Page 126 - Уйбаан Бахсылыырап. Сэрии кэмин оҕолоро - эйэлээх олох уустара

тим. Уһук учаастак буолан, сүөһү да, хонуу да үлэтигэр олохтоох дьонтон
тарбахха баттанар үлэһиттээҕим. Үксэ интернат-оскуоланы үөрэнэн бүтэр-
бит, урукку өттүгэр сүөһү аттыгар да чугаһаан көрбөтөх оҕолор тахсан үлэлиил-
лэрэ. Биригээдэ уон ыанньыксытыттан сэттэтэ, субан сүөһүнү көрөр алта-
сэттэ киһиттэн түөрдэ хайаан да оскуоланы саҥа бүтэрбит оҕолор буолаллара.
Интернат-оскуолаҕа республика араас муннуктарыттан тулаайах, сорохторо
мөлтөх иитиилээх да оҕолор кэлэн үөрэнэллэрэ. Адьас мөлтөхтөрүн үөрэх
ортотуттан биһиги биригээдэбитигэр таһааран сүөһүгэ үлэлэтэр түбэлтэлэрэ
кытта баара. Кинилэр ыанньык ферматыгар өр ыанньыксыттаабыт, уопутта-
ах үлэһиттэр Бурнашева Мария Ивановна, Аммосова Мотрена Егоровна уон-
на Шелковникова Александра Михайловна сүбэлэринэн, үөрэтиилэринэн син
кыһаллан, олус бэркэ үлэлиир этилэр.
Оскуола кэнниттэн тута производствоҕа хаалан үлэлээбит оҕолортон
Мария, Люба Тролуковалар, Мотя, Мария Местниковалар, Лиза, Роза Лаза-
ревалар, Катя, Ира Аммосовалар, Мотя Стручкова, Еля, Нина Винокурова-
лар, Ахаша, Рая Васильевалар, о.д.а. олус кыһаллан, үүтү ыаһыҥҥа үрдүк
кирбиилэри ситиспиттэрэ. Балаҕаннаах биригээдэтэ үүтү ыаһыҥҥа сопхуос-
ка, оройуоҥҥа ыҥырыы таһааран, ону чиэстээхтик толорон кэккэ ситиһии-
лэрдэммитэ.
Ол курдук, Балаҕаннаах биригээдэтин фермата, комсомол 17 съеһин аатын
ылбыта түбэспиччэ буолбатах. Ферма үрдүнэн биир ынахтан 2000-тан тахса
литр үүтү ыыры ситиспиттэрэ. Ити сылларга көрдөрүү өссө үчүгэй буолуо-
ҕун, саамай үүттээх ынахтарбытын племенной фермаҕа талан ылбыттара. Ол
үрдүнэн бастыҥ ыанньыксыт М.И.Бурнашева 1974 с. 39490 киилэ үүтү ыан
үчүгэй көрдөрүүлэммитэ. Ити сыл кинини Саха АССР Верховнай Советыгар
депутатынан биир санаанан талбыттара. Мария Ивановна Бурнашева 1975 с.
үчүгэй үлэтин түмүгүнэн Үлэ Кыһыл Знамята орденынан наҕараадаламмы-
та.
Ыччат сүөһүнү төлөһөтүүгэ Үлэ Кыһыл Знамята орденнаах Анна Пет-
ровна Стручкова, Гуляев Василий Гаврильевич уонна Винокурова Варвара
Устиновна бэйэлэрин кыахтарын, саталларын биэрэн үлэлээбиттэрэ. Мин
Балаҕаннаахха биригэдьииринэн үлэлиир кэммэр трактористарынан Вино-
куров Николай Федорович, Бурнашев Николай Дмитриевич кыһынын от-
мас тиэйиитигэр, сайынын оттооһуҥҥа үтүө суобастаахтык үлэлээбиттэрэ.
Николай Дмитриевич салайар звенота бэлэмнээбит
Кэлин, кини, сүөһү аһылыгар күөх маассаны бэлэмнээһиҥҥэ республи-
каҕа үрдүк көрдөрүүнү ситиһэн, Үлэ Албан Аата орден толору кавалера буо-
лан, үлэ геройугар тэҥнэниллибитэ. Биригээдэҕэ дэгиттэр талааннаах, ти-
мир, мас ууһа Гуляев Михаил Константинович майгы-сигили да өттүнэн
дьон-сэргэ махталын ылан холобурга сылдьар үтүө үлэһит этэ. Кини сайын
аайы оҕолуун, улахан дьоннуун 11 киһилээх звенону салайан, арыт үчүгэй
үүнүүлээх сайын 740 тонна оту оттоон туттарара.
Билигин сааһыран олорон 18 сыл биригэдьииринэн үлэлээбит кэммин
санаатахпына, кырдьыга даҕаны Балаҕаннаахха үтүө, үлэһит дьон бааллара.
Балаҕаннаахтан элбэх эдэр ыччат үлэҕэ үөрэнэн олох киэҥ аартыгар үктэм-
миттэрэ. Кинилэр биһиги биригээдэбититтэн тирэх ылан, олохторун оҥку-
лун оҥостубуттарынан аҕалыы астына саныыбын. Уолаттартан Сакварс Лео-
нид, Винокуров Дима, Алексеев Валерий, Бурнашев Миша, Васильев Ваня
уо.д.а. ис сүрэхтэриттэн кыһаллан үлэлээн ааспыттара. Кинилэр бары, маҥ-
найгы үлэ оскуолатын барбыт сирдэрин олус үчүгэйдик, истиҥник саныыл-
лар.
Мантан кынат үүнэриммит оҕолор билигин республика араас муннукта-

122