Page 98 - Уйбаан Бахсылыырап. Сэрии кэмин оҕолоро - эйэлээх олох уустара

дьар, ол иһин тугу оҥорорун билбэт” диэн кэпсииллэрэ. Сүөдэри ол өтөххө,
бу алааска, ити тыаҕа көрбүггэр үһү диэн кэпсээн буолан, оҕо, дьахтар кут-
танан соҕотох сылдьыбат буолбуттара. Сүөдэр ыыппыт уота алааска куотан
киирэн колхуос кэбиһиилээх отун сиир куттала үөскээбитэ. Хата ол кэмҥэ
алааска кыргыггар от мунньа сылдьаллара. Улахан Нөнүөһэ, Аччыгый Нөнүөһэ
Кылаара, Маайа үлэлии сылдьан сис диэки баар өрт уота алааска киирэн
кэбиһиилээх окко чугаһаан барбытын көрбүттэр. Улахан Нөнүөһэ улаханна-
ра буолан дьаһайан, Кыра Нөнүөһэни нэһилиэк Сэбиэтигэр тыллата ыып-
пыт, бэйэлэрэ от мунньар үлэлэрин тохтотон, уоту умуллара сүүрбүттэр.
Хата күөл чугас буолан күөстэнэр солуурчахтарынан уу баһан, халтан сонно-
рун ууга быраҕан илитэн уоту ол соннорунан сабан умуллара сатаабыттар.
Атах сыгынньах сылдьар буолан атахтарын уокка сиэппиттэр, ырбаахыла-
рын сыыһын уокка салаппыттар. Ол да буоллар күөл уонна кэбиһиилээх
оттор икки ардыларыгар харса суох сүүрэкэлээн, уоту кытта эрдээхтик охсу-
һан кэбиһиилээх оттору уоттан быыһаабыттар. Бу Танда оскуолатын үөрэнэ-
эччилэрэ оҥорбут хорсун быһыыларын оройуон хаһыатыгар суруйбуттара.
Ол да иһин Улуу Кыайыыга анаммыт “День победы” диэн ырыаҕа: “Эту
победу мы приближали как могли”, — диэн тыллар олус бэркэ этиллибит-
тэр. Бу ырыа тыллара оччотооҕу киэҥ нэлэмэн Сэбиэскэй Сойуус араас но-
руоттарын кытта кый ыраах сытар Саха сирин оҕолоро эмиэ Кыайыыны
уһансыбыттарын, биһиги сэмэй кылааппытын туоһулуурга дылы.
Ити курдук сэрии сылларыгар “Кыһыл Танда” колхуос колхуостаахта-
рын оҕолорун үлэлэрэ умнуллубакка, өлбөөдүйбэккэ кэнчээри ыччакка үтүө
холобур буолуохтун. Төһө да ааспытын иннигэр икки атах тулуйуо суох ыар
кэмнэригэр, оччотооҕуга уоннарын эрэ саҥа ааспыт оҕолор бэйэни харыс-
таммат үлэлэрин билиҥҥи көлүөнэ дьон өйдүөхтээхтэр, сыаналыахтаахтар
уонна үөрэниэхтээхтэр диэн бигэ эрэлбин этэбин!

И.П.Колодезников, 1941-1945 сс. “Кыһыл Танда”
колхуоска от, бурдук үлэтигэр үлэлээбит сэрии кэмин оҕото,
тыыл-үлэ ветерана

ОЛОҔУМ ҮТҮӨ АРГЫҺА

Мин кэргэним Варвара Яковлевна төрөөбүт дьоно Борисовтар да, иитил-
либит дьоно Оллоновтар да, Өнөр нэһилиэгиттэн төрүттээхтэр эбит. Өнөр
эбэтиттэн чугас Баарда диэн алааска олорбуттар. Уоттаах сэрии иннинэ, Бал-
баарыс кыыс, бу Баарда алаас кэрэ айылҕатыгар бигэнэн туох да кыһалҕата
суох олорбуппут диэн кэпсиир буолара. Ол курдук бу Баарда алааска үс ини-
биилэр Дьаакып, Сүөдэр, Көстөкүүн Оллооноптор олус эйэлээхтик, ампаар-
дыы муннуктаах нуучча дьиэтэ туттан бииргэ суулаһан олорбуттар. Убайдара
Дьаакып эппит тыллара Сүөдэрдээх Көстөкүүҥҥэ сокуон буолара үһү, кини
тылыттан хаһан да тахсыбаттар эбит. Колхуостар саҥа тэриллиилэригэр ини-
биилэр тыаны солоон оҥоһуллар буолактарга бастыҥ сүгэлээх, баһымньы-
лаах үлэһит бэртэрэ этилэр диэн кырдьаҕастар кэпсиир буолаллара.
Варвара Яковлевна төрөппүт аҕата, Борисов Михаил Семенович. Сэрии
сылларыгар балыгы бултааһыҥҥа биир бастыҥ үлэлээх биригээдэ биригэдьии-
рэ эбит. Варвара бииргэ төрөөбүт эдьиийэ Борисова Матрена Михайловна 92
саастаах, сааһын тухары оскуолаҕа, оҕо тэрилтэтигэр ыччаты иитиигэ үлэлээ-
бит педагогическай үлэ ветерана. Билигин кыыһыгар Сторожева Антонина
Алексеевнаҕа этэҥҥэ олорор. Балтыларыттан биирдэстэрэ Оллонова Варвара

94