Page 340 - Уйбаан Бахсылыырап. Сэрии кэмин оҕолоро - эйэлээх олох уустара

гыналлар. Убайым да тылынан хаайтарбат, хардаран иһэр. Бары ампаарга
утуйаллар эбит, мин убайым хоонньугар утуйан турдум. Сарсыҥҥытыгар
Хаптаанньа сайылыкка убайбар Миитээхтээххэ бардыбыт. Дьэ, ити курдук
эдьиийим Маайыс, убайдарым Лэгэн, Миитээх миигин бэйэлэригэр сыһыа-
ран, хаан-уруу балыс буоларбын чахчы биллэрбиттэрэ. Ол иһин кинилэргэ
дириҥник махтанабын.

Кэптэнигэ көһөн кэлии
Баатаҕай аҕыс кылаастаах оскуолатын бүтэрэр сааспар биһиги дьиэбити-
гэр балачча уһун кэпсэтии тахсыбыта. Ол кэпсэтии мин оскуоланы бүтэрэн
баран салгыы ханна барарым туһунан этэ. Мин убайдардаммыт киһи: “Кэп-
тэнигэ үөрэнэ барыам этэ”, — диэтим. Ол сыл Кэптэни оскуолатыгар 9-с
кылаас аһыллыбыта. Ийэм аҕабын: “Кэптэнигэ көһөн барыах”, — диир, аҕам
буолуммат. Кэлин тиһэҕэр аҕабыт: “Чэ, убайдаргытыгар Кэптэнигэ барыҥ,
эдэр дьон салгыы үөрэттэриэхтэрэ буоллаҕа. Мин төһө уһуннук барарым бил-
либэт...” — диэн көҥүллээтэ. Ол кэмҥэ аҕабыт ыарытыйара, кырдьык, аҕам
эрэйдээх мин 10-с кылааска үөрэнэ сырыттахпына саас өлөөхтөөбүтэ...
Сотору кэминэн Кэптэниттэн дьоммутуттан: “Дьиэ буллубут, кэлиҥ”, —
диэн сурук туттубут. Кэптэнигэ Борисов Миитэрэйдээххэ (Төгүрүктэргэ) дьу-
каах киирдибит, Миитэрэй эдьиийинээн Ааналыын олороллор. Убайдарым
аҕабыт кэлсибэтэҕиттэн хомойдулар. Киэсэ оччолорго Суор Өтөҕөр сүөһү
көрөр, Ганя тутууга үлэлиир. Биһиги көһөн кэлбиппитигэр Прядезниковтар
аймах биир-биир кэлэн күүлэйдээн, билсэн бараллар. “Саҥаспыт Натааһа
кэлбит, оҕолордоох эбит”, — диэн наһаа үөрсэллэр. Сотору буолан баран
Прядезниковтар: “Дьиэтэ туттуҥ, биһиги көмөлөһүөхпүт”, — диэтилэр. Онон
Кэптэнигэ олорбуппут үһүс сылыгар дьиэ туттан киирдибит. Киэҥ-куон
дьиэҕэ биһиги, убайдарбыт Киэсэ уонна Ганя буолан олоробут. Биһиги Баа-
таҕайтан сүөһүлээх кэлбиппит, убайдарбытыгар дьонноро эмиэ сүөһү биэр-
дилэр. Онон хотон муҥунан сүөһү-ас буола түстүбүт. Сүөһүнү ийэбит көрөр,
хотон тас үлэтигэр Киэсэ сылдьар.
Эһиилгитигэр: “Сана дьиэҕэ саҥа миэбэл наада”, — диэн буолла. Убайым
Лэгэн 4 эрэ кылаас үөрэхтээх, нууччалыы үчүгэйдик билбэт. Ол да буоллар
Латвияҕа Рига куоракка мебель ыла барарга тэриннэ. Билигин да сөҕө саныы-
бын, убайым Лэгэн чахчы быһаарыылаах, хорсун киһи буолан итинник са-
наннаҕа. Таһаҕасчытынан кыайар-хотор уонна “аҕыйах тылы нууччалыы би-
лэбин" диэн Сысолятин Клим барыста. Клим Кэтириис уола, сахаҕа чахчы

П.Заболоцкай
аатынан холкуос
делегаттара
XXI
оройуоннааҕы
комсомольскай
конференцияҕа.
1961 с.

336