Page 117 - Уйбаан Бахсылыырап. Сэрии кэмин оҕолоро - эйэлээх олох уустара

лаҕа буолуо. Үҥкүр ҥтөҕөр олорон Мигалкина Ульяна Иосифовналыын-Ыл-
дьааскы эмээхсининиин уокка оттор маспытын бэйэбит мастаан, иһэр уубут
мууһун тиэнэн киирэр этибит, Ылдьааскы ол саҕана почта таһара, онон
көлүнэр аттаах этэ.
Мин 1963 с. диэри субай сүөһү көрө сылдьан, эргэ тахсан ыал буоларга
быһаарыммытым. Кэргэним Нам оройуонун киһитэ этэ. Биригэдьиирим Бу-
рунаһыап Уйбаан Сэмэнэбис, киниэхэ тиийэн этэбин: “Кэргэн тахсан барар
буоллум, сүөһүлэргитин тутуҥ”, — диэн. Биригэдьиирим: “Солбудаһыҥҥын
бэйэҥ булан баран бар”, — диир. Дьэ, колхуостаах дьоҥҥо оннук кытаанах
кэмнэр этилэр. Эдьиийим Даайыс барахсан төһө да ыарытыган буоллар, мин
көрбүт сүөһүлэрбин ылан хаалбыта. Онон Намҥа тиийэн ыал буолбутум.
Аргунова Варвара Михайловна,
сэрии кэмин оҕото
САХА ДАЛБАР ХОТУНА

Борисова-Аргунова Варвара Михайловна Нам сиригэр Партизан бөһүөлэ-
гэр Аргуновтар диэн ыалга кийиит буолан 1963 с. кэлбитэ. Мин кинини
сүрдээх күлбүт-үөрбүт, кэпсээбит-ипсээбит кыыс-дьахтарынан өйдүүбүн. Ол
саҕанааҕы сиэринэн колхуос биригэдьиирэ Яковлев Василий Андреевич үлэ-
һит кыыһы үөрэ-көтө ыанньыксытынан үлэҕэ ылбыта. Ол кэмтэн ыла Вар-
вара Михайловна колхуоска, кэлин “Нам” сопхуоска пенсияҕа тахсыар диэри
илиитин араарбакка үлэлээбитэ. “Нам” сопхуос “Партизаннааҕы” биригээ-
дэтэ биир бастыҥ үлэлээх, үрдүк көрдөрүүлэрдээх этэ. Бу биригээдэттэн
элбэх орденнаах үлэһиттэр тахсыбыттара.
Варвара Михайловна кэргэнинээн Кирилл Дмитриевичтыын ыччат сүөһүнү
анаан төлөһүтэн иитиигэ 1970-1980 сс. таһаарыылаахтык үлэлээбиттэрэ. Ол
курдук кинилэр биир борооску сууккаҕа эбиллиитин 800-900 граммҥа тиэр-
дэллэрэ. Саас борооскуларын бостуукка туттаралларыгар биир борооску ор-
тотунан 250 киилэни үктүүрэ. Кэргэнниилэр итинник үлэлээннэр сопхуоска
да, оройуоҥҥа да үрдүк көрдөрүүлэри ситиһэллэрэ, “Чемпион үлэһит” үрдүк
аатын ылаллара. Ол саҕана сииктээх, инчэҕэй тымныы хотоннор кинилэр
элбэх сыраларын ылбыттара, сүрдээх ыарахан үлэни үлэлээннэр бастыҥнар
кэккэлэригэр сылдьаллара.
Аны санаатахха, Варвара Михайловна дьиҥ-чахчы саха Далбар хотуна
эбит. Итинник үлэлии сылдьан алта оҕоҕо күн сирин көрдөрөн, барыларын
атахтарыгар туруортаан, билигин ыал оҥортоото. Варвара Михайловна сатаа-
бата диэн суох. Эдэр эрдэҕиттэн сценаттан түспэт ырыаһыт. Кэнники пен-
сияҕа тахсан баран аны атын талаана арыллан дьонун сөхтөрдө. Ол курдук
быысапкалыыр, иистэнэр, уһанар, туойунан араас оҥоһуктары оҥорор. Кини
оҥоһуктара улуус, республика быыстапкаларыгар тиийэ туран дьон биһирэ-
билин ылыан ылла.
Варвара Михайловна дьиэтин иһигэр-таһыгар олордор үгүс ахсааннаах
сиэдэрэй сибэккилэрин кэриэтэ кэрэчээн сиэннэрэ бытыгыраһан иһэллэр,
тэлгэһэ оҕо-уруу саҥатынан толору буолар. Варвара Михайловна билигин да
илиитин үлэттэн араарбат, сүөһүтэ-аһа мааны.
Күндү дьүөгэбит Варвара Михайловна, олох үөрүүтэ-көтүүтэ өссө да уһун
кэмнэргэ арыаллаатын, олох охсуутугар бэриммэккэ өссө да уһуннук олор!..

Любовь Даниловна Муксунова,
1970-1980 сс. совхоз зоотехнига
8 Заказ № 52
113