Page 121 - Уйбаан Бахсылыырап. Сэрии кэмин оҕолоро - эйэлээх олох уустара
P. 121
Г.Н.Васильев, М.И.Бурнашева аймахтарын ортолоругар. 2005 с.
эмиэ көһөрөн аҕалан оҕолорун кинилэргэ көрдөрөн, үлэттэн илиитин төрүт
араарбатаҕа.
— Оҕолонон тахсан баран 20 хонукка, уһаатаҕына ый олорорум. Ийэлээх
аҕам баар буоланнар оҕолорбун кинилэргэ хааллара-хааллара хотоммор бара
турарым, — диэн ахтар Мария Ивановна.
— Үлэбэр тугу ситиспитим кинилэр көмөлөрө суох оҥоһуллубатаҕа диэн,
билигин төрөппүттэрим төһө да суохтарын иһин махтана саныыбын, — эл-
бэх оҕолонон Ийэ Албан аата 1-П степеннээх орденнарынан наҕараадалам-
мыт, үлэни өрө туппут Мария Ивановна этиитэ кырдьыга да, сиэрдээх.
Саха АССР Верховнай Сэбиэтин Президиумун ыйааҕынан 1956 с. икки
Курбуһах нэһилиэгэ холбоһоннор биир нэһилиэк буолбуттара. Нэһилиэк
киининэн Уус-Күөлэ бөһүөлэк буолан элбэх тутуу үлэтэ саҕаламмыта.
Оройуоннары уонна колхозтары бөдөҥсүтүү уххана саҕаланан Уус-Алдан
Нам оройуонун кытта холбоһон Орто-Ленскэй аатырбыта. Аны колхуостаах-
тар бэйэлэрэ баҕарбаттарын үрдүнэн, “үөһэттэн” дьаһайаннар 1958 с. бэс
ыйыгар Курбуһах, ҥлтөх, Бэрт-Ууһун нэһилиэктэрин колхозтара холбоһон
биир “Победа” колхоз буолбуттара. Онтон 1961 с. “Лена” колхоз тэриллэн,
Курбуһах нэһилиэгэ колхоз 5 №-дээх учаастага буолбута.
Олус бөдөҥөтүү сөбө суоҕа көстүбүтэ, 1965 с. Нам уонна Уус-Алдан орой-
уоннара арахсаннар бэйэлэрэ уруккуларын курдук тус-туһунан оройуоннар
буолбуттара. Ону кытта тэҥҥэ бөдөн колхуостары бытарытыы саҕаламмыта.
Ол курдук курбуһахтар “Ленаттан” арахсаннар бэйэлэрэ Ленин аатынан колхоз
буолбуттара. Колхоз бырабылыанньатын председателинэн Аммосов Петр
Николаевич талыллыбыта. Эмиэ партия ыйыытынан уонна комсомол көҕүлээ-
һининэн 1966 с. XI кылааһы бүтэрбит оҕолор аан бастаан колхуос учаастак-
тарыгар үлэлии тахсыбыттара. Аны 1967 с. кулун тутар 1 күнүттэн Суотту,
Бороҕон, Өлтөх, Бэрт-Ууһа уонна Курбуһах нэһилиэктэрин холбоон оройуоҥ-
ҥа аан бастакы “Лена” сопхуоһу тэрийбиттэрэ.
Курбуһахха отделение управляюгцайынан П.Н.Аммосов анаммыта. Бала-
ҕаннаах биригээдэтигэр үлэлии олорор кырдьаҕас биригэдьиир Аммосов Алек-
117
