Page 307 - Уйбаан Бахсылыырап. Сэрии кэмин оҕолоро - эйэлээх олох уустара

Өтөх төҥүргэстээх, сурт кэриэстээх

Анна Александровна уонна Семен Васильевич Пуховтар олоххо тарды-
һыыларын күүһүнэн, сэрии, аас-туор кэм бары кыһалҕаларын санныларыт-
тан киэр илгэннэр олохторун холбоон, Иэйэхсит Эдьэҥ эдьиийдэрэ үтүө
хараҕынан көрөн утуу-субуу биэс оҕоҕо күн сирин көрдөрбүттэрэ.
Улахан кыыс Наташа овощевод идэлээх, ыал буолан биэс оҕолонон, икки
сиэннэнэн Ньурбаҕа олохсуйда. Улахан кыыһа Алла Хандыга уолугар эргэ
тахсан, биир уол оҕону төрөтөн Ньурбаҕа олороллор. Улахан уол Саша пило-
рамаҕа мааастардыыр. Зина биэс саастаах Юлиана диэн кыыстаах. Кыра уол
Боря төрдүс кылааска үөрэнэр.
Марфа Свердловскай куоракка медицинскэй училигцеҕа үөрэммитэ.
Кыыһа Даша үөрэҕин бүтэрэн, Мирнэй куоракка медсестранан үлэлии сыл-
дьар. Уола Сеня ХИФУ-га физкультурнай отделениеҕа үһүс курска үөрэнэр.
Роза Иркутскайдааҕы тыа хаһаайыстыбатын техникумун бүтэрбитэ. Би-
лигин Курбуһах нэһилиэгин дьаһалтатыгар бухгалтерынан үлэлиир. Улахан
кыыһа Аня 9 кылааска, орто кыыс Марина 6 кылааска үөрэнэллэр. Кыра
кыыс Влада икки саастаах, уоллара Володя биир саастаах кырачааннар. Роза
Семеновна кэргэнэ Пухов Владимир Сахателеком тэрилтэҕэ монтердуур.
Пуховтар соҕотох уолларыгар эһэтин Баһылай аатын биэрбиттэр. Васи-
лий Семенович Уссурийскайга тыа хаһаайыстыбатын институтугар үөрэм-
митэ. Учуутал идэлээх кэргэнинээн Марфа Софроновналыын икки оҕолоох-
тор. Уоллара Станислав ХИФУ-га горнай факультет бастакы курсун студена.
Кыыстара Настя 9 кылааска үөрэнэр.
Анна Александровна кыра кыыһа Марина Красноярскайдааҕы аграрнай
университекка үөрэммитэ, экономист-бухгалтер идэлээх. Мирнэй куоракка
олорор, сбербаҥҥа үлэлиир. Марина улахан уола Саша горнай факультет
үһүс курсугар үөрэнэр. Кыра уол Алеша оҕо садыгар сылдьар. Аҕалара Афа-
насий Петрович Семенов лесхоз директорынан үлэлиир.
Дьэ, бу курдук Анна, Семен Пуховтар олохторо салҕанар, кинилэр биир-
гэ оттубут уоттарын унаар буруолара умуллубакка, Саха сирин араас улууста-
рынан тиийэ тарҕанна, дьолу түстээн дьону-сэргэни дэлэттэ. Үйэлэргэ бу
курдук буола туруохтун, сэрии кэмин дьоно Анна Александровна, Семен
Васильевич Пуховтар ааттара хаһан да умнуллубатын!
Уйбаан Бахсылыырап, 2012 с.

УЛУУ КЫАЙЫЫ КҮНЭ СИТИМНИИР

Төрөппүттэрбит барахсаттар

Биһиги аҕабыт Хорунов Тимофей Семенович Өлүөхүмэ улууһугар Нааха-
ра нэһилиэгэр олохтоох Семен Семенович уонна Анастасия Николаевна Хо-
руновтар диэн бултаан-алтаан уонна бурдук үүннэринэн аһаан-сиэн олорор
түөрт уоллаах, икки кыыстаах ыалга бастакы оҕонон 1914 сыллаахха төрөөбүт.
Кннилэр олорбут төрүт өтөхтөрө Буор Дьиэ диэн ааттаах сир эбит.
Аҕабыт Тимофей Семенович кыра үөрэхтээх буолан араас үлэҕэ барыты-
гар үлэлээбит. Ол курдук нэһилиэк Сэбиэтигэр сэкирэтээрдээбит, Наахара-
тааҕы тыа учаастагар десятниктаабыт. Суотчут курсугар үөрэнэн, “Кыһыл

303