Page 270 - Уйбаан Бахсылыырап. Сэрии кэмин оҕолоро - эйэлээх олох уустара

Дьэ, ити курдук Мария Егоровна Фомина эрчимнээх эдэр сааһыгар са-
ҥаран-иҥэрэн күлүбүрэтэн, санаатын аһаҕастык кутан-симэн холкуостаах-
тарга да, үөһээҥҥи салалтаҕа да тылын ылыннарара, дьоҥҥо-сэргэҕэ ытык-
танара.
Мария Егоровна кырдьары билиммэккэ билиҥээҥҥэ диэри үөлээннээх-
тэригэр сүбэһит, күүс-көмө буола олороруттан биһиги олуһун диэн үөрэбит.

Иван Петрович Сивцев,
“Бочуот Знага” уордьан кавалера,
СР тыатын хаһаайыстыбатын үтүөлээх үлэһитэ

КӨЛҮӨНЭНИ КӨЛҮӨНЭ СОЛБУЙАР

УБАЙЫМ КУРДУК САНЫЫР КИҺИМ ЭТЭ

Мин эбэм Черкашина Евдокия Давыдовна былыр-былыргыттан халыҥ
аймах Хаппыырыннартан төрүттээх этэ. Хаппыырыннар бэйэ-бэйэлэриттэн
чугас-чугас сытар Мөккөй, Арыылаах, Туолай, Бэйтиҥ алаастарга олус ис-
тиҥник сыһыаннаһан, наһаа эйэлээхтик олорбуттара.
Ньукулай Хаппыырын аҕата Чоппуос Бүөтүр Туолай алаас халдьаайыты-
гар өтөхтөөҕө. Чоппуос Бүөтүр инитинээн Дьөгүөрдүүн ( Копырин Иван Его-
рович аҕата) куоракка киирэн церковно-приходскай оскуолаҕа үөрэммит, бэй-
элэрин нэһилиэктэригэр үөрэхтээх дьон быһыытынан биллэннэр, бэл саал-
тыыр ааҕаллар эбит. Хаппыырыннар дьиэлэригэр библиотека тэринэннэр
кинигэни таптаан ааҕаллара үһү. Ол эрээри сэрии, сут-кураан, оччотооҕу
ыар олох содулугар Бүөтүр уола Ньукулай Хаппыырын кыайан үөрэммэтэх.
Онон айылҕаттан сытыы-хотуу, билиэн-көрүөн баҕалаах уолчаан үөрэх тас
өттүгэр хаалбыта. Сэрии сылларыгар уончатын лаппа ааспыт уол “Хаҥа”
холкуос араас үлэтигэр эриллэн улааппыта.
Ити курдук Николай Петрович Копырин холкуос турук үлэһитэ буолан
биллэн-көстөн барбыта. Мин сэрии кэннинээҕи сылларга от кэбиһиитигэр
бииргэ үлэлии сылдьыбыппын билигин даҕаны үчүгэйдик өйдүүбүн. Ньуку-
лайым кэбиһэр, мин от үрдүгэр түсчүтүнэн турабын. Ити курдук олус тап-
сан икки сыл бииргэ үлэлээбиппит. Ньукулай киһини мөҕөр-этэр диэни билбэт
киһи этэ. Көр-нар, күлүү-үөрүү аргыстаах, дьиибэ-хообо кэпсээннээх дьон
да буолларбыт, үлэни өрө тутарбыт. Ол эрээри бириэмийэҕэ тиксибиппитин
тоҕо эрэ өйдөөбөппүн, арай биригэдьиирбит Сүөдэр оҕонньор Ньукулай би-
һиги үлэбитин наһаа сирбэт быһыылааҕа.
Аҕа дойдуну көмүскүүр сэрии Кыайыынан түмүктэммитин кэннэ Нико-
лай Петрович Копырин Сыҥаах нэһилиэгиттэн Петухова Мария Прокопьев-
на диэн кыыһы кэргэн ылан, Мэкэригэ сүгүннэрэн аҕалбыта. Итинэн
сибээстээн биһиги таптыыр Мэкэрибитигэр улахан үөрүү-көтүү буолбутун
билигин да умнубаппын. Маайаны Мэкэри дьоно сүрдээҕин сөбүлээбиттэрэ.
Маайа сытыы-хотуу, элбэх кэпсээннээх-ипсээннээх, мэлдьи үөрэ-көтө сыл-
дьар, иҥнэн-толлон турбат үтүөкэн үлэһит кыысчаан этэ. Бастакы сыллары-
гар Мэкэри халдьаайы өтөҕөр биһигини кытта дьукаах олорбуттара. Эбэм
Дьэбдьиэ эмээхсин саҥа дьукаахтарын сүрдээҕин сөбүлүүрэ. Эбэм барахсан
иккиэн үлэлии сылдьар дьон астарын-үөллэрин бэлэмнээһиҥҥэ, оҕолорун
көрүүгэ элбэхтик түбүгүрбүт буолуохтаах.

266