Page 141 - Уйбаан Бахсылыырап. Сэрии кэмин оҕолоро - эйэлээх олох уустара

чахчы да харыларын күүһүнэн үлэлээн олоххо суолларын тэлиммиттэрэ.
Ыал-күүс буолан, өйдөһөн-өйөһөн сэттэ оҕону атахтарыгар туруорбут-
тара. Маннык дьону: “Дьоллоох дьон!” — диэн эрдэхтэрэ. Ол эрээри дьол
хаһан да толору буолбатын Миитэрэйдээх Ааныс эттэринэн-хааннарынан,
дууһаларынан-сүрэхтэринэн эмиэ билбит дьон.

Уон сааһыттан үлэлээбитэ

Д.Д.Прядезников төрүт Кэптэни эбэ халдьаайытыгар төрөөбүт-үөскээбит
киһи. Кини быйыл 70 сааһын томточчу туолбута. Миитэрэй оҕо сааһа сэрии
ыар сылларын кытта мэҥэстэн, оччотооҕу оҕолор барыларын кэриэтэ от-мас
үлэтигэр илии-атах буолан букатын эрдэттэн үлэлээбитэ. Ол эрээри кини
уон сааһын томточчу туолаат анал балык биригээдэтигэр үлэһитинэн кии-
рэн, 1945-1949 сс. күһүҥҥү өксүөҥҥэ, кыһыҥҥы бытархан тымныыга,
сайыҥҥы сыралҕан куйааска үөнү-көйүүрү быыһынан улахан дьоннуун тэҥҥэ
балык булдугар муҥхаҕа сылдьыспыта. Үлэһит буолбут уолу ийэтэ-аҕата да,
атын да дьон үөрэттэрэр туһунан санаабатахтара.
Ленин аатынан колхуос балыксыттарын биригээдэтин сэрии сылларыт-
тан Бэрииһэп Миитэрэй Бөтүрүөбүс-Марыыска салайара. Кини ити үлэти-
нэн “Аҕа дойдуну көмүсүүр Улуу сэрии 1941-1945 сс. килбиэннээх үлэтин
иһин» мэтээлинэн наҕараадаламмыта. Оттон Миитэрэй Бэрэһээнньикэп үлэ-
лиир кэмигэр бу биригээдэҕэ балыксыттарынан Сысолятин Николай-Ньуку-
уска, Борисов Илья-Оҕо Ылдьаа, Петухов Петр-Муҥурдаан Бүөтүрэ, о.д.а.
дьон сылдьыбыттара. Күн-дьыл ыраатан Миитэрэй сорохторун билигин ум-
нуталаан да кэбиспит. Кырдьыга даҕаны, Миитэрэй бу дьону кытта көмүс
хатырыктааҕы эккирэтиһиигэ төһөлөөх элбэх эбэ туонатын кыһыннары-сайын-
нары булкуйбутун аахпатаҕа чахчы. Арай кини дьоһун олоҕун туоната ба-
лыксыт үлэтиттэн саҕаламмыта диирэ сиэрдээх буолуо.
Бары үлэҕэ барытыгар сыстаҕас, киһи этэринэн сылдьар толоругас уолу
аны 1951 с. күһүҥҥүтүгэр колхоз салалтата Алдан уҥуор түүлээххэ булчуту-
нан анаан ыытар. Уон сэттэ сааһыгар эрэ сылдьар уол икки кыһын субуруччу
Попов Николай Федотовиһы, Бурнашев Алексей Алексеевиһы уонна Копырин
Егор Алексеевиһы кытта андаатарга, куобахха бииргэ бултаабыттара. Оччо-
лорго Ыал Уһуга диэн ааттанар сир эргин булт хойуу буолан былаан өрүү
аһара толоруллара. Дьэ, ити курдук Д.Д.Прядезников түүлээхситинэн Алдан

Балык
биригээдэтигэр.
Кэптэни, 1949 с.
137