Page 268 - Уйбаан Бахсылыырап. Сэрии кэмин оҕолоро - эйэлээх олох уустара

хомуйан, хас киилэни туттарбыппытынан көлөһүн күнүн аахсар этибит. Сайын
окко үлэлиирбитигэр ас таһааччы баара, кини эмиэ биһиги саастыыта оҕо
этэ. Ходуһаны кэрийэ сылдьан мас уһаакка кутуллубут суораты түҥэтэрэ,
билигин санаатахха тар эбит. Уолбут хас биирдиибитигэр биирдии курууска-
ны кутара, туох да иһиттээх буол, ол биир куруускаттан ордугу ким да
көрдөөбөт буолара. Ити биир курууска тар, биһиги үрүҥ тыыммытын
өллөйдөөбүтэ буолуо диэтэххэ, билигин ким да итэҕэйиэ суоҕа.
Кыайыы буолбут күнүн олус үчүгэйдик өйдүүбүн! Ол саҕана Найахы
нэһилиэгэр Павел Павлов-Уордьаннаах Байбал оройуон боломуочунайынан
кэлэ сылдьара. Нэһилиэк кэнсэлээрийэтигэр биир төлөпүөн баара. Байбал
ол төлөпүөнүнэн Кыайыы буолбутун маҥнайгынан истибит. Ол күн сааскы
ыһыы үлэтэ бүтэн эмиэ сири паардааһын саҕаламмыта. Ийэм бөһүөлэктэн
чугас сонуокка сир хорута сылдьара, мин дьиэрэҥкэйинэн ийэбэр бара сыл-
дьыбытым, ийэм Кыайыы буолбутун Сэбиэт бэрэссэдээтэлиттэн истибит этэ.
Сэбиэт бэрэссэдээтэлэ Аммос Заровняев үлэһиттэри кэрийэ сылдьан: “Кы-
айыы буолла, кытаатан үлэлээҥ!” — диэбит. Онон дьоммут ити күн дьиэлэ-
ригэр кэлбэккэ даҕаны сир хорута хаалбыттара. Сэрии саҕана холкуостаахтар
оннук бэриниилээхтик үлэлииллэрэ.
Күн-дьыл элэҥнээн ааһара түргэнэ сүрдээх, сэрии саҕана үлэни өрө туп-
пут улахан дьоммут бары суохтар. Оннооҕор биһиги, сэрии кэминээҕи оҕолор,
үксүбүт 80 сааспытын аастыбыт.
Билиҥҥи көлүөнэ аччыктааһыны, дьон өлүүтүн-сүтүүтүн билбэт. Ол ки-
нилэр саамай улахан дьоллоро! Аны хаһан да сэрии буолбатын, хаан тохту-
батын! Аны хаһан да, хаһан да тулаайах оҕо хараҕын уутунан суумматын!
Үрүҥ күммүт аан дойду бары дьонун сылааһынан угуттаан тэҥинэн сырдат-
тын! Дьоллоох буолуҥ!
Мария Бгоровна Фомина,
сэрии тулаайаҕа, үлэ,тыыл ветерана

ҮЛЭБЭР ТӨҺҮҮ КҮҮС БУОЛБУТА

Мин, Фомина Мария Егоровнаны 1967 сылтан “Коммунизм” холкуоска
кылаабынай бухгалтерынан үлэлиэҕиттэн үчүгэйдик билэбин. Мария Его-
ровна холкуоска кэлиэн иннинэ Бороҕоҥҥо госбан управляющайынан уһун-
нук үлэлээбитэ. Бухгалтерия үлэтин үчүгэйдик билэр уопуттаах үлэһит кэ-
лиэҕиттэн “Коммунизм” холкуос үп-харчы өртүнэн кыаҕыран барбыта. Оч-
чолорго кинини кытта тэҥҥэ холкуос бырабылыанньатын бэрэссэдээтэллэ-
ринэн Дегтярев Василий Константинович, Данилов Петр Николаевич, Сив-
цев Семен Константинович олус тапсан сатабыллаахтык үлэлээбиттэрэ. Ол
да иһин холкуостаахтар сылга аахсар дохуоттара биллэрдик үрдээбитэ.
Мин саһыл ферматыгар сэбиэдиссэйинэн үлэлиир кэмнэрбэр Мария Его-
ровна элбэхтик көмөлөһөн турар. Бастакы үлэлиир сылларбар саһылтан төрүөҕү
ылыы намыһах, тирии хаачыстыбата мөлтөх буолан, Иркутскайдааҕы пуш-
ной базаҕа ыытар тириибит сыаната түһэн кэлэрэ. М.Е.Фомина кэлиэн ин-
нинэ холкуос салалтата саһыл иитиитигэр улахан болҕомтотун соччо уурбат
этэ. П.Н.Данилов бэрэссэдээтэллиир кэмигэр, биир түгэҥҥэ, саһыл ферма-
тын эһэр туһунан кэпсэтии тахса сылдьыбыта. Онуоха Мария Егоровна:
— Саһыл аһылыгар биһиги көнньүнэн өлбүт сүөһүлэрбитин, туһаҕа тур-
батах төбөнү, туйаҕы сиэтэбит. Саһыл иитиитэ элбэх ороскуоту оҥорбот,
биһиги төлүүрбүт диэн 4-5 үлэһиккэ хамнас биэрэбит. Онон ферманы эһэри

264