Page 138 - Уйбаан Бахсылыырап. Сэрии кэмин оҕолоро - эйэлээх олох уустара

Уус-Алдан Бороҕонун буоругар 1952 с. эдэркээн
Тамара Жиркова диэн төгүрүк тулаайах кыыс үктэм-
митэ. Кини кэлээт да Мүрү эбэ киэҥ киэлитин, си-
бэккинэн симэммит сыһыыларын кэрэхсии көрбүтүн
күн бүгүн да умнубат. Онтон ыла 60 төгүрүк сыл ааһа
оҕуста. Биһиги Күн Күбэй ийэбит Тамара Петровна
Ж иркова-Осипова түөрэҕэ төлкөлөммүт сиригэр
аҕабытынаан, олоҕун доҕорунаан Осипов Констан-
тин Петровичтыын “эн-мин” дэһэн 44 сыл бииргэ
эйэ дэмнээхтик олорон, оҕолорун, биһигини, атах-
пытыгар туруоран, олох киэҥ аартыгар таһаарбыттара.
Ийэбит Уус-Алдаҥҥа үлэһит буолбут тэрилтэти-
нэн санэпидстанция буолар. Аан бастаан дезинфек-
торынан үлэлээн, сыстыганнаах ыарыы турбут сири-
гэр тохсунньу тымныытыгар сыарҕалаах атынан Чэриктэйгэ кытта тиийэл-
лэрин, сайыҥҥы сыралҕаҥҥа тэлиэгэлээх атынан оройуону биир гына айан-
ныылларын кэпсиир. Оччотооҕу дьоннор сүрдээх көнөлөрүн, эдэр-оҕо кыр-
гыттар диэннэр харыстабыллаахтык сыһыаннаһалларын, Сорская Капита-
лина Илларионовна уонна Ларионова Роза Ивановна буолан наһаа тапсан
үлэлээбиттэрин ахтар. Итинник үлэлии сылдьан сыыстаран, тымныйан ыал-
дьан, Тамара Жиркова сэллиги эмтиир балыыһаҕа киирэр. Ийэбит ол өрдөөҥү
ааспыт түгэни маннык ахтар:
— Тыҥабынан ыалдьан туббалыыһаҕа эмтэнэ киирбитим. Балыыһаҕа бы-
рааһынан Е.Б.Мельников үлэлиирэ. Бырааһым биирдэ кэбиниэтигэр ыҥыран
ылан туох дьонноохпун-сэргэлээхпин ыйыталаспыта. Тулаайахпын истэн ба-
ран, кэпсэтиибит түмүгэр сиэстэрэнэн үлэлии хааларбар сүбэлээбитэ. Онон
балыыһаҕа сытан эмтэнэ-эмтэнэ, сиэстэрэ кыргыттарга көмөлөһөн, ыары-
һахтары көрөргө-истэргэ, укуолу туруорарга, бэрэбээскэни оҥорорго, меди-
цинскэй инструменнары оргутан сууйарга-соторго, докумуону толорорго
үөрэммитим. Сиэстэрэлэринэн оччолорго киин уобаластартан кэлбит эдэр-
кээн нуучча кыргыттара Галя, Люба, Женя (араспаанньаларын умнан кэбис-
пиппин) уонна олохтоохтортон Маайа Охлопкова, Маайа Данилова, Ааныс
Новгородова, Ксения Колесова үлэлииллэрэ. Кинилэргэ уонна үтүө санаалаах
бырааспар Евгений Байкалович Мельниковка махталым муҥура суох.
Дьэ бу кэмнэртэн ыла Тамара Петровна олоҕо доруобуйа харыстабылын
кытта быстыспат ситимнэммитэ. Оройуон амбулаториятыгар 1962 с. ыалдьы-
быт оҕолору көрөр кэбиниэт аһыллар. Бу кэбиниэккэ Тамара Петровнаны
сиэстэрэнэн үлэлэтэ ылаллар. Сиэстэрэ сарсыарда быраас анааһынынан дьиэ-
лэри кэрийэ сылдьан кырачааннарга укуол оҥорор, быһыы быһар. Аны эбиэт
кэнниттэн бырааһы кытта кэбиниэккэ приемҥа олорсор.
Ити сыл Бороҕоҥҥо икки сыллаах сиэстэрэ курса аһыллан, олохтоох-
тортон элбэх киһи үөрэммит. Ол иһигэр биһиги ийэбит ситиһиилээхтик
үөрэнэн анал үөрэхтээх дипломнаах үлэһит буолар. Кэлин оройуоннааҕы
диспансерга, райполиклиникаҕа регистраторынан үтүө суобастаахтык үлэлээн,
“Коммунистическай үлэ ударнига” ааты ылан бочуоттаах сынньалаҥҥа тах-
сыбыта. Ол да буоллар регистратураҕа өссө да уһуннук үлэлээн дьон-сэргэ
кинини "Регистратура Тамара!” диэн таптаан ааттыахтара дуо?! Онон ийэ-
бит иккис дойду оҥостубут Уус-Алданын доруобуйатын харыстабылыгар бары
билиитин, кыаҕын биэрэн туран үлэлээбитинэн, кинини кытта алтыһан аас-
пыт ыарыһахтар күн бүгүҥҥэ диэри махтал тыллары этэллэриттэн биһиги,
кини ыччаттара киэн туттабыт.
Дьиҥэр, ийэбит Тамара Петровна Дьокуускай Хатаһыттан төрүттээх, кыра
134