Page 222 - Уйбаан Бахсылыырап. Сэрии кэмин оҕолоро - эйэлээх олох уустара

дьон буолбуттар. Дьаакып улахан эдьиийэ Дэбдэ Мэ-
хээлэ Ыстаарыһын диэн киһиэхэ эргэ баран Хабы-
рыыс диэн уолламмыттар. Хабырыыстан Ньукулай,
Татыйаас уонна Анатолий диэн оҕолор төрөөбүттэр.
Анатолий Гаврилович Старостины-Сиэн Кынаты
литератураны, поэзияны таптааччылар бары билэл-
лэр. Дьаакып иккис эдьиийэ Өлөөнө сааһыран баран,
Тэрэнтэй Дьөгүөрэп диэн киһилиин ыал буолан уол
оҕону төрөппүттэр, Тэрэнтэй диэн ааттаабыттар. Ач-
чыгый Тэрэнтэйтэн Ньукулай диэн уол баар. Онтон
убайа Кубуку Бүөтүр бэтэринээр идэлээх киһи, эдэр
сылдьан сэллик ыарыыга ылларан кэргэннэммэккэ,
оҕоломмокко-урууламмакка олохтон бараахтаабыт.
Дьаакып Аргунов төрүт оҕо сылдьан улахан дьон
табахтыырыгар ымсыыран дьон табахтаан бүтүөр диэри аан таһыгар турара
үһү. Ону дьиэлээхтэр: “Бу уол эмиэ хоройон турар”, — диэн, былыргы дьон
сиэринэн аһынан, хамсалаах табахтарыттан оботтороллор эбит. Онтон сиэт-
тэрэн кэлин Дьаакыбы Хоной уола Хороһоох Дьаакып диэн ааттаабыттар.
Дьаакып Аргунов сүүрбэһис үйэ саҥатыгар төрөөбүт буолан былаас ула-
рыйыытын, гражданскай сэрии дьалхаанын барытын билэн-көрөн улааппыт.
Кини, былыргы киһи диэтэххэ, хойутаан 36 сааһыгар Афанасьева Дария Да-
ниловна диэн дьахтары ойох ылан, Устиньяны 1931 сыл ахсынньы 27 күнүгэр
бастакы оҕонон төрөппүттэр. Дария Даниловна өссө кыра сылдьан, Үстүүнньэ
диэн кэргэннээх Атылааһап Бүөтүр диэн киһиэхэ иитиллибит. Даайа кыы-
һын ол иһин иитиллибит ийэтин аатынан ааттаабыт. Даайа улахан убайа
Сэмэн ууга былдьаммыт. Онтон иккис убайа Афанасьев Прокопий Данило-
вич-Борокуоп сэриигэ баран өлбүт. Кини туһунан “Өйдөбүнньүк” (“Память”)
кинигэ 3 томугар маннык суруллубут:
Афанасьев Прокопий Данилович, 1903 г.р.,урож. Бярийинского н-
га Усть-Алданского р-на, якут, призв. 28.06.1942 Чурапчинским РВК,
погиб 02.1945, место захоронения не установлено.
Аны Атылааһап Бүөтүр убайын Ньукулай үс уола — Уйбаан-Кэпсээннээх,
Арамаан уонна Бантылымыан эмиэ сэриигэ баран өлөөхтөөбүттэр. Ийэлэрэ
Анна Васильевна үс турбут уолун мэлитэн төһөлөөх санаарҕаабытын, доруо-
буйата айгыраабытын, үйэтэ кылгаабытын аны ким-туох билиэ буоллаҕай?
Бу уолаттартан Арамааннара эрэ ыал буолан сэриигэ барарыгар Аграфена
уонна Анна диэн кыргыттары хаалларбыт. Аграфена ыал буолан 4 уол, 2
кыыс оҕону төрөппүт, Анна хас да оҕолооҕуттан билигин биир уол баар.
Сэрии, сут-сутурҕан кыһарҕаныттан доруобуйалара айгыраабыт Арыппыа-
налаах Аана, бу орто дойду олоҕуттан эрдэлээн бараахтаабыттар. Ити курдук
саха хас биирдии алааһыгар, үрэхтэрин тоҕойдоругар дьиэлэнэн-уоттанан
олорбут, үлэни эрэ өрө туппут дьоммут барахсаттар сэриигэ суорума суол-
ланнахтара, элбэх тулаайах оҕо аҕа амарах тапталын билбэккэ улааттаҕа.
Үөһээ үрэх Туойдааҕар олохтоох Дьаакып Лэгэнтэйэбис Аргунов кэргэ-
нинээн Атласова Дария Петровналыын кыыстара Үстүүнньэ төрөөтөҕүн сыл
“Пятилетка” холкуоска биир биэни уонна үс хас сүөһүнү холбоон киирбит-
тэр. Былыргы дьон сиэринэн Дьаакыптаах Даайа сыл ахсын кэриэтэ оҕоло-
нон 11 оҕону төрөппүттэр да, оҕо “турбатах”. Инньэ гынан Үстүүнньэ 18
сааһыгар диэри ийэлээх аҕатыгар соҕотох оҕо буола сылдьыбыт. Сэрии кэн-
ниттэн олох арыый көнөн Роза, Еля уонна Гоша диэн оҕолор төрөөн дьон
буолбуттар. Билигин Еля уонна Гоша бааллар, бэйэлэрэ ыал эбэтэ, эһэтэ

218