруллубутун көрөн киэн тутга саныыр этим. Мин
1952 сыллаахха оскуолаҕа киирбитим. Оскуоланы 1965 сыллаахха бүтэрэн, армияҕа 3,5
сыл подводнай флокка сулууспалаан иэспин төлөөбүтүм. Отгон 1969 сылтан 1974 сылга
диэри Челябинскай куоракка үөрэнэн инженер-электрик идэтин ылбытым. 1974 сылтан
билиҥҥээҥҥэ диэри ол идэбинэн үлэлии сылдьабын. Оскуолаҕа үөрэнэ сылдьан оҕу-
руокка Митрофан Бурцевка, кирпииччэ собуотугар уонна холкуоска окко биир да сайын
өрөөбөккө, 1947 сылга төрөөбүт бырааппынаан үлэлиир этибит. 1975 сыллаахха Акулина
Гаврильевна Нафанаилованы кытта ыат буолан 3 оҕоломмуппут.
Улахан уол Николай кэргэннээх, үс кыыстаах. Юрист үөрэхтээх. Иккис оҕобут
кыыс. Оля кэргэннээх, биир уоллаах. Омук тыла уонна юрист үөрэхтээх. Үһүс оҕобут
Саша кэргэннээх. Кыыстаах уол оҕолоох. Историк үөрэхтээх.
Бастакы кэргэним Акулина 1997 сыллаахха ыалдьан өлбүтэ. Оттон 1999 сыллаахха
Анна Степановна Фоминаны кытта ыал буолан олоробут. Анна Степановна убайын
кыыһа Таня биһиэхэ 6 кылааска кэлэн, онтон ыла биһиэхэ олорон оскуоланы бүтэр-
битэ. Сибээс үрдүк үөрэҕин бүтэрбитэ. Билигин кэргэннээх, икки уол оҕолоох. Онон
4 оҕолоох ыал курдук сананан үчүгэйдик олоробут.

275