Page 302 - Уйбаан Бахсылыырап. Сэрии кэмин оҕолоро - эйэлээх олох уустара

Мин Александр Васильевич Сэбиэккэ сэкирэтээрдиир да, бэрэссэдээтэл-
лиир да кэмигэр Сэбиэт чилиэнэ этим. Оччолорго биһиги ородобуойга оло-
рон үлэлээбэт этибит. Холкуоһунай устаабы сиэппитигэр укта сылдьан, онон
салайтаран үлэлиирбит. Александр Васильевич Аммосов салайсыытынан 1930-
1931 сылларга ТОЗ табаарыстыбалары тэрийбиппит:
1. Мэҥэ-Атах — Быччыылык, предс. Местников Николай Степанович-
Быырай.
2. Күөдьүйбүт — Нэлэгэр, предс. Аммосов Николай Михайлович.
3. Санаммыт — Битиэттини үрэҕэ, предс.Местников Петр Николаевич-
Сөрөбүл.
4. Тэриллибит — Уус-Күөлэ, предс. Трулин Василий.
5. Сэргиппит — Сараах, предс. Копырин Афанасий Матвеевич-Чөмөчөкөнө.
6. Нүөдүрүкү — Ат-Туйаҕа, предс. Оконешников Николай Павлович.
7. Нүөкүнү — предс. Пухов Илья Васильевич (Маарыйа аҕата ).
8. Күөттүк — предс. Бурнашев Петр Иванович (Туйаарыма аҕата ).
9. Кустук суола — Дьаарын, предс. Пухов Петр Михайлович-Матайар.
10. Барыылаах — 9 киһилээх ТОЗ табаарыстыба этэ.1931 сыллаахха предс.
Бурнашев Николай Иванович-Лэкэр уола. Чилиэннэринэн: Бурнашев Михаил
Данилович, Пухов Афанасий Данилович, Бурнашев Афанасий Данилович
үлэлээбиттэрэ.
Бу ТОЗ табаарыстыбалар кэнники холбоһон холкуостар буолбуттара.
1. Нүөдүрүкү, Тэриллибит, Сэргиппит ТОЗ-тар холбоһоннор “Кыһыл
хардыы” холкуос буолбуттара, предс. Оконешников Николай Павлович та-
лыллыбыта.
2. Нүөкүнү — предс. Ушницкай Иван Матвеевич.
3. Мэҥэ-Атах, Күөттүк, Барыылаах холбоспуттара, предс. Окоемов Ни-
колай Николаевич-Томто.
4. Нэлэгэр уонна Дьаарын аҥара холбоһоннор “Күөдьүйбүт” холкуос буол-
буттара, предс. Аммосов Николай Михайлович (Петр Николаевич аҕата).
5. Кустук суола уонна Дьаарын иккис аҥаара холбоһоннор “Кустук суо-
ла” холкуоһу тэриммиттэрэ, предс. Местников Савва Иванович талыллыбыта.
Кэнники бу холкуостары өссө холбооннор Бастакы Курбуһах нэһилиэгэр
үс холкуос баар буолбута:
1. «Коммунизм” холкуос, предс. Местников Семен Михайлович.
2. “Кыһыл хардыы” — предс. Лазарев Кондрат Иванович.
3. Молотов аатынан холкуос — предс. Аммосов Андрей Романович.
Александр Васильевич Аммосов оройуонҥа сберкассаҕа сэбиэдиссэйи-
нэн үлэлии олорон аармыйаҕа ыҥырыллыбыта. Онтон уоттаах сэриигэ тии-
йэн сырдык тыына быстыбыта. Маннык дьоннор умнуллуо суохтаахтар.

Савва Иванович Местников.
1985 сыл кулун тутар 18 күнэ

* * *

Өлөксөөндүр Тандаҕа Бартыһаан Дьөгүөрэпкэ олорон икки дуу, үс дуу
сыл оскуолаҕа үөрэммит буолуохтаах. Өлөксөөндүр аҕата Дьөгүөрэпкэ күтүөт
буола сылдьыбыт. Ол дьахтар өлбүт, оҕо төрөөбөтөх быһыылаах. Өлөксөөндүр
Бахсы Слепцовтар кыыстарыттан төрөөбүт. Аҕата Баһылай миэхэ абаҕам этэ.
Эдьиийбинээн Маайалыын, улахан бырааппынаан Дьөгүөрүскэлиин кини-
лэргэ элбэх сыл олорон үөрэммиппит. Онон кинилэри үчүгэйдик билэбин.

298