Page 273 - Уйбаан Бахсылыырап. Сэрии кэмин оҕолоро - эйэлээх олох уустара

тойдоон уонна хапкаанынан күтэрдээн, ол кыыллар тириилэрин маҕаһыыҥҥа
тутгаран харандаас, уруучука, тэтэрээт атыылаһан ылыы оҕо саас умнуллубат
үөрүүтэ буоллаҕа. Аны төрдүс кылааһы бүтэриэхпитгэн сайын от үлэтигэр оҕус
сиэтиититтэн саҕалаан кэбиһээччигэ тиийэ үлэлээбитим. Аҕабьҥ өллөҕүн сыл
оскуоланы бүтэрбитим уонна үс сыл “Лена” совхоз Сыырдаахтааҕы отделение-
тыгар араас үлэҕэ үлэлээбитим. Онтон Улан-Удэҕэ тутуу техникумугар үөрэнэ
киирбитим. Үөрэнэ сылдьан армияҕа тиийэн икки сыл сулууспалаабытым. 1975
сылтан дипломнаах тутуу үлэһитэ буолбутум. “Лена”, “Сардаҥа”, “Сыырдаах”
совхозтарга, “Хаҥа” бааһынай хаһаайыстыбаҕа, Сыырдаах ДьУоКХ-р тутууга
сүүрбэ сыл прорабынан үлэлээбитим. Үөрэхпин бүтэрбит сылым күһүнүгэр
Нам Үөдэйиттэн төрүтгээх киномеханик идэлээх Людмила Николаевналыын
сүбэбитин холбоон ыал буолбуппут. Төрөөбүт Сыырдаахпар дьиэ-уот тутган, үс
кыыс уонна уол оҕолонон 37-с сылбытын этэҥҥэ олоробут. Людмила ыал буо-
лан баран медсестра идэтигэр үөрэнэн пенсияҕа тахсыар диэри үлэлээбитэ.
Оҕолорбутун барыларын үөрэтгэрэн үрдүк үөрэхтээтибит. АЫал буолбут оҕолор-
бутун батыһан, сиэн көрсө Дьокуускайга киирэн кыстыыбыт. Саас өрүс суола
аһылыннар эрэ Сыырдаахпытыгар сайылыы тахсабыт.
Улахан кыыспыт Изабелла Михайловна СГУ-га үөрэнэн омук тылын салаа-
тын бүтэрбитэ. Билигин университекка преподавателинэн үлэлиир, икки
оҕолоох. Кыыһа Вика онус кылааска туйгуннук үөрэнэр, уола Максим оҕо
садыгар сылдьар. Мария Михайловна СГУ физкультурнай отделениетын бү-
тэрбитэ. Хайыһарга мастарга кандидат, хайыһарынан уонна атаҕынан сүүрүүгэ
улуус хас да төгүллээх чемпиона, призера. Майаҕас орто оскуолатыгар физ-
культура учууталынан үлэлиир, кэргэнинээн Мичил Егоровичтыын икки уол
оҕолоохтор. Улахан уоллара Айсен ахсыс кылаас үөрэнээччитэ, футбол оон-
ньуутунан дьарыктанар, хамаанданан республика чемпиона, призера буолбут-
тара. Кыра уоллара Арчын биирин туолбут киһи. Күтүөппүт Прокопьев Ми-
чил Егорович Ньурба Мархатыттан төрүттээх. Сахалыы ыстаныыларга спорт
маастара, Майаҕас орто оскуолатын директорынан үлэлиир. Аччыгый кыыс-
пыт Айталина Михайловна үс үрдүк үөрэхтээх. Федеральнай БТИ-гэ инже-
неринэн үлэлиир, кэргэнинээн Егор Егоровичтыын икки уол оҕолоохтор.
Улаханнара Артем Саха гимназиятын иккис кылааһыгар үөрэнэр, кыралара
иккитигэр сылдьар. Күтүөппүт Иванов Егор Егорович Амматтан төрүттээх,
кэтэхтэн юрист идэтигэр үөрэнэр, билигин нарконтрольга суоппардыыр. Уол-
бут Михаил Михайлович Мүрүтээҕи “Уолан” гимназияны үрүҥ көмүс мэтээ-
линэн бүтэрбитэ. Москваҕа Губкин аатынан нефть-газ университетын бүтэ-
рэн, билигин “Якутгазстрой” тэрилтэ инженеринэн үлэлиир. Уол оҕо иэһин
толорон армияҕа сулууспалаабыта. Кэргэнинээн Еленалыын уол уонна кыыс
оҕолоохтор. Кийииппит Елена Петровна Тандаттан төрүттээх, Гуманитар-
най-чинчийэр институкка үлэлиир, филологическай наука кандидата.
Дьэ, бу курдук, сэрии кэминээҕи көлүөнэ дьон, биһиги ийэлээх аҕабыт
олохторун оҕолоро, сиэннэрэ, хос сиэннэрэ салҕаан кинилэр ааттарын чиэс-
тээхтик ааттата сылдьарбытыттан биир бэйэм дьоһуннук үөрэбин, астына-
бын. Ыччаттарбыт, эһэлэрэ Николай Петрович, эбэлэрэ Мария Прокопьев-
на баар буоланнар, кинилэр олох олороннор көлүөнэ көлүөнэни солбуйарын
өйдүөхтэрэ диэн эрэнэбин!
Михаил Николаевич Копырин,
СР тыатын хаһаайыстыбатын туйгуна,
«Уус-Алдан улууһун социальнай-экономическай сайдыытыгар
кылаатын иһин» бэлиэ хаһаайына,
Бэрт-Ууһун нэһилиэгин бочуоттаах олохтооҕо, 2012 с.

269