Page 131 - Уйбаан Бахсылыырап. Сэрии кэмин оҕолоро - эйэлээх олох уустара

көрдөрүүнү 1973 с. ыабыта. Биригээдэ биир ынахтан 2160, мин тус бэйэм
3035 литрэ үүтү ыабытым.
Уһун сылларга сыралаах үлэбин сыаналааннар 1975 с. Үлэ Кыһыл Зна-
мята орденынан наҕараадалаабыттара, миэхэ бу тугунан да кэмнэммэт үрдүк
чиэс этэ. Оччотооҕу ирдэбилинэн, үчүгэй көрдөрүүлээх үлэһиттэр уопсасты-
баннай үлэттэн туора турарбыт сатаммат этэ. Ол да иһин миигин 1977 с. 135
№-дээх быыбардыыр уокурукка Саха АССР Верховнай Советыгар депутаты-
нан талбыттара. Оттон оройуон Сэбиэтигэр биир, нэһилиэк Сэбиэтигэр икки
төгүл талылла сылдьыбытым. Депутат буоллуҥ да олох үөһүгэр сылдьаҕын,
араас мунньахтарга, сессияларга сылдьаҕын, дьону үлэҕэ көҕүлүүр бэсиэдэ-
лэри ыытаҕын, уопсастыбаннай үлэҕинэн депутатскай отчуоттары оҥоро-
ҕун. Дьэ, ити барыта тустаах үлэҥ таһынан ноҕурууска буолара.
Хабырыыспынаан алта оҕону улаатыннаран дьон оҥортоотубут, бары
ыал буолан этэҥҥэ олороллор. Олохпутун салгыыр сиэннэр, хос сиэннэр
элбээн иһэллэриттэн саха дьонун сиэринэн сэмэйдик үөрсэбит эрэ. Онон
киһи буолан, олох олорон, үлэлээн-хамсаан, бу орто дойдуга кэлбит иэспин
толордум дии саныыбын.
Биһиги, кырдьаҕастар, баҕа санаабыт сэрии эрэ буолбатын! Атынын,
ыччаттарбыт, олоххо суолу солонон, үөрэхтэнэн, үлэһит буолан этэҥҥэ
олоруохтара!
Мария Ивановна Бурнашева,
сэрии кэмин оҕото, үлэ-тыыл ветерана.
2005 с. муус устар

ҮТҮӨЛЭЭХ ААТЫ ҮЛЭЛЭЭН ЫЛАЛЛАР

Очерк

Оонньооботох оҕо саас

Сэрии буолуон уонтан тахса сыл иннинэ төрөөбүт оҕолор үксүлэрэ даҕа-
ны оонньооботох оҕо саастаах дьон, билигин 70 саастарын лаппа ааһан олор-
дохторо. Ньурба улууһун түгэҕэр баар Иккис Дьаархан нэһилиэгэр атырдьах
ыйын саҥатыгар Уоһукаптар диэн дьадаҥы ыалга бастакы оҕолоро уол күн
сирин көрбүтэ. Үс ыйын туолуутугар биһиккэ сытар оҕону, балаҕан иһигэр
харах симсэ оонньуу сылдьар кыргыттар түҥнэри көтөннөр, уол биһиктэн
эһиллэн, көмүлүөк оһох холумтанын муннугар сиһинэн түһэн, онно сиһэ
бүлгүрүйэн, оччотооҕу эмп-томп суох кэмигэр кыайан эмтээбэккэлэр
Көстөкүүн үс сааһыгар диэри кыайан олорбокко да, хаампакка да сыппыта.
Ити курдук уол үһүн лаппа ааһан эрэ баран үнэр, онтон сыыйа хаамар буо-
лан барбыта. Аны алта сааһын саҥа туолбутун кэннэ ийэтэ 1934 с. эмискэ
ыалдьан орто дойду олоҕуттан арахсаахтаабыта. Онон Көстөкүүн уол ийэ
таптала диэн истиҥ сыһыаны ситэ билбэккэ хаалбыта.
Аҕата Бүөтүр тастыҥ убайынаан сүүрбэччэлээх Макаардыын сарсыарда
эрдэттэн киэһэ хойукка диэри холкуос үлэтигэр мөхсөллөрө. Көстөкүүн дьиэҕэ
икки хараҕынан көрбөт, аҕыс уон сааһын ааспыт Тууйака эмээхсинниин хаа-
лара. Кини бу эмээхсиҥҥэ илии-атах буолан икки ынах ыаһыныгар, бурдук
хатарыытыгар, тардыытыгар онтон да атын дьиэ бүппэт түбүктээх үлэтигэр
үлэлэһэрэ. Биирдэрэ көрбөт, атына кыайбат акы-буку дьон ити үлэлэргэ
күннүктээн түбүгүрэллэрэ. Чахчы оонньооботох оҕо саас диэни Көстөкүүн

127