Page 304 - Уйбаан Бахсылыырап. Сэрии кэмин оҕолоро - эйэлээх олох уустара
P. 304
Сэрии кэмин оҕото үлэ, тыыл ветерана Анна Александровна Аммосова-Пу-
хова 1934 сыл ыам ыиын 1 күнүгэр күн сирин көрбүт. Үөһэ ахтыллыбытын
курдук, сэрии, сут, тулаайах хаалыы содулугар Аана кыыс ситэ үөрэммэтэҕэ.
Анна Александровна аан бастаан холкуоска сүөһү көрөөччүнэн, ыанньыксыты-
нан, кэлин олоҕун устата санитарканан, остуораһынан үлэлээн пенсияҕа тах-
сыбыта. Олоххо дьулуур, дьолго тардыһыы күүһүнэн ыал буолан, биэс оҕону
төрөтөн, иитэн, үөрэттэрэн атахтарыгар туруорбута. Билигин кини аатын
төрөппүт оҕолоро, 15 сиэнэ, 2 хос сиэнэ ааттаталлар. Эдэр дьон өссө да тэний-
иэхтэрэ, элбиэхтэрэ турдаҕа. Ханнык да түгэнкэ, хайа да кэмкэ эһиги эбэҕит
Анна Александровна сырдык мөссүөнүн, үтүө аатын умнумак, өрүү өрө тута
сылдьык. Кини баар буолан эһиги бааргыт!
СЭРИИ ТУЛААЙАҔА
Билсик, А.А.Аммосова-Пухова туһунан араас сылларга Курбуһах олох-
тоохторо Афанасий Егорович Охлопков, Октябрина Дмитриевна Пухо-
ва, Афанасий Иванович Копырин хаһыакка суруйбут ахтыыларыттан.
Аана аны саас ыам ыйын 1 күнүгэр 60 сааһын туолар. Ити эттэххэ кэбэ-
ҕэс. Оттон кини тулаайах хаалан төһөлөөх эрэйи-муну көрбүтүн аттара сана-
атахха, кытаанах олоҕу ааһан баччаҕа кэллэҕэ. Аҕата Александр Васильевич
Аммосов Аҕа дойдуну көмүскүүр Улуу сэрии саҕаланнаҕын күһүн, атырдьах
ыйыгар, оччотооҕу Суотту эргиэнигэр үлэлии сылдьан армияҕа ыҥырыллан
барбыт.
Кини сэриигэ барарыгар Ааната 7 эрэ саастаах, оттон эдьиийэ Маайа
(улахан кыыһа) 10 саастаах оҕолор аҕаларын сайыһа көрөн хаалаахтаабыт-
тар. Ити күнтэн икки кыра кыргыттар тулаайах хаалбыттар. Дьэ итинтэн
саҕаламмыт ыарахан олох, тыыннаах эрэ буолуу иһин муҥнаныы... Ити кэ-
мҥэ кинилэри нэһилиэк, колхоз салалталара уонна олохтоох эмээхситтэр
М.А.Тарабукина, Л.В.Аммосова аһынан-харыһыйан аһатан көрөн олорбуттара.
Аана билигин сааһыран баран оччотооҕу ыарахан кэми олус харааста
ахтар: “1941-1942 сс. хоргуйан өлөр кыһалҕаҕа киирэ сылдьыбытым, дыгдайа
иһэн хаалбытым. Ону ыалларым аһатан-сиэтэн, көрөн-истэн өрүһүйбүттэрэ.
Кинилэр көмөлөрүнэн билигин бу 5 оҕолоох, 10 сиэннээх буолан ньир-баач-
чы олоробун. Ити амарах сүрэхтээх Тарабукина М.А эмээхсин ылан хоон-
ньугар уктубатаҕа буоллар, өлбүтүм өр буолбут буолуо этэ”...
Сэрии кэмин тулаайаҕа Анна Александровна бэйэтин хомойбут санаа-
тын саамай сөпкө ахтар. Сэрии кэмин тулаайахтарыгар сөптөөх үчүгэй, ас-
тык көмө баар буолуохтаах этэ да, хаһан даҕаны, биир да түбэлтэҕэ бу эрэйи-
кыһалҕаны көрбүт тулаайахха көмө оҥоһуллубатах. Билигин даҕаны кинини
ким да, бу сэрии тулаайаҕа этэ диэн Улуу Кыайыы да кэмнэригэрбырааһын-
ньыгар ахтан көрбөт. Сотору Улуу Кыайыы 50 сылын юбилейа буолуо. Саа-
тар онно сэрии толоонугар охтубут, Курбуһахтар биир бастакы активиста-
рын, колхозтары тэрийии кыттыылааҕын Александар Васильевич Аммосов
аатын ахтан, тулаайах кыыһыгар Анна Александровнаҕа умнуллубат кэскил-
лээх бэлиэни оҥоруохха баара.
А.Охлопков, селькор,
«Мүрү саһарҕата», 1994
300
