Page 136 - Уйбаан Бахсылыырап. Сэрии кэмин оҕолоро - эйэлээх олох уустара

кэпсии-ипсии сатыырым. Онон биһиги оччотооҕу специалистар бэйэбит да
билбэппитинэн агитационнай-маассабай үлэҕэ тардыллан хааларбыт.
Дьэ ити курдук, Константин Петрович үлэтигэр ылсан барбыта. Үлэтин
иккис сылыгар МТС сүбэ мунньаҕар туруорсан ветспециалистар тиийбэттэ-
ринэн, биир ыйдаах ветсанитардар курстарын аһан колхуостартан 1-2 киһини
ылан үөрэтэргэ этии киллэрбитэ. Кини ити этиитэ ылыныллан, Константин
Петрович бэйэтэ программа оҥорон олунньу ыйга 7 киһини ветсанитар кур-
сугар үөрэппитэ. Чахчы үөрэниэн баҕалаах дьон түбэһэн үөрэхтэригэр олус
кыһаллан үөрэнэн, үгүстэр саастарын тухары ити идэлэринэн үлэлээбиттэрэ.
Ол курдук, Бээдигэ А.П.Васильева, Чэриктэйгэ П.П.Горохов курдук дьон уһун-
нук үлэлээн махталы, ытыктабылы ылбыттара.
Ветеринарнай специалист үлэтин ымпыга-чымпыга олус элбэҕин, оччо-
тооҕу кэмҥэ оройуоҥҥа ветлаборатория суоҕун, икки эрэ киһилээх (биир
лаборант, биир ветсанитар) көһө сылдьар олус боростуой тэриллээх бруцел-
лезнай лаборатория баарын кинилэр сыарҕанан сылдьан оройуон колхуоста-
рын фермаларын барытын кэрийэн ынах сүөһүнү барытын чинчийэллэрин,
ол гынан баран, бу олус сыстыганнаах, кутталлаах ыарыы кыайтарбатын
өйдөөн, К.П.Осипов үлэлиир Дүпсүннээҕи МТС-ка бэйэтин күүһүнэн лабо-
ратория оҥорон үлэлэппитин, ол туһата көдьүүстээҕин кэпсээнэ эмиэ
кэрэхсэбиллээх. Дүпсүннээҕи МТС-ка социалистическай күрэхтэһиилэргэ өрүү
2-3 миэстэлэргэ тиксэрэ. Бу бүтүн коллектив биир өйгө-санааҕа түмсэн үлэ-
лээһинин түмүгэ этэ.
Тыа хаһаайыстыбатын үлэтигэр Н.С.Хругцев уочараттаах уларыта тутуута
саҕаламмыта. Ол түмүгэр 1958 с. ыам ыйыгар МТС-тар үлэлэрин тохтоппуттара.
Тыа хаһаайыстыбатын министиэристибэтэ К.П.Осиповы аспирантураҕа
ыытаары гыммытын аккаастаммыта уонна 1959 с. балаҕан ыйыгар диэри Бо-
роҕон-Найахы икки ардыгар соҕотоҕун ветвраһынан үлэлээбитэ. Ити күһүн
Омскайдааҕы ветинституту бүтэрэн Яковлев Иван Николаевич кылаабынай
ветвраһынан, Сухаринова Дора Никитична эпизоотолог ветвраһынан (кэлин
республика бастакы президенэ буолбут М.Е.Николаев кэргэнэ) ананан кэлбит-
тэрэ. Ол эрээри кинилэр уһуннук үлэлээбэтэхтэрэ. Яковлев Омскайга төннөн
аспирантураҕа үөрэнэн кэлин учуонай буолбута, оттон Дора Никитичнаны
оройуоннааҕы комсомольскай тэрилтэ босхоломмут сэкирэтээринэн талан
үлэлэтэ сырыттахтарына, Михаил Ефимович сүгүннэрэн илдьэ барбыта.
К.П.Осиповы 1962 с. Ленинградка идэтин үрдэтэр үс ыйдаах курска ыып-
пыттара. Константин Петрович үс ыйдаах үөрэх кэнниттэн икки сыллаах
уопускатын суотугар Москванан, Кавкаһынан, Крымынан сылдьан күүлэй-
дээн элбэҕи билбитэ-көрбүтэ. Дьокуускайга кэлбитэ кинини атырдьах ыйыт-
тан Уус-Алдан оройуонун ветстанциятын кылаабынай ветвраһынан аныыр
туһунан бирикээс күүтэн сытара. Дьэ, ити кэмтэн К.П.Осипов 1996 с. пен-
сияҕа тахсыар диэри ветстанция иһинэн араас үлэлэргэ барытыгар сыстан
үлэлээбитэ.
Кинини кытта бииргэ үлэлээбит К.Н.Пудов, Д.Е.Пермяков, П.В.Орлов,
нуучча кыыһа Гертруда, О.С.Михайлов, Н.П.Алексеев, М.Сивцев, Н.В.Гра-
чев, М.Н.Сибиряков, Г.Г.Сеялов, Р.П.Попов, В.Е.Мартынов, Г.Г.Портнягин,
Д.Д.Жиркова-Артамонова, Н.В.Шадринов, о.д.а. үтүө дьоннор ааттарын би-
лигин Константин Петрович истиҥ тылларынан ахтар. Ол курдук Максим
Николаевич Сибиряков начальниктыыр кэмигэр бэрт дуона суох харчыга
ветучаастак дьоно бэйэлэрин күүстэринэн үлэһиттэр олорор уопсай дьиэлэ-
рин, хонтуораларын туппуттара. Онно М.Н.Сибиряков бэйэтинэн сылдьан
тутууга үлэлэспитэ, дьонун көҕүлээбитэ. Кэлин 1978 с. начальниктаабыт
Д.Д.Артамонова элбэхтэ туруорсан таас варианынан оҥоһуллар гараж уонна
132