Page 101 - Уйбаан Бахсылыырап. Сэрии кэмин оҕолоро - эйэлээх олох уустара
P. 101
Төрөппүттэрбитин кытта
Ийэбит Варвара Яковлевна, сэрии кэмин оҕото, аас-туор олох кыһарҕана
таайан, баара суоҕа 69 сааһыгар олохтон барбыта. Кини сырдык айылгыта,
дьоҥҥо наар үтүөнү эрэ баҕарар санаата биһиэхэ билигин да тыыннаах. Би-
һиги, оҕолоро, кинини куруутун ахта, саныы сылдьабыт.
Ийэлээх аҕабыт олох олорон түөрт оҕону төрөтөн, дьон оҥорбуттарыгар
дьылҕабытыгар махтанабыт. Билигин бары тус туспа ыал буолан бэйэбит
эһэ, эбэ буоллубут. Ийэбит барахсаны оҕолоро, оҕолообут сиэннэрэ хаһан да
умнуохпут суоҕа дии саныыбын.
Местникова Ирина Ивановна,
Колодезниковтар улахан кыыстара,
2012 с.
АЙЫЛГЫ СУОЛУН ТУТУҺАН
Очерк
Ахсынньы дьыбардаах сарсыардатыгар улахан бөһүөлэк оргуйар тумана
Быйды эбэҕэ халыйан киирдэ. Ол туманы кытта тэҥҥэ кэриэтэ алаас куула
сыырын туруору ыллыгынан анньыы уонна ойбон мууһун ыраастыырга анаан
тэһитэ үүттэммит кэтит тимир күрдьэх сүгэһэрдээх Бүөтүр оҕонньор тиэтэ-
йэ-саарайа эбэ соҕуруу көлүйэтигэр киирэн кэллэ. Оҕонньор үлэлии үөрэм-
мит үөрүйэҕинэн, ойбон таһынааҕы сүөһү тоҥмут сааҕын хоҥнорон, чөмөх-
төммүт сиргэ быраҕаттаата. Онтон халыҥ ыт тыһа үтүлүгүн устан, хоонньут-
тан чараас баата үтүлүгүн ылан кэтэн, анньыытынан ойбон хайыҥын ыраас-
таата. Ити кэннэ наҕыллык эрээри биир тэҥҥэ сурдурҕаччы анньан, ойбо-
нун алларбытынан барда. Төһө да тохтоон көрбөккө үлэлии сырыттар, Бүөтүр
өйүгэр араас санаалар киирэ тураллара ханна барыай.
— Бүгүҥҥү күнүнэн 21-с үйэ иккис сыла бүтэр. Сарсын саҥа дьыл, 2004
7 Заказ № 52
97
