Page 123 - Уйбаан Бахсылыырап. Сэрии кэмин оҕолоро - эйэлээх олох уустара

тым тухары “дойка” диэн ынах ыыр аппараакка үлэлээбэккэ уурайбытым.
Мин бүгүн бииргэ үлэлээбит дьүөгэлэрбин Агафья Бурнашеваны, Татьяна
Дьяконованы, Мотрена Аммосованы, Александра Шелковникованы, Решет-
никова уонна Ермолаева Еленалары ахтыбат буолуохпун табыллыбат. Кини-
лэри сэргэ оскуоланы саҥа бүтэрбит кыргыттар икки-үс сыл үтүө суобаста-
ахтык үлэлээбиттэрэ. Биһиги үлэбитигэр колхуос саҕана ветеринарынан үлэ-
лээбит Лаврентий Васильевич Местников, кэлин хойукка диэри ветеринар-
даабыт кэргэннии Ефросинья Афанасьевна Сухонина, Иван Николаевич Ко-
пырин уонна Прасковья Тимофеевна Аммосова үтүөлэрэ-өҥөлөрө элбэх. Ынах
төрөөрү гыннаҕына биһиги кинилэри кытта элбэхтэ хотоҥҥо хонорбут. Уор-
дьаннаах ыанньыксыт М.И.Бурнашева 1981 с. төһө да пенсияҕа таҕыстар “Ком-
сомол XVII съеһэ» ыччат-комсомольскай ферматыгар үс сыл устата нас-
тавнигынан үлэлээбитэ.
Үлэни өрө туппут, харыларын күүһүнэн чиэскэ-бочуокка тиксибит нэ-
һилиэк, оройуон сайдыытыгар бэйэлэрин кырата суох кылааттарын киллэр-
бит Гаврил Гаврильевич уонна Мария Ивановна эдэр көлүөнэҕэ анаан этэр
тылларын истиэҕиҥ:
— Ынах сүөһүнү, сылгыны ииттии саха омук төрүт дьарыга. Билиҥҥи
ыччаттар ону өйдөөн, сүөһү үлэтиттэн олох тэйэн хаалыа суоҕа этилэр. Тыа
сиригэр үлэ суох буолбатах. Үлэтэ суох, үлэлии сатаабат киһи эрэ ускул-
тэскил сылдьар. Ол үчүгэйи аҕалбат. Үлэ киһиэхэ туох да куһаҕаны оҥор-
бот, үлэлиир эрэ киһи дьон тэҥинэн олорор. Ыччат ону өйдүөн наада!
Ааспыт үйэ икки чулуу үлэһитэ, уордьаннаах дьиэ кэргэн сылын ахсын
сайын Балаҕаннаахтарыгар көһөн тиийэн сайылыыллар. Кинилэр 2003 с. 5
ынаҕы ыаннар, бэйэлэрин уонна сиэннэрин аһыылларын таһынан 4 тоннаны
эрэ кыайбат үүтү туттарбыттара, кыра да буоллар дохуоттаммыттара. Хабы-
рыыстаах Маайа билигин даҕаны хотонноругар, дьиэлэригэр тэҥҥэ биир
өйүнэн-санаанан сылдьан күүстэрэ кыайарынан үлэлии-хамсыы сылдьаллар.
Чиэскэ-бочуокка тиэрдибит, үйэҕитин уһаппыт үҥэр таҥараҕыт үлэҕит
сиэннэргитигэр, хос сиэннэргитигэр бэриллэн, кинилэр эһиги ааккытын аат-
татар үтүө үлэһит дьон буоллунар диэн алгыс тылларынан, эһиэхэ уһун олоҕу
баҕаран суруйуубун түмүктүүбүн.
Уйбаан Бахсылыырап, 2004 с.

Бу “Уордьаннаахтар” ахтыы-уочарка Улуу Кыайыы 60, Уус-Алдан улууһа
тэриллибитэ 75, “Муру саһарҕата ” хаһыат 70 сылларын көрсө биллэриллибит
куонкуруска бастаан, I степеннээх дипломунан бэлиэтэммитэ.
Маны кинигэҕэ киллэрээри Баһылаайаптар уолларын Найахыга олорор Гри-
горий Гаврильевиһы көрсүбутум, төрөппуттэрин туһунан өссө ахтыы оҥорон
кинигэҕэ киллэрэллэригэр көрдөспутум. Онуоха Григорий кэргэнэ Валерия Пет-
ровна, Гаврил Гаврильевич 80 сааһын көрсө таһаартарбыт буклеттарын ма-
тырыйаалларын биэрбитэ. Кинигэбэр ол суруктары көннөрөн, нарылаан, сорох-
торун кылгатан, суруллубатах өттүлэрин талан киллэрдим. Бастакынан Гав-
риил Гаврилъевич Васильев бэйэтин ахтыытын билсиҥ.

АҔАМ ҮЛЭНЭН ИИППИТЭ

“Киһи олоҕо түннүгүнэн чыычаах элэс гынарын кэриэтэ”, - диэн өбүгэ-
лэрбит сөпкө да этээхтээбиттэр эбит. Орто дойдуга төрөөн, киһи буолан үлэ-
лээн-хамнаан олох олорбутум хайыы-үйэ 80 сыл буола оҕуста. Дьиҥэ дьоллоох
киһи буоламмын бачча сааспар үктэннэҕим.

119