Page 134 - Уйбаан Бахсылыырап. Сэрии кэмин оҕолоро - эйэлээх олох уустара

Т ү ө р т у о н с ы л л а а х ү л э т т э н к эр ч и к тэр

К.П.Осипов Ньурба орто оскуолатын бүтэрэр сылыгар икки кылааһынан
50-ча оҕо орто үөрэх дипломун ылан, бука бары үрдүк үөрэххэ киирбиттэрэ.
Константин Петрович Омскайдааҕы ветеринарнай институкка үөрэммитэ.
Саха сириттэн онуо буолан 1956 с. ити институту бүтэрэн төрөөбүт дойдула-
рыгар төннүбүттэрэ.
Тыа хаһаайыстыбатын министерствотын бирикээһинэн К.П.Осипов Уус-
Алдан оройуонун Дүпсүн МТС-гар ветвраһынан анаабыттара. Ол саҕана
Дүпсүн МТС-н директорынан эмиэ Омскайдааҕы тыа хаһаайыстыбатын
институтын 1953 с. бүтэрбит Я.А.Семенов үлэлиирэ. Яков Алексеевич Омс-
кайга үөрэнэр кэмигэр Саха сириттэн кэлэн араас институттарга үөрэнэр
120-н тахса ыччаты түмэн “землячествоны” маҥнайгынан тэрийбитэ. Бэрт
үтүө майгылаах, сайаҕас уол тойоммун диэн бэрт дьоһумсуйбакка Констан-
тин Петровиһы олус сылаастык көрсүбүтэ. Онон биир институкка үөрэммит
буолан саҥа ветврач бэйэтин тирэхтээх курдук санаммыта.
Олоҕор, үлэтигэр дьон үтүө сыһыанынан далаһа уурунан Константин
Петрович 40 төгүрүк сыл устата ветеринарнай сулууспаҕа кыайарынан үтүө
суобастаахтык үлэлээн 1996 с. бочуоттаах сынньалаҥҥа тахсыбыта. Бу түөрт
уон сыл устата К.П.Осипов элбэх үтүө дьоннуун алтыһан үлэлээбитин бэркэ
астынан туран сэһэргиир. Ол кэпсээнтэн сүрүн өттүн үлэ, тыыл ветерана
бэйэтин тылынан кэпсиирин истиэҕиҥ:
— Тыа хаһаайыстыбатын министерствотын ветеринарнай отделын бири-
кээһинэн үлэҕэ анаммыппыт кэннэ, биир ыйдаах сынньалаҥмыт оннугар,
барыбытын командировкаҕа ыыппыттара. Мин төрөөбүт оройуоммар Ньур-
баҕа барбытым. Манна оройуон ветеринарнай сулууспатын 11 сыл салайан
олорор, орто үөрэхтээх специалист Н.Х.Столяр кылаабынай ветврач эбээһи-
нэһин толорон олороро. Кини миигин сүрдээҕин үөрэ көрсүбүтэ. Бэйэтин
кытта ыҥыыр атынан сырытыннаран оройуон сүүрбэччэ сайылыгар араас
эппиэттээх үлэни толорбуппут. Оччолорго ветспециалист үөрэхтээх киһи олус
аҕыйаҕа.
Бииргэ сылдьыбыт кэммит устата Столяр ветеринарнай сулууспа араас
ымпыгын-чымпыгын сиһилии кэпсээбитэ, элбэх сүбэни-аманы биэрбитэ.
Бу сааһырбыт нуучча киһитэ олус үчүгэйдик, ыраастык сахалыы саҥарара.
Кини арахсаары туран: “Анаммыт сиргэр биир сыл үлэлээн баран, тугунан
эмэ туруорсан дойдугар кэл, миигин солбуй. Мин кырыйдым, үлэни кыай-
бат буолан иһэбин”, — диэбитэ. Ол эрээри Дьылҕа хаан атыннык дьаһайан,
мин Уус-Алдаҥҥа үлэлээн, бу дойду сирин-уотун, дьонун-сэргэтин сөбүлэ-
эн, кэргэннэнэн, оҕолонон-урууланан манна олохсуйдум. Медик идэлээх кэр-
гэмминээн, Тамара Петровналыын, билигин улуус киинигэр Бороҕоҥҥо оло-
робут. Бочуоттаах сынньалаҥҥа олорон дьиэни-уоту көрөн, үлэлиир дьом-
мун, улахан, кыра сиэннэрбин күн аайы сылаас аһынан хааччыйабын. Төһө
да доруобуйам мөлтөҕүн иннигэр дьонтон хаалсыбакка үөрэнэн, үлэлээн,
олорон олоҕум суолун бүтэһик көнөтүгэр киирэн, тахсыы биэтэк диэки хол-
кутук уонна чуумпутук аргыый аҕай баран иһэбин.
Константин Петрович, кырдьыга даҕаны, олоҕу олус таптыыр киһи буо-
лан, дьон тэҥинэн олох олорон кэллэ. Кини тустаах үлэтин таһынан оройуон,
кэлин улуус хаһыатыгар общественнай корреспонденынан үлэлээн, специа-
лист уонна киһи быһыытынан элбэх сүбэни-аманы биэрбит, бэйэтин санаа-
тын суруйбут ыстатыйалара элбэхтэ бэчээттэммитэ. Ону билигин сааһырбыт
көлүөнэ дьоно аахпыттара чуолкай.
Салгыы Константин Петрович кэпсээнин истиэҕиҥ:
130