Page 133 - Уйбаан Бахсылыырап. Сэрии кэмин оҕолоро - эйэлээх олох уустара

ахтар. Кимниин да сүбэлэспэккэ, туох да өйүөтэ-тайаата суох сүүрбэ көстөөх
сиргэ айаннааһын ылбычча киһи санаммат суола эбитэ буолуо. Оччотооҕу
саха ыаллара бары да үтүө санаалаах, ыалдьытымсах дьон этилэр. Өссө Элгээ-
йигэ Николаевтар диэн ыалга хоммуппар, дьиэлээх эмээхсин аһынан, биир
күн өрөтөн ыстааным тобуга алдьаммытын уонна этэрбэспин абырахтаан
биэрбитэ. Дьиэттэн тахсарбар лэппиэскэ чиэппэрин чараас гына арыылаан,
бүк тутан сиэппэр укпута:
— Сунтаар мантан алта көс сир, аара ыал суох. Сунтаарга кими да билбэт
эбиккин, онон тиийээт артыал директорын ыйдараҥҥын бэйэтигэр тиий.
Чэ, үчүгэйдик сырыт, киһи-хара буол, — диэн алҕаан атаарбыта.
К.П.Осипов Сунтаарга тиийэн инбэлииттэр артыалларыгар хайдах кии-
рэн үлэһит буолбута, атах таҥаһын оҥорорго үөрэммитэ бэйэтэ туспа уһун
кэпсээн. Итинник үлэлии сырыттаҕына, били 1943 с. барбыт убайа Макаар
кинини ирдээн кэлэ сылдьыбыт. Макаар көмүстээх Бодойбоҕо тиийэн рабо-
чайынан үлэлээн, бэркэ көнөн кэлбит. Быраатын Көстөкүүнү илдьэ барар-
дыы кэлбитин уол буолумматах. Онон Макаар Бодойботугар төннөн, кэлин
нуучча дьахтарын ойох ылан биэс кыыс, биир уол оҕолонон үлэлээн-хамнаан
баран, пенсияҕа тахсан олорон, куртаҕынан ыалдьан Иркутскайга өлбүт уон-
на көмүс уҥуоҕа онно хараллыбыт.
Төһө да атах таҥаһын оҥорор идэ ыллар, хамнастаах үлэһит да буоллар,
Көстөкүүн уол эмиэ үөрэнэр туһунан толкуйдуура үксээн барар. Ол иһин
директорыгар киирэн:
— Дойдубар тиийэн үөрэхпин салгыахпын баҕарабын, онон миигин үлэ-
биттэн босхолоо, — диэн көрдөһөр.
Директора өр саҥата суох олорбохтоон баран:
— Олох көнөр, эйэлээх олох тутуутугар, сайдыытыгар үөрэхтээх дьоннор
наадалара биллэр. Онон үөрэниэн баҕарар дьону туппаппыт. Чэ, кытаат,
этэҥҥэ сырыт, киһи-хара буол! — диэн эмиэ алгыс тылынан атаарар.
Оччолорго Ньурбаҕа икки этээстээх дьиэ, соҕотох оскуола эрэ баара. Кон-
стантин Петрович оҕо-эдэр сааһын ахтыытын:
— Биһиги үгүс төгүрүк тулаайахтар дьолбутугар, ити кэмнэргэ Ньурба
орто оскуолатыгар дьиҥ чахчы талааннаах учуутал, тэрийээччи, иитээччи,
үтүөкэннээх киһи Александр Николаевич Чусовской директордаабыт эбит.
Биһиги ону балай эмэ сааһыран эрэ баран өйдөөн махтана саныыбыт. Алек-
сандр Николаевич биһиги үлэлээн киллэрэр харчыбытын, хас биирдии оҕоҕо
бааҥҥа анал счет астаран уурдарарын кэлин оскуоланы бүтэрэн эрэ баран
билбиппит. Бу харчыбыт үөрэххэ барарбытыгар улахан көмө, тирэх буолбута,
— диэн түмүктүүр.
Кырдьыга даҕаны, оччолорго оскуоланы бүтэрбит оҕолорго биирдии ты-
һыынча харчыны биэрэн, боростуой да буоллар көстүүм, бачыыҥка кэтэр-
дэн ыытыы хас оскуола ахсын суоҕа чахчы. Ити сылларга Ньурба орто оскуо-
латын интернатыгар олорон иитиллэн, үөрэнэн онуһу бүтэрбит оҕолортон
кэлин Е.Алексеев, Н.Николаев наука доктордара, Н.Васильев, Е.Черкесов
КГБ полковниктара, Н.Кириллин вертолет пилота, С.Васильев, Н.Иванов
гражданскай авиация инженердэрэ, Е.Алексеев үрдүк үөрэхтээх юрист идэ-
лэрин баһылаан саастарын тухары үрдүк таһаарыылаахтык, үтүө суобастаах-
тык үлэлээбиттэрэ.
Кинилэр ортолоругар инчэҕэй тирбэҕэ быстыбатынан, үтүө дьон көмө-
лөрүнэн, бэйэтин үөрэххэ, сырдыкка тардыһыытын дьулуурунан биһиги орой-
уоммутугар (улууспутугар) 40 сыл ветеринарнай сулууспаҕа үлэлээн Саха рес-
публикатын үтүөлээх ветвраһа Константин Петрович Осипов аата ааттанара
сиэрдээх.
9 Заказ № 52
129