Page 116 - Уйбаан Бахсылыырап. Сэрии кэмин оҕолоро - эйэлээх олох уустара

Кини илиитигэр дьоҕурдаах буолан, ол курдук барыны бары сатыыра. Биһиги
ыаллар ити курдук ылсан-бэрсэн, бэйэ-бэйэҕэ көмөлөсүһэн эйэ дэмнээхтик
олорбуппут.
Касьян Михайлович хаһаайыстыбатыгар саҥа хотоннонуон уонна сыл-
гыланыан баҕарара. Ол санаатын толорбокко ыар ыарыыттан олохтон арыый
эрдэ барбыта. Саҥа хотонун оҕолоро, аймахтара олоххо киллэрбиттэрэ.
Бу кылгас ахтыыбар тугу өйдүүрбүнэн, билэрбинэн суруйдум. Эдьиийим
Мария Николаевна, күтүөтүм Касьян Михайлович сэрии, аас-туор олох тэ-
биитэ таайан кылгас үйэлэннилэр дии саныыбын. Биһиги оҕолорбут, сиэн-
нэрбит сэрии, аччыктааһын, хоргуйуу диэн тугун хаһан да билбэтиннэр!
Сэрии кэмин оҕото Касьян Михайлович ыал амарах аҕатын, биригээдэ
бастыҥ механизаторын быһыытынан аата өрүү ааттана туруо диэн эрэнэбин!

Гоголев Петр Николаевич,
Хомустаах, 2012 с.

СЭРИИ СОДУЛУТТАН ҮӨРЭММЭТЭҔИМ

К.М.Борисов бииргэ төрөөбут балта, эмиэ сэрии кэмин оҕото, Аргунова
Варвара Михайловна Нам улууһугар Партизан бөһуөлэгэр олорор. Кини
бэйэтин ахтыытын уонна кини туһунан суруйбуттарын билсиэҕин.

Мин уоттаах сэрии бара турар кэмигэр, олох сал-
ҕанар айылгытынан, Мэхээлэ уонна Өкүлүүн Бэрии-
һэптэр дьиэ кэргэннэригэр 1943 с. тохсунньу 10 күнүгэр
күн сирин көрбүппүн. Убайым Касьян бэһис кыла-
аска үөрэнэ сырыттаҕына аҕабыт Михаил Лазаревич
ыарахан ыарыыттан өлөн аҕыс оҕо соҕотох ийэҕэ ха-
албыппыт. Аас-туор олох содулугар, мин оскуола ди-
эни билбэтэҕим. Бу барыта сэрии тэбиитэ, кини ох-
суута дии саныыбын, өссө аҕыс оҕоттон төрдүө эрэ
хаалбыппыт. Убайым Касьян сэттэ кылааһы бүтэрэ-
эт колхуостаах оҕото колхуостаах буолбута. Мин үөрэм-
мэтэх “буруйбар” 12 сааспыттан эмиэ колхуоска үлэ-
лээбитинэн барбытым. Сайын от үлэтэ, күһүн, саас
бааһынаҕа сир тиэриитигэр оҕус сиэтиитэ, кыһынын
хотоҥҥо сүөһү көрүүтэ улахан киһилии барыны бары үлэлиирим. Ийэбит
Акулина Егоровна уонна эдьиийим Дария ыанньыксыттыыллара, ол быы-
һыгар ийэбит бостууктуура, үксүгэр ынах хомуйуута биһиги оҕолор үлэбит
буолара. Мин сир тиэриитигэр Сысолятин Арамааҥҥа-Ылааппык Арамааҥҥа
оҕус сиэтэрим. “Үчүгэйдик үлэлээтигит”, — диэн бириэмийэ эт биэрэллэрэ.
Сир тиэриитин кэнниттэн үргүлдьү от үлэтигэр барарбыт. Күһүн бурдук
хомуурун саҕана оҕолор оскуолаҕа үөрэнэ бараллара, мин сайыһа хаалаахты-
ырым. Кыстыкка киирдэххэ борооску көрөрүм.
Үҥкүр өтөҕүн сэрии кэминээҕи оҕолоро: Бурнашева Ааныс, Уля, Ааныс
Бушуевалар, Еля, Мария Павловалар уонна мин бары да үлэттэн туора тур-
батахпыт. Үҥкүргэ мин субай сүөһү көрөрүм уонна үүт сүүрдэрим. Ити кур-
дук 16 сааспыттан аны бирикээстээх (үлэ киниискэлээх) колхуостаах буолбу-
тум. Ол иннинээҕи сылларым үлэ ыстааһыгар төрүт да ааҕыллыбатахтара,
бука, сэрэйдэххэ, сокуоҥҥа оҕону үлэлэтии диэн бирикээһинэн суох буол-
112