Page 278 - Сэрии кэмин оҕолоро 1 кинигэ

ЛӨГӨЙ нэһилиэгэ

Мин оскуолаҕа бастаан Өнөргө ньолобуой кылаастан саҕалаан үөрэммитим. Уһун
Күөл оҕолорун кытта Дьуодьа аартыгынан өрөбүлгэ сатыы кэлэр-барар этибит, саас
сыһыыларынан, алаастарынан быһалыы сылдьарбыт. Кыһынын эдьиийим Аанка кэр-
гэнэ Мэхээлэ Саабыс сыарҕаҕа олордон, тулууп, холуоһа кэтэрдэн уһун өрөбүлбэр
аҕалара. Үөрэнэ сылдьан хайыһарга уонна сүүрүүгэ үчүгэй буоламмын, Бороҕоҥҥо
ипподромҥа күрэхтэһэ хас да төгүллээн киирбиттээҕим, ол кэмнэртэн наһаа үчүгэй,
сырдык өйдөбүл хаалбыт.
Кыра эрдэхпититтэн оччотооҕу оҕолор курдук үлэ үөһүгэр сылдьарбыт. Сүрдээх үчү-
гэй үлэһит, көрсүө майгылаах, үлэҕэ бэриниилээх, күүстээх үлэни көҕүлүүр Иванов
Гаврил Иванович, Жирков Данил Афанасьевич, Жирков Петр Афанасьевич тус-туспа
звенолар старшайдарынан үлэлээбиттэрэ. Кинилэр кэбиһиилэригэр оҕус сиэтэрим,
оҕолору, улахан дьону кытта тэҥҥэ уу отун тардыытыгар үлэлиирбит, бугул түгэҕэ
харбыырбыт. Мунньарга сарсыарда эрдэттэн киэһэ хараҥарыар диэри тиритэ-хорута
сылдьарбыт. Анаан өйүө таһааччы, аймаҕым Лазарев Николай оҕонньор этэ. Дьиэ-
бит чугас да буоллаҕына, оттуур алааспытыгар хонорбут. Оннук сайын устата алаастан
алааска көһө сылдьарбыт. Иванов Ганя аҕатын звенотугар от мустарара, мунньарга
олорон алааһы биир гына «Москваҕа Кириэмил лыҥкыныыр чаһыта...» диэн, оччотоо-
ҕу кэмнэр уостан түспэт атын да ырыаларын доргуччу, олус үчүгэйдик ыллыыра. Мин
Күөхтэй диэн сымнаҕас аттаах этим, үлэ саҕаланыан иннинэ эрдэ туран, бэйэм тутан
аҕалан көлүйэрим. Сынньалаҥҥа оҕолору кытта элбэх буолан уһун сыһыыны биир
гына төкөтөн сүүрдэрбит.
Эдьиийбинээн Катялыын оскуоланы Нам оройуонугар үөрэнэн бүтэрбиппит. Намҥа
үөрэнэр кэммитигэр тээтэбин кытта бииргэ төрөөбүт Никитина-Копырина Мария Ти-
хоновналаахха олорбуппут, иккис сылыгар И. Винокуров-Чаҕылҕан аатынан уулус-
саҕа редакцияҕа үлэлиир Бястиновтар диэн кэргэнниилэргэ олорбуппут. Бу кэмнэргэ
эдьиийбит кэпсэтэн, миигин Культура дьиэтигэр кассирынан, билиэт быһааччынан
үлэҕэ киллэрбитэ. Шестаков Афанасий Федорович диэн уус-уран салайааччы, Христо-
форов Илья Гаврильевич диэн музыкант этэ быһыыта, үчүгэйкээн үлэһиттэри кытта
алтыспыттаахпын, киэһэ аайы тыыннаах оркестырынан биэчэрдэр, кэнсиэрдэр буо-
лаллара. Эдьиийим Катя райсовекка сэкирэтээр-машинистканан үлэҕэ киирбитэ. Он-
нук быстах кэмҥэ үлэлии түһэн бараммыт, кэһии мунньунан, дьоммутун, дьиэбитин
ахтаммыт дойдубутугар кэлбиппит.
Уһун Күөлгэ сайынын Домотов Иннокентий Петрович салайыытынан Куһаҕаска
ньирэй көрүүтүгэр, кыһынын урукку детсад аттынан көтүллүбүт хотоҥҥо Копырина
Екатерина Михайловна, Лыткина Акулина Гаврильевна, Троева Лидия Акимовна, Ва-
сильева Акулина Васильевна буолан ыанньыксыттаабыппыт, Лида — мэлдьи эрдэһит,
саамай бастакынан куруутун кини кэлбит буолара, ийэтэ Өкүлүүн — олус эйэҕэс,
үөрүнньэҥ майгылаах, биһигини кытта тэҥҥэ ыанньыксыттыыра, биригэдьиир Олло-
нов Николай Иванович сарсыарда аайы кэлэн көрөн, үлэни билсэн барара. Ол быыһы-
гар хотон харабылынан да, торбос көрүүтүгэр да үлэлээбитгээҕим.
Уһун Күөлгэ детсад арыллыбытыгар иитээччи көмөлөһөөччүтүнэн киирбитим, са-
йыҥҥы кэмҥэ иитээччилэри солбуйарым. Уһун Күөллээҕи комсомольскай тэрилтэҕэ
чилиэнинэн киирбитим, мунньахтары, араас обгцественнай үлэлэри ыытыһарбыт,
быыстала суох мас бэлэмин, тутуу үлэтин субуотунньуктарыгар кэмэ суох кыттарбыт.
Салгыы Кэптэнигэ «Чэчир» детсадка, Лөгөй орто оскуолатыгар иһит сууйааччынан,
кэлин Кэптэнитээҕи почтовай сибээскэ почтальонканан пенсияҕа тахсыахпар диэри
үлэлээбитим, начальнигынан Петухова Марфа Михайловна, оператор Белолюбская-
Готовцева Ульяна Прокопьевна, кассир Олесова Александра Дмитриевна, иккис
почтальонка Карамзина Людмила Георгиевна буолан үлэлээбиппит. Ол кэмнэргэ
быыстала суох телеграмма, хаһыат күн өрүү-өрүү кэлэрэ, сурук туох да буолунай буо-
лара. Сурунаал арааһа дэлэй буолааччы. Хаһыат, сурунаал кэллэр эрэ хоннорбокко
күнүнэн тиэрдээччибит. Дьон үксэ элбэх араас хаһыакка, сурунаалга суруйтарааччы-

274