Page 279 - Уйбаан Бахсылыырап. Сэрии кэмин оҕолоро - эйэлээх олох уустара

онно сүөһү көрөн кыстаабыттара. Ийэм миигин илдьэ киирбитэ, ас-таҥас
суоҕун кэриэтэ. Дьукаах ыалбыт, биригэдьиирбит Роман Иванович Васильев-
таах этилэр. Ийэлэрэ Аана диэн дьахтар кыһыны быһа ойбон тэһэн куйуур-
даан мунду сыыһа таһааран өллүүрэ, сорох күн кураанах тахсан хомоторо.
Дьиҥэ, ол Аана барахсан баар буолан сыл тахсыбыппыт. Онон, сэрии ыар
содулун, мин көлүөнэм дьоно, дьиҥ-чахчы эппитинэн-хааммытынан бил-
биппит. Ол сааһырдахпыт ахсын, ордук сытыытык биллэр буолар эбит...
Мин иккис кылааска үөрэнэ сырыттахпына Кыайыы буолбута. Бу олус
да улахан Улуу үөрүү этэ. Күһүөрү сайыҥҥыттан саҕалаан, сэрииттэн орду-
бут, үксүлэрэ аҥаар илиилээх, аҥаар атахтаах дьон дойдуларыгар кэлитэлээн
испиттэрэ. Кэлээт араас үлэҕэ үлэлэспитинэн барбыттара, биһиги харахпыт
дьэ сырдаабыта.
Кыһалҕаттан үлэһит буолар баҕаттан...

Оскуолаҕа 10 сааспын туолар күһүммэр киирбитим, ол эрээри дьонум
кыайан өйүөлээн үөрэттэрэр кыахтара суох буолан, биир сыл үөрэммэтэҕим.
Сэрии кэнниттэн 1947 сыллаахха, ийэм Копырин Семен Иванович диэн ки-
һиэхэ эргэ тахсыбыта. Кини булчут этэ, онон куобахтаан, балыктаан аһатан
абыраабыта. Үрүҥ харахпытын дьэ өрө көрбүппүт.
Сэрии да кэнниттэн оройуоҥҥа балык соҕотуопкалыырга былаан кэлэ-
рэ. Аҕабытын Өнөргө балык биригээдэтигэр ыыппыттара. Онон биһиги Өнөргө
көһөн тиийбиппит. Өнөр эбэтигэр уонна Хаспыт диэн сиргэ балыктыылла-
ра. Миигин илдьэ сылдьан түүнүн балыктарын Чубучааны диэн сиргэ оҕуһунан
тастараллара. Чубучааныга аҕалбыт балыкпытын мас буочукаларга тууһаан
иһэллэр быһыылааҕа. Суолбут сыыр үрдүгэр элбэх баҕайы киһи уҥуоҕун
таһынан ааһара. Ол киһи унуохтарыттан наһаа да куттанар этим. Урукку оҕо
куттанара эрэ абааһы буолаахтаатаҕа. Балтараа сыл курдук Өнөргө олорон
баран Бээрийэбитигэр төннөн кэлбиппит. Манна тастан интернакка нуорма
ас биэрэннэр үөрэнэммин, 1949 сыллаахха Бээрийэ алын сүһүөх оскуолатын,
салгыы Тандаҕа 7 кылааһы бүтэрэн, онтон Мүрүгэ үөрэнэн 1955 сыллаахха
орто үөрэх дипломун ылбытым.
Бу кэмҥэ ийэм үс кыра оҕоломмута, бэйэтэ сэллик ыарыыга ыалдьан
наар диспансерга сытаахтыыра. Дьиҥэр үөрэхпэр үчүгэй этим, тутуу инже-
нера буолар баҕалааҕым. Ол эрээри ийэбин эмтэтээри, оҕолорбун үөрэттэрэ-
эри, түргэнник үлэһит буолар баҕаттан, Дьокуускайдааҕы эргиэн техникуму-
гар биир сыллаах атыылааччылар курстарыгар үөрэнэ киирбитим.

Олоҕум отут алта сылын анаабытым

Атыылааччы курсун бүтэрээт 1956 сылтан, маҥнай остолобуойга, кэлин
маҕаһыыҥҥа атыылааччынан үлэлээн барбытым. Маҥнай үлэлииргэ сүрдээх
ыарахан этэ. Олорор дьиэбит суох буолан хас да ыалынан көһө сылдьан дьу-
каах олорбуппут. Ийэбин диспансерга киллэрэн баран (аҕабыт С.И.Копырин
Бээрийэҕэ холкуоска үлэлиирэ, икки сыл курдук буолан баран, оройуон ки-
инигэр киирэн остолобуойга оробуочайынан үлэлээбитэ), балтыбын Марфаны
оскуолаҕа биэрбитим, улахан бырааппын Баасканы батыһыннаран, кыра
бырааппын Сеняны салааскаҕа соһо сылдьан үлэлиирим. Хамнаһым диэн
ыйга 18 солкуобай.
Бу быыкаайык хамнаска туох таҥаһын-сабын ылыныаххыный? Оҕоло-
рум таҥастарын наар бэйэм тигэн, абырахтаан таҥыннарарым. Киһини
өйдүөхпүттэн, ийэм барахсан иистэнэргэ үөрэппитэ манна дьэ, кырдьык,
18'
275