Page 118 - Уйбаан Бахсылыырап. Сэрии кэмин оҕолоро - эйэлээх олох уустара

КЫҺАМНЬЫЛААХ ҮЛЭҺИТ
Мин “Партизан” биригээдэтигэр биригэдьииринэн үлэлиирим саҕана Ар-
гунова Варвара Михайловна биригээдэҕэ ньирэй көрөөччүнэн үлэлээбитэ. Үтүө
суобастаахтык, үлэтигэр олус кыһаллан үлэлиир киһини мин тута биһирээ-
битим, сөбүлээбитим. Биригээдэҕэ бары биир киһи курдук эйэлээхтик, та-
һаарыылаахтык үлэлиир буоланнар көрдөрүүлэрэ өрүү үчүгэй буолара. Түбүк-
тээх үлэлэрэ түмүктээх буолан, социалистическай куоталаһыы түмүгүнэн
өрүү бириистээх миэстэни ылаллара. Онно Варвара Михайловна бастыҥ ньи-
рэй көрөөччү, эмиэ социалистическай үлэ кыайыылааҕа буолан элбэх грамо-
таларынан, дипломнарынан наҕараадаламмыта, элбэх махталы ылбыта. Маны
тэҥэ Варвара Михайловна фермалар икки ардыларыгар, агитзоналар күрэх-
тэһиилэригэр актыыбынай кыттааччы, ырыаһыт киэнэ бастыҥа.
Варвара, Кирилл Аргуновтар элбэх оҕолоох, үгүс сиэннээх ыаллар. Оҕолоро
бары үлэһит буолан, дьиэ-уот, үлэ-хамнас үгэнигэр олороллор. Варвара Ми-
хайловна билигин төһө да пенсияҕа олордор, барыларыгар күүс-көмө, өйөбүл
буолар. Кини уран тарбаҕынан тикпит таҥаһа, нарын быысапкалара, ис ду-
уһаттан тахсар сахалыы орнаменнара, туой оҥоһуктара кэрэттэн кэрэ, дьик-
ти. Варвара Михайловна оҥоһуктарынан араас таһымнаах быыстапкаларга
кыттан элбэх биһирэбили ылыан ылла. Кини үлэтин оскуола үөрэнээч-
чилэригэр кэпсиир, үөрэтэр, уһуйар. Оҕолоро, сиэннэрэ бэйэтин курдук эмиэ
тарбахтарыгар талааннаахтар. Ол курдук уола Максим художник, кыыһа Аня
мультик геройдарын баайар, сиэнэ Ангелина кумааҕынан кырыйан арааһы
оҥорор дьикти дьарыктаах, сиэнэ Максимчик эмиэ уруһуйга үөрэнэр. Атын
да сиэннэрэ дьоҕурдаахтара биллэн иһэр.
Ити курдук Варвара Михайловна ситиһиилээх үлэнэн, оҕолорунан дьол-
лонон, олоххо актыыбынай көрүүтүнэн-истиититинэн бары дьоҥҥо холо-
бур буолан этэҥҥэ олорор.
Василий Васильевич Сыромятников,
Нам улууһун Ытык киһитэ, үлэ ветерана. 2012 с.

УОРДЬАННААХТАР

Мин бүгүн эһиэхэ Уус-Алдан оройуона тэриллибитэ 75 сылын көрсө, үлэ
бөҕөнү үлэлээн баран ааттара-суоллара кэликки кэмкэ ыччат дьокко иһилли-
бэккэ, биллибэккэ умнулла быһыытыйан эрэр дьиэ кэргэн, чуолаан иккиэн уордь-
анынан наҕараадаламмыт үлэһит үтүөтэ дъон туһунан кэпсиэм.
Сэбиэт былааһын саҕана социализмы тутуу күүрээннээх үлэтигэр уонна
Аҕа дойдуну көмүскүүр Улуу сэриигэ Курбуһах нэһилиэгиттэн 19 киһи
ССРС орденынан наҕараадаламмыт эбит буоллаҕына, эйэлээх олоҕу ту-
тууга кэргэнниилэр иккиэн Үлэ Кыһыл Знамята орденынан наҕараадалам-
мыттара, бука Саха сирин ааһан Союзка да ахсааннаах эбитэ буолуо. Ол
курдук Курбуһах нэһилиэгиттэн төрүттээх, сэрии сылларын оҕолоро Г.Г.Ва-
сильев I уонна М.И.Бурнашева чахчыта да харыларын күүһүнэн, үлэҕэ
үчүгэй сыһыаннарынан чиэскэ-бочуокка тиксибит дьон.

Аҕа — холобур буолар киһи
Иккис Курбуһах нэһилиэгин киһитэ Гаврил Николаевич Васильев 17 саас-
тааҕар Боотурускай Сылаҥыттан Никитина Авдотья Ивановна диэн кыыһы
114