Page 100 - Уйбаан Бахсылыырап. Сэрии кэмин оҕолоро - эйэлээх олох уустара

рыгар эйэҕэс-сайаҕас буолара. Ол да иһин буоллаҕа, чугастааҕы ыалларбы-
тын кытта өрүү ылсыһан-бэрсиһэн олорбуппут.
Иллээх-эйэлээх буоламмыт 40-ча сыл усталаах туоратыгар ыаллыы дьах-
таллар этистэхтэрэ, эр дьон ииристэхтэрэ диэни өйдөөбөппүн. Оччолорго
телевизор наһаа үөдүйэ илигинэ ийэбит кулуупка буолар киинэҕэ өрүү сьш-
дьара. Ыала Павлова Елена Семеновналыын киэһээ аайы кэриэтэ киинэҕэ
бараллара. Ол саҕана “ыксаллаах, былдьаһыктаах” диэн ааттанар харчы оҥорор
киинэлэр сороҕор түүннэри буолаллара. Ол киинэлэри биһиги ийэбит
көтүппэт буолара, ол да иһин ССРС кинематографиятын туйгуна, өр сыл-
ларга Кэптэнигэ киномеханигынан үлэлээбит И.Г.Бурцев ахтыьшарыгар, би-
һиги ийэбитин “бастыҥ көрөөччүлэрбиттэн биирдэстэрэ этэ” диир.
Олоҕум доҕоро Варвара Яковлевна сырдык, ыраас дьоллоох олоҕу олорон
ааспыта. Кини кэнчээри ыччаггара бары үөрэхтээх, үлэһит, үтүө дьон буол-
буттара төрдө ийэбит иитиитигэр сытар дии саныыбын. Оҕолорбут этэҥҥэ
сылдьаллара биһиги улахан үөрүүбүт, дьолбут. Тапталлаах кэргэним, олоҕум
аргыһа, күндү ийэбит, эйэҕэс эбэбит, хос, хос-хос эбэбит туһунан үтүө өйдө-
бүл кэнчээри ыччаттарыгар бэриллэн иһиэҕэ, кини олоҕо үтүө холобур буо-
ла туруоҕа диэн эрэнэбин!
И.П.Колодезников, кэргэнэ,
2012 с., Кэптэни

ДЬЫЛҔАБЫТЫГАР МАХТАНАБЫТ
Ийэм Варвара Яковлевна Оллонова-Колодезникова аҕабынаан Иван
Петровичтыын 1953 с. холбоһон ыал буолбуттар. Мин үс ыйдаахпар, ол эбэ-
тэр 1955 с. Лөгөй нэһилиэгэр Кэптэнигэ көһөн кэлбиттэр. Кэптэнигэ көһөн
кэлбиттэрин кэннэ аҕам үлэтин агрономтан саҕалаабыт, ийэм мин кыра буо-
ламмын үлэлээбэтэх. Аҕабыт оннук үлэлии сырыттаҕына Даалы биригээдэ-
тигэр биригэдьииринэн анаабыттар. Онон Даалыга көспүттэр, ийэбит онно
тиийэн субай сүөһү көрөөччүнэн үлэлээбит. Оччолорго колхуос үлэтигэр ха-
һан да үлэһит илии тиийбэтэ үһү, ийэм үлэлии барарыгар миигин үлэни
кыайбат буолбут кырдьаҕас саастаах ыалга хаалларан барар эбит. Дьонум
Даалыга аҕыйах сыл үлэлээбиттэрэ, аҕабын эмиэ атын үлэҕэ анаабыттара,
онон нэһилиэк киинигэр Кэптэнигэ көһөн кэлбиттэрэ. Дьонум аах 1960 с.
Кэптэнигэ дьиэ туттубуттара, оччолорго мин 5 саастаах кыыс, 2 саастаах
бырааппын Ваняны сиэтэ сылдьан оһоҕу тула сүүрэрбин өйдүүбүн. Ити кэм-
тэн ыла дьоммут Кэптэнигэ олохсуйбуттар, ийэм оҕо-садыгар үлэлиирэ, кэ-
лин балыыһаҕа повардаабыта.
Ийэбит Варвара Яковлевна барахсан дьоҥҥо-сэргэҕэ сүрдээх элэккэй,
дьон кыһалҕатын олус өйдүүр, киһиэхэ наар көмөлөһө сатыыр айылгылаах
киһи этэ. Наһаа элбэх дьүөгэлэрдээҕэ, кинилэр кыһалҕаларын бэйэтин кы-
һалҕатын курдук ылынан наар көмөлөһө сатыыра. Нэһилиэккэ ыытыллар
уопсастыбаннай үлэҕэ тус бэйэтэ тэрийээччи да буолбатар кытта, көҕүлүү
сатыыр буолара. Кэптэнигэ спортзал аһыллыбытыгар эдэр дьону кытта тэҥҥэ
үөрбүтэ-көппүтэ, араас күрэхтэһиилэргэ көтүппэккэ сылдьара. Ийэбит кэ-
лин почтаҕа үлэлээбитэ, мин бырааттарбынаан ол саҕана мунньулла-мунньулла
кэлэр хаһыаты ыалларынан түҥэтэргэ киэһэ хараҥа буолуор диэри ийэбити-
гэр көмөлөһөрбүт. Ийэбит барахсан ол курдук үлэҕэ эппиэтинэстээх, кыһам-
ньылаах буоларга үөрэппит эбит. Ийэбит Варвара Яковлевна Кэптэни си-
рин-уотун, дьонун-сэргэтин сөбүлээн, 41 сыл устата ханна да барбакка олор-
бута.

96