Page 115 - Уйбаан Бахсылыырап. Сэрии кэмин оҕолоро - эйэлээх олох уустара

быта да, итирбит киһи баарын
өйдөөбөппүн.
Эдьиийим Маайыс, күтүөтүм
Касьян түөрт оҕоломмуттара. Ма-
рия Николаевна ыар ыарыыттан
олохтон эрдэ барбыта. Түөрт кы-
ра оҕолоох огдообо хаалбыт кү-
түөтүм Касьян, ийэтин Өкүлүү-
нү, эдьиийин Даайыһы, Таанньа
эмээхсини уонна мин ийэбин
Өрүүнэни көмөлөһүннэрэн үксүн
бэйэтэ оҕолообута. Элбэх саҥа-
та-иҥэтэ суох күтүөт туохха ба-
рытыгар дьоҕурдаах, үлэни бүтэ-
рэ-оһоро сылдьар киһи этэ.
Билигин Зоята Өлөөн, Милата
Кэбээйи улуустарыгар олорол-
лор, бэйэлэрэ ийэ, эбэ дьоннор.
Таня төрөөбүт Хомустааҕар оҕо-садыгар үлэлиир, убайа Миша сопхуос саҕа-
на трактористыыра, билигин хаһаайыстыбатын көрөр-истэр.
Колхуостар бөдөҥсүйбүттэрин уонна сопхуостар күннээн үлэлииллэрин
саҕана Касьян Михайлович өр сылларга тракториһынан үлэлээбитэ. Совхуос
саҕана Хомустаах отделениетын 700-н тахса сүөһүтэ хас да хотонунан туран
таһырдьа тахсыбакка иһирдьэ уулууллара. Аны сүөһү уулуурун таһынан хас
хотон ахсын көөнньөрбө оҥоһуутугар хас эмэ тонна уу туттуллара. Дьэ, көрдөххө
уу баһыытын курдук боростуой эрээри бу эппиэттээх үлэҕэ Касьян Михай-
лович Борисов хас да кыһын биир күн өрөөбөккө үтүө суобастаахтык үлэлээ-
битэ. Аны уу баһыыта бүттэ да, бааһынаҕа бурдук ыһыыта саҕаланара, ол
кэнниттэн тута окко киириигэ бэлэм. Касьян үгэс курдук сайын ахсын от
оҕустарыытыгар барара.
Мин биригээдэҕэ 17 сыл (сайын) от үлэтигэр звеноводунан сылдьыбы-
тым. Касьян Михайлович мин звенобар киирэн элбэх сыл от оҕустарбыта.
Оччолорго Хомустаах биригээдэтигэр икки механизированнай аҥаардаах уонна
кырдьаҕастар оҕолору илдьэ сылдьан үлэлэтэр көлө-илии звенолара бааллара.
Биригээдэҕэ икки тыһыынча тоннаҕа тиийэ сыһар от оттоноро. Дойду сирэ
курааннаан от үүммэтэҕинэ Намынан, Кэбээйинэн, Байаҕантайынан, Бээри-
йэнэн, Тиит-Арыынан көһөн оттуур этибит. Онно Касьян Михайлович үксүгэр
от оҕустарааччынан барсан үлэлиирэ. Ыраах оттуу барбыт звенолар үксүгэр
былааннарын аһара толорон кэлэллэрэ. Касьян Михайлович хас да пятилет-
каҕа “Коммунистическай үлэ ударнига”, биир кэмҥэ оройуоҥҥа “Чемпион
тракторист” аатын ыла сылдьыбыта. Ити ааттар кэтэхтэригэр техниканы
көрүнэ-истэ, саахала суох илдьэ сылдьан элбэх үлэ үлэлэннэҕэ. Ону билигин
остуолга ууран биэрэр сыыппараны булар да уустук буоллаҕа буолуо. Биири
этиэхпин сөп: Касьян Михайлович ыһыллыыны-тоҕуллууну, биирдиилээн
хаһаайыстыбанан баран үлэлээһини адьас сөбүлээбэтэҕэ. Сааһын тухары уоп-
сай үлэҕэ эриллэн онно үлэлээн-хамсаан сүөһүлэммит-астаммыт киһи кол-
хуоһун, сопхуоһун үлэтин ордорор этэ.
Мин ыал буолбут бастакы сылларбар билбэтим-көрбөтүм, сатаабатым
элбэх буолара. Ол аайы сүбэлэтэ, көмөлөһүннэрэ күтүөппэр Касьяҥҥа сүүрэн
тахсабын. Онон күтүөтүм сүбэтэ-амата, көмөтө тугунан да кэмнэммэт элбэх
этэ буоллаҕа. Кийиитэ Фаина Ивановна таҥас сууйар массыыната моһуоҕур-
даҕына, үүт астыыр сэппэрээтэрэ алдьаннаҕына наар Касьяҥҥа оҥортороро.

111