Page 336 - Уйбаан Бахсылыырап. Сэрии кэмин оҕолоро - эйэлээх олох уустара

Аҕабыт уонна ийэбит сааһырдыбыт диэбэккэлэр сүөһүлэрин көрө оло-
роллор. Онно төһүү күүһүнэн отчут-масчыт киһибит, хотон ис-тас үлэтин
үлэлээччи аҕабыт буолар. Биһиги аҕабыт Григорий Григорьевич быйыл 75
сааһын томтойо туолар. Оҕолор уонна сиэннэр ааттарыттан киниэхэ чэгиэн
буолууну, уһун үйэни баҕарабыт.
Аҕабыт барахсан, өрүү биһигинниин бииргэ буол!

Феврония Петрова, улахан кыыһа

УБАЙЫМ ОҔО СААҺЫМ СЫРДЫК ӨЙДӨБҮЛЭ
Саамай күндү киһим тапталлаах убайым Петров Григорий Григорьевич
туһунан ахтыыбын суруйабын. Биһиги аҕабыт Петров Григорий Федорович,
ийэбит Попова-Петрова Феврония Дмитриевна сэнэх, сэниэ, кыахтаах дьон
этилэр. Убайым кинилэргэ 17-с оҕонон төрөөбүт. Кырдьаҕас саҥаспыт Өрүүнэ
кэпсииринэн, төрөөтүн кытта кинини түннүгүнэн күрэтэн атын дьоҥҥо иит-
тэрэ биэрбиттэр. Кинини 4-5 сааһыгар диэри бэл дьиҥнээх аатынан ааттаа-
бакка, Чыҥый диэн аатынан ааттыы сылдьыбыттар.
Биһиги олорбут, үөскээбит алааспыт Аллай диэн этэ. Билигин убайым
аах Майаҕаска олорор дьиэлэрэ онно турбута. Алааска турдаҕына дьиэбит
көмүлүөк оһохтоох, сыҥаһа оронноох, хос диэн суоҕа, арай дьоммут утуйар
хаппахчылара баара. Адьас быыкаа сылдьаммын ыаҕайа тутан баран, убай-
бын батыһан Аллайбыт күөлүттэн уу баһан таһаарарбытын өйдүүбүн. Уба-
йым миигиттэн аҕыс сыл аҕа буолан кыһынын оскуолаҕа сылдьара, сайы-
нын аҕатын батыһа сылдьан от оттоһоро. Инньэ гынан балачча сүтэн баран
кэллэҕинэ миигин кытта тэҥнээҕин курдук оонньоһоро, онно оонньуур был-
дьаһан ытыырбын өйдүүбүн. Мин 5-6 саастаахпар Хатын-Сыһыыга көһөн
киирбиппит. Маҥнайгы кыһын Стручков Афанасий Ивановичтааҕы кытта
дьукаах олорбуппут. Онтон кинилэр Майаҕаска көспүттэрэ, биһиги Аллайга
баар дьиэбитин көһөрөн аҕалан Хатыҥ-Сыһыыга кинилэр дьиэлэрин онну-
гар туппуттара. Онон кыһынын Хатыҥ-Сыһыыга кыстыырбыт, сайынын
Торбос ггтөҕөр сайылыырбыт.
Убайым Гриша Бороҕоҥҥо Мүрү орто оскуолатыгар үөрэммитэ. Күһүн,
саас велосипедынан, кыһынын хайыһарынан сылдьара. Аҕабыт аан-бастаан
кинини Крылов Николай Михайловичтаахха олорорго кэпсэппит этэ. Убайым
кыра кылаастарга үөрэнэр кэмигэр аҕата илдьэн Николай Михайловичтаахха
хааллардаҕына ытыы-ытыы кэнниттэн эккирэтэрэ үһү. Дьэ ол иһин 6-7 кы-
лаастартан Хатыҥ-Сыһыыттан сылдьан үөрэммитэ.
Убайым Гриша Стручков Колялыын, Петров Филиптиин үксүгэр үһүө
буолан сылдьаллара. Урукку оҕолор сүрдээх мындыр өйдөөх этилэр. Чэрэнии-
лэнэн суруйар кэмҥэ авторучка диэн мээнэ көстүбэт буолара. Ол иһин убайым
хантан эрэ синньигэс боробулуоха булан, эрийэн спираль оҥорон баран бөрүөҕэ
кэтэрдэн кэбиһэрэ, оччоҕуна син балачча өр суруйара. Аны лампыһыай кэм-
пиэт ньаалбаан хоруопкатын түгэҕэр түөрт муннуктаах хайаҕас оҥороллоро
уонна түннүк тааһын таастыыллара. Ол ньаалбаан хоруопка иһигэр чүмэчи
уматан олордоллоро, үөһээ өттүнэн тэһэллэрэ, тутаахтыыллара. Дьэ ити оҥос-
тубут банаардарынан кыһыҥҥы кылгас күн кэлэ-бара суолларын сырдаты-
наллара. Кэлин мин эмиэ кини ити оҥорбут малынан элбэхтэ туһаммытым.
Оччотооҕу ыччаттар наһаа эйэлээх, көрдөөх этилэр. Сайын сайылыкка
киэһэ аайы мустаннар Үҥкүлүүр арыыга, эбэтэр Бэс Өтөҕөр түмсэннэр оон-

332