Page 41 - Сэрии кэмин оҕолоро 1 кинигэ

БАЙА5АНТАЙ нэһилиэгэ

Василий Прокопьевич 1964 сыллаахха Танда орто оскуолатын бүтэрбитэ, онтон
ыла төрөөбүт Тандатыттан харыс да халбарыйбакка, холкуоска бостуугунан, хачыгаа-
рынан, онтон салгыы тутуу биригээдэтигэр үлэлээбитэ.
Советскай былаас саамай өрөгөйдөөн турбут кэмигэр тутуу үлэтэ тэтимнээхтик барара.
Кини физзал, учуутатлар уопсайдарын 3 дьиэтэ, арболитовай хонтуора, икки ула-
хан иккилии квартиратаах уопсай (Васильевтар, Устиновтар, Готовцева, Петровтар)
тутууларыгар үлэлэспитэ. Холуода угуутун, араас мындыр мээрэйдэри оҥоруу курдук
ылбычча киһи сатаабат үлэлэрин Василий Прокопьевич оҥороро, билигин да эдэр
дьон ыҥырдаллар эрэ баран, ыйан-кэрдэн биэрэн көмөлөһөр. Уурбут-туппут курдук
туттуулаах уустан эдэрдэр элбэххэ үөрэнэллэр.
Физзал тутуутугар мас кэрдиититтэн саҕалаан кырыыһатын бүтэһик тоһоҕотугар
диэри үлэлэспитэ. Оччолорго олох эдэр этэ. Уопсайынан физзал тутуутугар үксүн
эдэрдэр үлэлээбиттэрэ. Кинилэр Вензель Егор Дмитриевич, Платонов Петр Иванович
салалталарынан сүрдээх бэриниилээхтик үлэлээбиттэрэ. Дьэ онтон ыла бу физзалга
төһөлөөх элбэх күрэхтэһиилэр, эрчиллиилэр буолбуттара буолуой!
Маны таһынан бытовой комбинат дьиэтин тутуутугар сылдьыбыта. Ол бытовой
үлэҕэ киирбитигэр үөрүү бөҕө этэ. Таҥас тигэр, атах таҥаһын оҥорор сыах, парикма-
херскай үлэлииллэрэ.
1986 сыллаахха Матвеев Михаил Власьевичтыын билигин үлэлии турар музей хон-
туоратын тутан бүтэрбиттэрэ. Бу дьиэ кэлин дэриэбинэҕэ улаханнык туһалаабыта.
Оскуола тоҥноҕуна оскуола, хонтуора суох буоллаҕына хонтуора буолара.
Эмиэ бу сылларга «Тохороон» сайылыкка оскуола иһинэн үлэ, сынньатаҥ лааҕырын
базата тутуллубута. Бу база хас да сыл үлэлээбитэ.
Василий Прокопьевич: «Тутуунан биһиги көлүөнэбит эрэ идэтийэн дьарыктаммыт
эбит. Биһиги иннинэ да, кэнниттэн да оннук уһуннук тутууга үлэлээбиттэр суох-
тар», — диэн ахтар.
Ааспыт үйэ 80 сылларыгар дэриэбинэҕэ элбэх ыал саҥа дьиэ туттан киирэллэр этэ.
Ол дьиэлэр талбыт курдук киэҥ-куоҥ, улахан түннүктээх, элбэх хостоох этилэр. Ол
ыаллар оҕолоро кытары билигин сааһыран эрэр ыаллар буоллулар.
Бу кэмнэргэ сопхуос производственнай объектарын: хотоннорун, гаражтарын тутуу-
га үлэлииллэрэ. Ол объектар хастыы эмэ сыл үлэлии турбуттара.
Кэлин сопхуос гаражтарын, хотоннорун котельнайдарыгар хачыгаардаан уонна ха-
рабыллаан пенсияҕа тахсыбыта.
Онон нэһилиэк биир биллэр ууһун Митрофанов И.Ф.—Сарылыыр Уус сиэнэ Готов-
цев Васитий Прокопьевич удьуору салгыыр уус буолан элбэх тутууну тутуспута.

Ахтыыны суруйда Готовцева Анна Алексеевна

Готовцев Семен Федорович

Мин 1933 сыллаахха бэс ыйын 21 күнүгэр төрөөбүтүм. Аҕам
Готовцев Федор Софронович — прокурор, ийэм Готовцева Анна
Прокопьевна — дьиэ хаһаайката. Аҕам 1942 сыллаахха, ийэ-
бит 1941 сыллаахха өлбүттэрэ. Биһиги биэс оҕо тулаайах хаал-
быппыт. Эһээхэйбит 1942 сыллаахха өлбүтэ. Эдьиийбит кэр-
гэннэнэн баран отуччатыгар өлбүтэ. Үс оҕо хаалбыппыт. Мин
сааһым тухары лесхозка үлэлээбитим. Быраатым — хачыгаар.
Балтым — эргиэн үлэһитэ.
Дьоммут өлбүтүн кэннэ, биһигини «Пятилетка» диэн хол-
куоска Үөһээ Үрэххэ эһэлээх эбэбитигэр таһаарбыттара. Сэрии
иннинэ эһэбит малатыылкаҕа бурдук астата сыдцьан илиитин
быстарбыт этэ (уҥатын). Эбэм кырдьаҕас, ыарытыган этэ. Биһи-

37