Page 99 - Уйбаан Бахсылыырап. Сэрии кэмин оҕолоро - эйэлээх олох уустара

Константиновна, сааһын тухары
Уус-Алдан оройуонугар эт-үүт кэм-
бинээтигэр кылаабынай бухгалтеры-
нан үлэлээбитэ. Оттон Анна Михай-
ловна Борисова Нам улууһугар Граф
Биэрэгэр олохсуйан олорор. Икки-
эн ыал-күүс буолан оҕо-уруу, киэҥ
аймах дьоннор. Быраата Борисов
Вячеслав Михайлович үрдүк үөрэх-
тээх киһи, оччотооҕуга партия об-
комун хаһыатыгар “Кыымҥа” үлэ-
лии олорон эдэр сааһыгар ыарахан
ыарыыттан олохтон барбыта.
Сэрии сылларыгар ханна да бу-
оларын курдук кыһалҕалаах олох са-
тыылаан, аһыыр-таҥнар кырыымчык буолан, Оллооноптор кыыстарын
Балбаараны эмиэ ситэ үөрэттэрбэтэхтэр. Онон Балбаара сэттэ кылаас үөрэ-
ҕинэн үөрэнэн бүтэн, нэһилиэк Сэбиэтигэр сэкирэтээринэн талыллан хас да
болдьоххо үлэлээбит. Биһиги Варвара Яковлевналыын 1953 с. Бэрт-Ууһун
нэһилиэгэр Сыырдаах бөһүөлэгэр үлэлии сылдьан холбоспуппут. Оччолорго
мин Уус-Алдан МТС-гар түөрт колхуоһу хабар учаастактааҕы агрономунан
үлэлиибин.
Ол курдук Бэрт-Ууһугар “Победа”, Өлтөх нэһилиэгэр Мичурин аатынан
уонна 1-кы, 2-с Курбуһахтарга Буденнай уонна Микоян ааттарынан колхуос-
тары хабан агрономнуурум. Оччолорго билиҥҥи курдук техника суох, наар
ат көлөнөн, эбэтэр сатыы сылдьаҕын. Колхуостарбын кэрийэ бардахпына
аччыгыйа нэдиэлэ, сороҕор уонча хонон баран дьиэбэр эргиллэрим. Кэргэ-
ним Варвара Яковлевна Бэрт-Ууһун сельпотугар суотчутунан, онтон маҕа-
һыыҥҥа атыылааччынан үлэлээбитэ. Итинник үлэлии сырыттахпытына 1955
с. МТС-тар сабылланнар, биһигини, сиргэ сыһыаннаах специалистары кол-
хуостарга үлэлэтэ ыыппыттара. Миигин Лөгөй нэһилиэгэр Лысенко аатынан
колхуоска анаабыттара. Инньэ гынан 1955 с., аҕыйах ыйдаах кыыс оҕолоох,
кэргэмминээн Варялыын Кэптэнигэ көһөн кэлбиппит. Биһиги түөрт оҕобут
төрдүөн, бу Лөгөй сириттэн кынат үүннэринэн, үөрэхтэнэн үлэһит, ыал-
күүс буолан бэйэлэрин суолларын булунан олох олороллор.
Ийэбит Кэптэнигэ кэлэн баран оҕо садынан, дьааһыланан уонна кэлин
почтаҕа үлэлээн пенсияҕа тахсыбыта. Оччолорго 60-с уонна 70-с сылларга
Кэптэнигэ оҕо олус элбэҕэ, ийэбит төһө да оҕо тэрилтэтигэр үлэлээтэр, би-
һиги оҕолорбутуттан биир да оҕо дьааһыла, оҕо-сада диэннэргэ сылдьыба-
тахтара. Ийэбит үлэлии сылдьан, быыс-арыт булан оҕолорун бэйэтэ оҕолоо-
бута. Ону таһынан нэһилиэк, бөһүөлэк уопсастыбаннай олоҕор актыыбы-
найдык кыттара. Кини өссө эдэр сылдьан комсомол үлэтигэр биир сүрүн
тэрийээччи, кыттааччы буоларын оччотооҕуга түспүт элбэх хаартыскалара
туоһулууллар.
Биһиги ийэбит айылҕаттан ыраас, чэнчис киһи этэ. Оҕолорбут кырала-
рыгар 1960 с. саҥа дьиэ туттан киирбиппит. Дьиэбит ис бараанын ийэбит
бэйэтэ сөбүлүүрүнэн оҥороро, онтуката барыта орун оннугар буолара. Маай,
Өктөөп, Саҥа дьыл бырааһынньыктарын иннинэ ийэбит хайаан да дьиэтин
истиэнэлэри, үрүттэри сууйара-соторо. Оттон муостаны күн аайы тобуктуу
сылдьан соторун этэ да барбаккын. Оҕолоро ийэлэрин батан бары чэнчис-
тэр, ыраастар. Ордук кыргыттар уонна кыыс сиэннэр ийэлэрин, эбэлэрин
курдук сууйа-сото сылдьаллар. Ийэбит дьоҥҥо-сэргэҕэ, ордук чугас ыалла-
95