Page 129 - Уйбаан Бахсылыырап. Сэрии кэмин оҕолоро - эйэлээх олох уустара

ЫЧЧАТ ТАПТЫЫР СИРЭ

Балаҕаннаах — ыччаттар олорор-үлэлиир биригээдэлэрэ. Бу олус кэрэ
айылҕалаах, киһини ыҥыра-угуйа турар миэстэ. Дьэ ол да иһин биригээдэҕэ
сыллата ахсын Курбуһах интернат-оскуолатын бүтэрбит оҕолор бэйэлэрин
баҕа өттүлэринэн үлэлии тахсаллар.
Хас эмэ сыллар тухары биригэдьииринэн үлэлээбит Г.Г.Васильевы уонна
кини кэргэнин М.И.Бурнашеваны манна дьон бары убаастыыр. Буолумуна
даҕаны, кинилэр иккиэн Үлэ Кыһыл Знамята орден кавалердара, олохтоох
Совет депутаттара, биригээдэ ыччаттарын наставниктара.
Мария Ивановна отучча сыл устата илиитин араарбакка ыанньыксыты-
нан үлэлээтэ. Билигин даҕаны таптыыр үлэтиттэн арахсыан баҕарбат. Кини
1975 с. Саха АССР Верховнай Советыгар депутатынан быыбарданар чиэскэ
тиксибитэ. Мария Ивановна 1975-1976 сс. “Социалистическай куоталаһыы
кыайыылааҕа” знактарынан наҕараадаламмыта.
Мария Ивановна уонна Гаврил Гаврильевич төрөппүт сэттэ оҕолоруттан
алтата оскуоланы бүтэрэн, олох киэҥ аартыгар үктэннилэр. Маайалаах Ха-
бырыыс бэйэлэрин оҕолорун ииппиттэрин таһынан төһөлөөх ыччаты үлэни
таптыырга ииппиттэрэ буолуой? Кинилэр үлэҕэ угуйбут оҕолоро билигин
дойду араас муннуктарыгар үөрэнэ-үлэлии сылдьаллар. Ити оҕолор төһө да
ыраах сырытталлар, олох бастакы оскуолатын барбыт кырачаан үрэх баһын
төрдүгэр сытар Балаҕаннаахтарын, үтүө сүрэхтээх наставниктарын Мария
Ивановнаны уонна Гаврил Гаврильевиһы хаһан да умнубаттар. Дьэ, ол да
иһин дьоллоох кэргэнниилэр күннэтэ кэриэтэ ыраах да, чугас да куораттар-
тан, бөһүөлэктэртэн истиҥ-амарах тыллаах эҕэрдэ открыткалары, суруктары
тутаннар сылайбыттара ааһар, сүргэлэрэ өссө көтөҕүллэр.

П.Колодезникова, совхоз комскомун секретара

ОҔОЛОРБУТ — БИҺИГИ ДЬОЛБУТ

Мин төрүт өбүгэлэрим Чурапчы Бахсытын уонна Курбуһах нэһилиэгин
быысаһар быыстарыгар, Алаас Биллэни уонна Даалыгы диэн сирдэр күөллэ-
ригэр балыктаан, тыатыгар бултаан айахтарын ииттэн олорбуттар эбит. Хос
эһэм Чоҕун Ыстапаан, киниттэн эһэм Чохойоот Ньукулай төрүүр. Кини бэрт
элбэх оҕотуттан кэлин икки уолу кытта биир кыыс ордон, оҕо-уруу төрөтөн
киһи-хара буолбуттар. Бу оҕолортон мин аҕам Гавриил Николаевич улахан-
нара. Киниттэн билигин миигин кытта балтым 12 оҕолоох Гуляева Мария
Гаврильевна баарбыт.
Оҕо эрдэхпинэ кырдьаҕастар кэпсииллэринэн, биһиги төрүттэрбит саа-
һыран, саастарын моҥоон, бу орто дойдуттан барбыттар. Онон эһиги да
сааһырыаххыт дииллэрэ.
Кэргэним Мария Ивановна ийэлээх аҕата тоҕус уончаларыгар чугаһаан
баран, бу орто дойдуттан барбыттара. Мария Ивановна бииргэ төрөөбүт ик-
киэлэр. Сурдьа Григорий Иванович Томпоттон төрүттээх Ирина Игнатьевна
диэн фельдшер кыыһы кэргэн ылан, онно олохсуйбута. Иккиэн эдэр сааста-
рыгар олохтон бараахтаабыттара. Кинилэр ааттарын аагтатар үс кыыс баар.
Икки кыыс ыал буолан, иккилии оҕолонон Дьокуускайга олороллор.
Мин кэргэмминээн Мариялыын 1951 с. ахсынньытыгар дьолбутун холбоон,
аал уоту оттон буруо таһаарбыппыт 57 сыл буолла. Биһиги сэттэтэ оҕолом-
муппут, биир уолбут эрдэ өлөөхтөөбүтэ. Билигин алта оҕобут бары ыал буолан

125