Page 271 - Уйбаан Бахсылыырап. Сэрии кэмин оҕолоро - эйэлээх олох уустара

Мин Дьокуускайга институкка үөрэнэ сырыттахпына Копырин Ньукулай
уонна Степанов Мэхээлэ куоратчыттарынан арыы атыылата ыыппыттар.
Куоратчыттарым миэхэ ол арыы атыыламмыт харчытын аҕалан биэрбиттэрэ
уонна: «Ньукулайдаах Мэхээлэҕэ велосипедта атыылаһан ыытар үһүгүн», —
диэн илдьит тиэрдибиттэрэ. Табаарыстарым ити сакаастарын, мин, бэрт
түргэнник толорон турардаахпын. Кыһыл көлүөһэлэрдээх “Победа” диэн
ааттаах үчүгэй “тимир аттары” ылан ыыталаабытым. Дьонум үөрүү-көтүү
бөҕөлөрө, “сорохтор велосипедтарын харыстаан бадарааҥҥа сүгэ сылдьаллар
үһү” диэн кэпсээн Мэкэрэни ылан кэбиспит.
Ньукулай киһи быһыытынан олус элэккэйэ, киһи истэн олоруон курдук
кэпсээннээҕэ, сытыы-хотуу тыллааҕа. Бииргэ үлэлиир дьонугар, табаарыста-
рыгар үтүөкэн сыһыаннааҕа. Сорох дьон быһа-хото саҥаралларын сөбүлүү
истибэт этэ, оннук дьоҥҥо сөптөөх харданы биэрэрэ. Ньукулай эт-хаан өттүнэн
балачча сайдыылаах киһи этэ, ордук атаҕынан кыаллара, үчүгэйдик сүүрэрэ.
Кини үлэтигэр бэриллибит сорудахтары чуолкайдык толорорун сөбүлүүрэ,
оннук да үлэлиирэ. Ол иһин дьон-сэргэ махталын, биһирэбилин элбэхтик
ылара, колхоз, нэһилиэк салалталарын үрдүк сыанабылын элбэхтик истиби-
тэ. Ол да иһин бастыҥ производственнигы, уопсастыбаннай үлэ актыыбы-
най кыттыылааҕын, эримньи киһини коммунистическай партия чилиэни-
нэн ылбыттара.
Ньукулайдаах Маайа нэһилиэккэ үчүгэй үлэһит ыал быһыытынан бил-
либиттэрэ. Кинилэр колхоз сүрүн производстватыгар сүөһү көрүүтүгэр үтүө
суобастаахтык үлэлээбиттэрэ. Ньукулайдаах Маайа үлэ үөһүгэр сылдьан үс
уол, үс кыыс оҕоломмуттара. Оҕолоро бары үөрэхтэнэн бэртээхэй үлэһит
дьон буолан, үтүө-мааны ыал дэтэн республика араас оройуоннарыгар тал-
быт курдук үчүгэйдик олороллор. Улахан уол Михаил — улууска тутуу бил-
лэр-көстөр специалиһа, Бэрт-Ууһун нэһилиэгин бочуоттаах олохтооҕо, дуо-
бакка спорт маастарыгар кандидат. Иккис уол Николай — нэһилиэккэ эмиэ
биллэр тутуу үлэһитэ. Уус идэлээх буолан нэһилиэк олохтоохторун хайҕа-
былларын элбэхтэ истибит киһи. Кыра уол Петр — предприниматель, эмиэ
дуобакка спорт маастарыгар кандидат, садуобаҕа Дьокуускай куорат үс
төгүллээх чемпиона. Клава — улахан кыыс, оҕуруот үлэтигэр специалист.
Тулагы Сыырдааҕар олорор үлэһит бэрдэ. Роза - орто кыыс, предпринима-
тель, дьон-сэргэ биһирэбилин ылбыт дэгиттэр дьоҕурдаах үлэһит. Мария —
кыра кыыс, улууска биллэр-көстөр үлэлээх библиотекарь, кинигэ биллэр про-
пагандиһа. Кинилэр бары үтүө-мааны ыаллар, дьон буолбут, үлэһит буолбут
оҕолордоохтор, элбэх сиэннэрдээхтэр.
Дьэ, ити курдук Ньукулай, Маайа Хаппыырыннар төрөтөн, иитэн таһаар-
быт оҕолоро Бэрт-Ууһун нэһилиэгэр үтүө тылынан ахтыллар дьон киэнэ
бэртэрэ буоллулар. Итини этэн эрдэхтэрэ утум салҕанар, үгэс тутуһуллар
диэн. Ньукулайдаах Маайаны төрөппүт оҕолоро мэлдьи үтүө-мааны тылы-
нан ахтан ааһаллар. Кийииттэр, күтүөттэр кинилэр ааттарыгар махтал тыл-
ларын өрүү аныыллар. Сиэннэр, хос сиэннэр эбэлэрин, эһэлэрин мэлдьи
өйдүү-саныы сылдьаллар, истиҥ-иһирэх тылынан ахтан ааһаллар.

Гаврил Гаврильевич Черкашин,
педагогическай үлэ ветерана,
Сыырдаах, 2012

267