Page 44 - Сэрии кэмин оҕолоро 1 кинигэ

БАЙАБАНТАЙ нэһилиэгэ

тьяна Матвеевна биһигини кытта аалсан ааспыттара. Эдьиийдэрбит Өлөөнө, Өлөксөөс
куруук күүс-көмө буолаллара. Оҕолор бэйэ-бэйэбитин кытта наһаа иллээх-эйэлээх
этибит. Хаһан да ким да кими да кытта этиспэт, улаханнык саҥарбат, эгэ охсуһуохпут
дуо? Бука бары биир сүбэнэн-эйэнэн сылдьарбыт.
Үөрэнэ сылдьан хас субуота ахсын ийэбитин ахтан дьиэбитигэр барарбыт. Аара киһи
уҥуоҕуттан куттанар да этибит. Күһүн хараҥаҕа тиийэбит. Нэһиилэ хонобут уонна
өрөбүл күн туран эмиэ төннөбүт. Дьэ итинник ыарахан олох биһигини оҕо сааспытын
умнубат гына ойо охсубут, олук уурбут.
Биһиги кэннинээҕи оҕолор үксүлэрэ да аҕата суох улааппыттара буолуо.
Маҥнайгы кылааска 41 буолан үөрэммиппит. Учууталбыт олус кыраһыабай, хап-
хара уһун баттахтаах, көбүс-көнө уҥуохтаах Михайлова Тамара Федоровна училище
кэнниттэн үөрэппитэ. Ахсаан уруогар наар биэскэ үөрэнэрим, ааҕыы уруогар кыайан
аахпакка эрэй бөҕөнү көрбүтүм. Арсеньев Ким барахсан ааҕарбар наһаа көмөлөспүтэ.
Саас Бээрийэ, Тиит Арыы оҕолоро кэлэн бары экзамен туттарарбыт.
Ахсаан уруогар мин бэриллибит сорудаҕы 10 мүнүүтэнэн суоттаан, рекорд охсон
турабын. Урут хас сыл ахсын экзамен туттарар буолан, оҕо билиитэ чиҥ буолара. Мии-
гин үөрэппит учууталларым — географияҕа Готовцев Георгий Афанасьевич, алгебраҕа
Жпрков Петр Егорович, нуучча тылыгар Охлопкова Ксения Павловна, саха тылыгар
Готовцев Иван Павлович — дириҥ билиилээх учууталлар этилэр. Биирдэ Георгий Афа-
насьевич оҕолорго кыыһыран, илиибин быһа кымаахтаан олус да ытаабытым. Өссө кы-
лаастан үүрэн таһаарбыта. Онно кыбыстан өлбөтөҕүм эрэ. Ити курдук киһи сүрэҕиттэн
сүппэт түбэлтэлэри санаан ылабын.
Биһиги учууталлары таҥара курдук көрөрбүт. Утары иһэр буоллахтарына, туораан атын
сиринэн барарбыт. Петр Егоровичтаах интэринээт дьиэҕэ олорбутгара. Онно Матрена
Николаевнаны кэргэн ылан, Госдума депутата буола сылдьыбыт Жирков Егор Петровиһы
1954 сыллаахха оҕоломмутгара. Матрена Николаевна интэринээккэ воспитатель этэ.
Саас ахсын оскуолаҕа, кыһын оттуллар мас саһааныгар үлэлиир этибит. Хас биир-
дии оҕоҕо иккилии саһааны мастыырга сорудах бэриллэрэ. Кылааһынан тыаҕа тахсан
кэрдэн, түһэрбит тииттэрин олох хоппот эрбиинэн эрбиибит. Уолаттар хайыталлар,
ону биһиги саһаанныыбыт. Маны таһынан сайын уоннуу моҕотой тириитин, уоннуу
күтэр тириитин туттарыахтаахпыт. Биһиэнин наар Кыракый бултаан биэрэрэ.
Дьэ маннык тапталлаах Тандабар киһи төрөөн, улаатан, үөрэнэн, кэлин Мүрүнэн,
Ньурбанан, Дьокуускайынан үлэлээн, үөрэхтэнэн, ыал буолан биир киһи олоҕун оло-
рон эрдэхпит дии.
Кэргэним Черноградскай Николай Алексеевич 2007 сыллаахха күн сириттэн күрэм-
митэ. Бэйэм биэс кыыс оҕолоохпун, 12 сиэннээхпин. Улахан кыыһым Калмыкияҕа
олорор, идэтинэн зоотехник, үс уол оҕолоох. Иккис кыыс Хабаровскайдааҕы культу-
ра институтун бүтэрбитэ. Сергей Зверев аатынан театрга отдел начальнига, культура
туйгуна. Үһүс кыыс — тиис бырааһа, иккис үрдүк үөрэҕин бүтэрэн, менеджер буолар.
Төрдүс кыыс Лена — гинеколог, иккис үрдүк үөрэҕэр үөрэнэр. Бэһис кыыс Яна —
Дьокуускайдааҕы таможня отделын начальнига. Онон оҕолор бары үлэһиттэр. Сиэн-
нэр үрдүк үөрэххэ үөрэнэллэр, сорохторо оскуола үөрэнээччилэрэ.

Готовцева Екатерина Семеновна

Мин I Курбуһах нэһилиэгэр 1930 сыллаахха балаҕан ыйын 30 күнүгэр төрөөбүтүм.
Сэрии кэмигэр Уус Алдан Бороҕонугар олорбуппут. Онно 7-8 кылаастарга Томтор-
го начальнай кылааска үөрэммитим. Оройуон киинэ бастаан Томторго этэ. Томторго
сатыы тахсан үөрэнэр этибит.
Аҕам 1941 сыл күһүн армияҕа ыҥырыллан барбыта. Повесткатын сарсыарда ылбы-
та, эбиэттэн киэһэ барбыта. Биһиги сэттэ оҕо этибит. Онтон ийэм ахсынньыга маска

40