Page 335 - Уйбаан Бахсылыырап. Сэрии кэмин оҕолоро - эйэлээх олох уустара

көһөн кэлиэхтэриттэн эдэр ийэ идэтин тосту уларытан, сааһын тухары атыы-
лааччынан үлэлээбитэ. Эмиэ үйэ чиэппэрэ кэриҥэ эргиэҥҥэ үлэлээбит “ Үлэ
ветерана” мэтээл кавалера, “Кооперация туйгуна” знактаах бочуоттаах сын-
ньаланҥа тахсыбыта.
Петровтар улахан кыыстара эбэтин аатын ылбыт Феня Хоро нэһилиэгин
дьаһалтатыгар кылаабынай бухгалтерынан үлэлиир. Икки кыыс оҕолоох, ула-
хана Александра орто оскуоланы бүтэрэн үөрэххэ киирээри сылдьар, Сайаа-
на оҕо садын иитиллээччитэ. Улахан уоллара Григорий кэргэнинээн Людми-
ла Михайловналыын үс оҕолоохтор. Улахан кыыстара Настя ХИФУ-га омук
тылын салаатыгар үөрэнэр, уоллара Володя Саха-бельгийскэй гимназияны
үөрэнэн бүтэрдэ. Кыра кыыс Майаҕас орто оскуолатын үөрэнээччитэ. Ыал
аҕата Григорий орто оскуолаҕа тракториһынан үлэлиир, ийэлэрэ Людмила
дьиэ хаһаайката. Кыра уол Иван идэтинэн эмиэ суоппар. Бөһүөлэккэ элбэх
тэрилтэ суох буолан идэтинэн үлэлээбэт, олохтоох ДьУоКХ үлэһитэ. Кэргэ-
нэ Валентина Николаевна Майаҕаска ФАП үлэһитэ. Уоллара Григорий Дьо-
куускайга Арктическай институт студена. Кэргэнинээн Галиналыын икки
оҕолоохтор. Онон аччыгый Петров Гриша аҕалаах ийэтигэр хос сиэннэри
бэлэхтээтэ. Орто кыыс Таня юрист үөрэхтээх, үлэлиир. Кыыһа Арина Мүрү
орто оскуолатын үөрэнээччитэ. Петровтар кыра кыыстара Маргарита үрдүк
үөрэхтээх финансист, улуус финотделыгар үлэлиир.
Дьэ, бу курдук оччотооҕу медицина мөлтөҕөр 17 оҕоттон соҕотоҕун орду-
бут Григорий Григорьевич Петров уонна сэрии тулаайаҕа Октябрина Ива-
новна ыал буоланнар удьуору ууһатан, кэнчээри ыччаты тэнитэн Майаҕас
бөһүөлэгин биир сис ыала буолан олороллор.

Уйбаан Бахсылыырап, 2012 сыл

АҔАБЫТ ӨРҮҮ БИҺИГИННИИН

Мин кыра эрдэхпиггэн аҕам суоппардыырын өйдүүбүн. Хатыҥ-Сыһыыга
олорор кэммитигэр таһаҕас таһар массыынаҕа үлэлиирэ. Кэлээччи-барааччы ба-
рыта ол массыынаҕа тиэллэрэ. Майаҕаска көһөн киирбиппит кэннэ самосовал
массыына ылан икки бөһүөлэгинэн чох таспыта. Ардыгар маҕаһыыҥҥа таһаҕас
аҕалара. Үксүгэр биһиги утуйа сытгахпытына чох тиэйэ барара, киэһэ утуйаары
сырыгтахпытына кэлэрэ. Онон ити сылларга аҕабытын үгүстүк көрбөт этибит.
Ити курдук хас да сыл үлэлээбитэ. Онтон сэттэ уонус сыллар ортолоруттан
уу баһар массыынаны биэрбиттэрэ. Чараҥ уонна Майаҕас отделениеларын хо-
тоннорун, хочуолунайдарын, ону таһынан ыаллары, сайынын сайылыктары
иһэр уонна боростуой уунан хааччыйара. Уһун-Күөл, Бырдьахаанап Огөҕө, Ха-
тырык-Быһыт, Бүөр-Күөл, Илин-Бас, Илин үрэххэ (Тандалыыр суол кытыы-
тыгар) Кыймаласпыт сайылыкка тиийэ уу илдьэрэ. Биһиги, оҕолор, сороҕор
ыраах сайылыктарга барарыгар болдьоһоммут барсан кэлэр этибит. Аҕабыт
күһүөрү сайын Уһун-Күөл сайылыктан кэлэригэр сугун үргээн аҕалара.
Сорох күн үлэтиттэн эрдэ бүтэн кэллэҕинэ, биһиги олбуорбут иһигэр
оҕолор мустан лапталыырбытыгар тэҥҥэ оонньоһоро. Биһиги, оҕолор, онно
наһаа үөрэрбит. Саас чучунаахтыы, күһүн отоннуу мотоциклынан эбэтэр
тракторынан аҕабытын кытта арҕаа алаастарга барааччыбыт. Биир сайын
оттуур алааспыт үрдүгэр хоно сытан отоннообуппут. Аҕабыт билигин даҕа-
ны күһүн отон кэмигэр биһигини уонна сиэннэрин тракторынан илдьэ сыл-
дьан отоннотор.

331