Page 48 - Сэрии кэмин оҕолоро 1 кинигэ

БАЙАБАНТАЙ нэһилиэгэ

сударственнай секретнэй сорудаҕы толорууга сулууспалаабыппыт. Сорудаҕы суруогун
иннинэ чиэстээхтик толороммут, 40-ча саллааты Похвальнай лииһи тутгаран баран
дойдубутугар демобилизациялаабыттара. 1960 с. ахсынньы 23 күнүгэр Дьокуускай куо-
ракка кэлбитим. Кыһын 1961 с. бэлэмнэнии куурсугар үөрэнэ таарыйа, Дьокуускай
куоракка типографияҕа суоппарынан үлэлээбитим. Ол сылдьан Саха госуниверситеты-
гар баран экзаменнарбын үчүгэйдик туттаран 1961 с. устудьуон аатын ылбытым.
1961-1966 сс. Саха госуниверситетын географическай факультетын биологическай
отделениетын бүтэрэн, Я.М. Свердлов аатынан Танда орто оскуолатыгар химик уонна
биолог учууталынан таһаарыьыаахтык үлэлээбитим. Ол иһигэр 10-сьы дириэктэрдээ-
битим. Ону таһынан трактороведение кабинетын бэйэм санаабынан тэрийэн бу идэҕэ
дириҥник үөрэтиини саҕалаабытым. 1988 с. диэри 481 оҕо үөрэммитэ. Ол иһиттэн
оскуоланы бүтэрээччитэр үс кылаастаах тырахтарыыс — 229, механизатор — 89, суоп-
пар 89 сибидиэтэлистибэтин ылбыттара. Кинилэр истэриттэн 10-н тахса выпускник
«инженер-механик» специальноһын ьыан производствоҕа үлэлииллэр.
05.10.2020 с.

Ховров Михаил Александрович

Аан дойду II сэриитин дуораана ыраах Саха сирин Уус Алдан
оройуонун 2-с Байаҕантай нэһитиэгин Хаптаанньа уонна Танды-
гы үрэҕин ортотугар сытар Булгунньахтаах алааһын тумнубатаҕа.
Бастакы хомуурга от үлэтин үгэнин саҕана 1941 сыл атырдьах
ыйын 12 күнүгэр «Пятилетка» холкуос эдэр уонна сааһыр-
быт, үлэни кыайар дьонноругар: Находкин Петр Романович-
ка (1917 с.т.), биригэдьиир Ховров Александр Дмитриевичкэ
(1900 с.т.) сиилэс уга сырыттахтарына сэбиэт бэрэссэдээтэлэ
Кривошапкин Иннокентий Петрович бэбиэскэ тутгарбыт.
Оччолорго мин, Ховров Александр Дмитриевич уола, саҥа
төрөөбүт 1-1,5 ыйдаах оҕо эбиппин. Аҕам сэриигэ барарыгар
миигин үөһэ быраҕан өрө көтөҕөлөөбүтүгэр күлбүт үһүбүн.
Сэриигэ барарыгар Курбуһаҕынан, төрөөбүт Моххотугар сылдьан дьоннорун, бииргэ
төрөөбүттэрин кытта быраһаайдаһан баран Бороҕонунан Суоттуга тиийэр. Суотту Хо-
ноҕоругар түмсэн бары бииргэ борохуотунан барбыттар үһү.
Ийэм Ховрова Елена Алексеевна аҕабыттан биир да суругу туппатах.
Уус Алдан II Байаҕантай Хаптаанньа, Тандыгы үрэхтэриттэн мин өйдүүрбүнэн сэ-
рии хонуутуттан 10-тан тахса эдэр уол (убайдар, аҕалар, таайдар уо.д.а.) тыыннаах эр-
гиллибэтэхтэрэ.
Биир дьиэттэн, холобур, Атласовтар диэн Туойдаах үрэҕэр олорбут бииргэ төрөөбүт
уолаттар Иван, Роман, Денис үһүөн сэрии хонуутугар өлөн, сураҕа суох сүппүтгэрэ. Ийэ-
лэрэ эмээхсин күн аайы утуйар ороннорун хомуйан, туох астааҕын ууран кэтэһэрэ үһү.
Өлбүттээхтэр хара сурук туппуттарын эт харахпынан көрбөтөҕүм, ол гынан баран
улахан дьон кэпсэтэллэрин истэр, ытыылларын, айманалларын көрөр этим.
Биир саас ыанар ынахпытын көлүйэн, Үс Көлүйэттэн Булгунньахтаахха көһөн тиий-
биппитин өйдүүбүн. Миигин кыра малбыт быыһыгар түспэт гына сытыаран иппит-
тэрэ. Сэрии сылларыгар онно биһиги ийэбинээн маачаха эһэбит Находкин Арамаан
Порфирьевичтааҕы кытта эҥээрдэһэн олорбуппут. Ийэм «Туругурдуу» холкуоска үүт
астааччынан, сүөһү ис-тас үлэтин көрөөччүнэн үлэлээбитэ.
1943 с. ийэм сурдьа Бүөтүр Алексеевич Танасов армияҕа ыҥырыллан барбыта.
Сорохтор эрдэ сэрииттэн бааһыран эргилтэн кэлбиттэрэ: Аргунов Иннокентий Ива-
нович, Находкин Петр Романович, Тарабукин Михаил Гаврильевич, Аргунов Семен
Васильевич. Кэлээт да онон-манан үрэхтэринэн, алаастарынан үлэлээн, салайан күүс-
көмө буолбуттара.

44