Page 75 - Сэрии кэмин оҕолоро 1 кинигэ

________________________________________ II БАЙАБАНТАЙ нэһилиэгэ

«эдьиийдэрим» диибин, билсэбин. Бырааһынньыктарга туохпунан кыттыһыахпыный,
туох кистэлэ баарай, кыһыл арыгы атыылаһаллара.
Биирдэ маннык көрүдьүөс буолла. Зоотехникка үөрэнэр Оконешников Ганя диэн
биир дойдулааҕым уолу кытта бииргэ олоробут. Ганя биир бытыьшка кыһьш аҕалбы-
та уонна этэр: «Бу 32 киилэлээх гиирэни астаххына, бу кыһылы иһиэхпит». Мин ону
иһээри, күн аайы эрчиллэн, таах анньар буолбутум. Ол эрчиллии хата доруобуйабар да
туһалаатаҕа, күүһүм эбилиннэҕэ дии.
Үөрэхпин 1965 с. бүтэрэн, ветеринарнай быраас дипломун туппутум. Бииргэ үөрэм-
мит табаарыстарым бары дьоһун дьон буолбуттара. Кинилэртэн холобур ыларым, араас
тэрээһиннэргэ кыттарым: т/х факультетыгар профсоюз комитетын чилиэнинэн талылла
сылдьыбытым, кэнсиэргэ үҥкүүлүүрүм, чабырҕахтыырым, эмиэ да кылгас дистанция-
ҕа сүүрэрим, габаарыстарым сыбаайба,тарыгар арыалдьыт буоларым.
Күн-дьыл ааһан истэҕин аайы киһи ааспыты дириҥник анаарар. Олоххо тардыһыы,
санаа күүһэ, эрэллээх доҕоттор миигин киһи оҥорбуттара. Ити курдук биир ыал оҕо-
лорунуу иллээхтик-эйэлээхтик үөрэнэн, үөрэхпитин бүтэрэн, олох киэҥ аартыгар үк-
тэммиппит. Устудьуоннаабыт сылларым олоҕум умнуллубат кэрэ кэмнэрэ этилэр.
1965 с. Уус Алдаҥҥа Суоттуга ветеринарнай учаастак сэбиэдиссэйинэн ананан үлэ-
бин саҕалаабытым, онтон «Лена», «Партизан Егоров» холкуостарга солбуйар бэрэс-
сэдээтэлинэн, «Лена» сопхуос кылаабынай ветбырааһынан, соҕотуопка кылаабынай
государственнай инспекгорынан үлэлээбитим. Салгыы «Маяк» холкуоска бэрэссэдээ-
тэлинэн, «Мясомолкомбинат» дириэктэринэн, Уус Алданнааҕы агропромьшпеннай
холбоһук бэрэссэдээтэлинэн, оройуоннааҕы народнай хонтуруол комитетын бэрэссэ-
дээтэлинэн, оройуоннааҕы бааһынай хаһаайыстыбалар ассоциацияларын бэрэссэдээ-
тэлинэн үлэлээбитим.
1978-87 сс. Герой Егоров аатынан сопхуоска дириэктэринэн үлэлээбит кэмим саамай
таһаарыылаах, үтүө түмүктэрдээх буолбута. Сопхуос бары салаа специалистара биир
өйүнэн-санаанан сатайтаран үлэлээбиппит. Ол курдук, 1981 с. сопхуос ССК.П КК,
ССРС МС, Комсомол КК Бочуотунай Грамоталарынан наҕараадаламмыта. Эмиэ бу
сыл сопхуос өрөспүүбүлүкэ сопхуостарыгар бастаан, Кыһыл Знамяны ылбыта, ССРС
Норуотун хаһаайыстыбатын быыстапкатыгар кыттан, кыайыылааҕынан тахсыбыта.
Саха сирин аатырдар үлэ маяктара үөскээбиттэрэ. «Мечта» ыччат ферматын коллек-
тива тэҥнээҕин булбатаҕа. Бочкарева Варвара Семеновна Саха АССР Верховнай Сове-
тын депутатынан талыллыбыта. Хотон ыарахан үлэтин механига Федоров Константин
Дмитриевич РСФСР үтүөлээх рационализатора буолбута. Управляющай Заболоцкай
Гавриҥз Васильевич, оробуочай Васильев Егор Ильич, Совет бэрэссэдээтэлэ Заров-
няев Иван Степанович «Норуот хаһаайыстыбатын үтүөлээх үлэһитэ» ааты ылбыттара.
Тырахтарыыс Васильев Иннокентий Иннокентьевич II Үлэ атбан аата уордьан III сте-
пенинэн, оскуола оҕолорун окко звенотун салайааччыта Васильев Антон Константи-
нович «Норуоттар доҕордоһуулара» уордьанынан наҕараадаламмыттара. Ыанньыксыт
Готовцев Михаил Николаевич Үлэ албан аата уордьан толору кавалера буолбута, кэлин
2014 с. сахалартан бастакынан Россияҕа Үлэ Геройун үрдүк аатын ылбыта. Онон соп-
хуоһум бу ситиһиилэриттэн үөрэбин, астынабын.
1995 с. үлэм үгэнигэр сылдьан, улаханнык ыалдьан, үлэттэн тохтообутум.
Олоҕум устатыгар тыа хаһаайыстыбата туруктаах буоларын, сүөһүттэн ылыллар
бородууксуйа элбиирин, дьон олоҕо-дьаһаҕа тупсарын туһугар үлэлээн-хамсаан кэл-
лим. Билигин Дьокуускай куоракка олоробут. СӨ тыатын хаһаайыстыбатын үтүөлээх
үлэһитэбин, Уус Алдан улууһун, Байаҕантай, Тиит Арыы, Бээрийэ, Түүлээх нэһилиэк-
тэрин бочуоттаах олохтооҕобун.

Дъокуускай куорат, 2020 с.

71